Gazety-Boky ‘Cholita’ Hoan'ny Vehivavy Teratany Malaza ao Bolivia
Cholitas, Bolivia. Sary ao amin'ny Flickr avy amin'ny mpisera Lemurian Grove (CC BY-NC 2.0).
Ny rakibolan'ny Akademiam-Pitondram-panjaka Espaniola no mamaritra ny voambolana cholo na chola eo amin'ny teny iditra voalohany ho “olona metisy manana rà Eoropeana sy Vazimba Teratany.” Raha miaraka amin'ny tovana espaniola -ita ny voambolana dia lasa cholita, tenim-pitiavana ampiasaina amin'ny vehivavy teratany Aymara any Bolivia izay mpanao satroka boribory kely sofina, raoby sy zipo miavaka ary lambam-behivavy marevaka, miaraka amin'ny volo mirandrana mizara roa mankany an-damosina.
Nanivaka io voambolana io tamin'ny voalohany, voambolana nilazana ireo vehivavy teratany nifindra nankany an-tanandehibe ka nanaraka ny fomba fiainan'ireo metisin'ambonivohitra, saingy ankehitriny izy io milaza ny vehivavy teraka tao La Paz izay maka ny mari-panondroana mahametisy azy.
Hatramin'ny 2014, ny Cholita ihany kosa dia anaran'ny gazetibokin-damaody iray ao Bolivia. Efa nantsoina izy io hoe “Vogue Andeana,” ary ny mpamaky nokinendry dia ny vehivavy teratany izay mitafy ara-pomban-drazana ary mihamiharihary sy mihamatanjaka ny anjara toerany eo amin'ny fiarahamonina.
Ny tonia Ester Chaym no nanazava tao amin'ny antsafa tamin'ny sampam-baovao espaniola EFE tamin'ny Oktobra 2014 fa raha nifantoka fotsiny tamin'ny lamaody ny gazetiboky, dia mety ho nankaleo ireo “vehivavy mpandray raharaha an-tanana, miasa mafy, kinga ary zatra manombo-javatra vaovao.”
Araka ny volazan'ny lahatsoratra, izay notsimponin'ny fampitam-baovao nanerana ny tontolo mpiteny espaniola, dia tamin'ny jolay 2014 no nivoaka voalohany ity gazetiboky mivoaka isam-bolana ity. Nanazava i Chaym:
Es una revista que plantea el matriarcado como una alternativa para hacer de este mundo un lugar plenamente feliz y próspero, quizás ya es tiempo de turnarse y que sean las mujeres las que tengan el poder.
Ity gazetiboky iray izay manolotra ny fitantanandreny ho azo atao safidy faharoa mba hahatonga izao tontolo izao ho toerana feno fanambinana sy faly, izao angamba ny fotoana hanovan-javatra mba hahatonga ny vehivavy hanana ny fahefana.
Nozarainy ihany koa ny hevitra nipoiran'ny fivoahan'ny gazetiboky:
Chaym relató que la idea de editar una revista de estas características partió de la espontánea reacción de una niña alemana que, cuando llegó a Bolivia y vio a las mujeres ataviadas con las tradicionales mantas, polleras y sombreros tipo bombín, exclamó: “¡Este país está lleno de princesas!”
Nahatsiahy i Chaym fa ny hevitra nahatonga ny famoahana gazetiboky amin'ireo toetra manavaka azy ireo dia nalaina avy amin'ny fihetseham-po tsy voatanan'ny vehivavy alemana iray, raha tonga tany Bolivia ka nahita ireo vehivavy nitafy ny lambam-behivavy ara-pombandrazana, zipo sy satroka boribory kely sofina, dia nihoraka hoe: ” feno printsesy ity firenena ity!”
Ny ekipa mandrafitra ny famelomana ity gazetiboky ity dia vondrona cholitas iray mizara ny toe-javatra iaianan'izy ireo.
Tao amin'ny Twitter, nanana ny akony ny vaovaon'ny gazetiboky tamin'izany fotoana:
“@ELTIEMPO: Nace en Bolivia la ‘Vogue andina’ con consejos de moda para ‘cholitas’ http://t.co/fwWinkf52d pic.twitter.com/cyncqmqKkr” / @GDiegoa
— Trilce Lovisolo (@trilcelovisolo) octubre 31, 2014
Navoaka ao Bolivia ny ‘Vogue Andeana’ ahitana fanorotoroan-damaody hoan'ny cholitas.
#AhListoQueProgre Nace en Bolivia la “Vogue andina” para mujeres indígenas http://t.co/WervPNxAs1
— Ignacio Xoraxuria (@xoraxuria) octubre 25, 2014
Eto Bolivia, teraka ny ‘Vogue Andean’ hoan'ny vehivavy teratany.
Salió la Revista Para Ti de las cholitas bolivianas. Voy a coleccionarla. http://t.co/Up6qS4FSuQ
— enzo (@scargenz) noviembre 6, 2014
Gazetiboky Para Ti hoan'ny cholitas Boliviana. Hangoniko hotehirizina.
Vogue Andina…qué hijaputezZz #Cholitas
— Cecilia Giuffrida (@GIUFFRA) noviembre 17, 2014
Vogue Andeana … zazasary ianareo. #Cholitas
Las “cholitas” ahora son las reinas de la moda: Esta es la nueva “Vogue” boliviana http://t.co/Vo3KfZqpJd pic.twitter.com/2I3kQW6mvp
— MAFFY (@LidiaMaffy_2014) octubre 28, 2014
Lasa mpanjakavavin'ny lamaody ankehitriny ny Cholitas: indro ny “Vogue” boliviana vaovao.
Tamin'ny Novambra 2013 ny fiadidiana ny tanànan'ny renivohitra boliviana La Paz no nanambara ny cholita ho “vakoka ara-kolontsaina tsy azo tsapaina” an'ny tanàna.
