Vehivavy Tharu iray miaraka amin'ny ombivaviny ao amin'ny tanànakely Tharu iray ivelan'i Dhangadhi. Saripikan'ny mpisera Flickr Inhabitat. Nampiasaina noho ny alalana BY-NC-ND 2.0

Raha nankalaza ny Andro Manerantanin'ny Sela Miendrika Antsimbilona izao tontolo izao tamin'ny 19 jona, dia mbola ambany ny fampahafantarana ny aretina ho an'ny ankamaroan'ireo mponina teratany Tharu ao Nepal, na dia maro aza ireo matiny vokatr'io aretina io ao.

Nisioka i Pramod Neupane, injeniera sivily iray:

Sickle Cell disease in Tharu Communities is an inherited genetic disorder. Needs urgent attention http://t.co/ve6Y5GY9zD #Nepal #SickleCell

— Pramod Neupane (@friendycalls) June 23, 2014

fikorontanana zenetika lovaina ao amin'ny vondro-piarahamonina Tharu ny aretina Sela miendrika antsimbilona [drepanôsitôzy]

Tharus, ny vondron'olona fahaefatra betsaka indrindra amin'ny isan'ny mponina ao Nepal, dia manana taha impito latsaka heny amin'ny aretina tazo noho ny tsy-Tharus. Niaina teny amin'ny lemaka ny Tharus, izay toerana feno tazo an'arivony taona.

Hita ho betsaka kokoa amin'ny toerana anjakan'ny tazomoka ny sela miandrika antsimbilona, ary ireo olona mitondra ny sela miendrika antsimbilona dia hita ho mahatohitra kokoa ny aretina tazo.

Nisioka ny manana kaonty Twitter Genetics and Beyond:

Why sicke cell anemia protects against malaria? http://t.co/K5ldQryYyU | #science #fact #GAB #erythrocytes pic.twitter.com/O1LBDLpUDy

— Genetics And Beyond (@GenesAndBeyond) March 23, 2015

Nahoana ny aretin'ny ra sela miendrika antsimbilona no miaro amin'ny tazo?

Inona ny aretina drepanôsitôzy (aretin'ny sela)?

With the vast numbers of people diagnosed with sickle cell it is a surprise that not a lot of people are aware of it #SpeakOnSickleCellObama

— SickleGirl (@SickledGirl) June 12, 2015

Raha mahita ny hamaroan'ny olona mitondra ny sela miendrika antsimbilona dia mahagaga raha tsy dia mahalala ny momba azy io ny olona

Ny aretin'ny sela-antsimbilona dia nandray ny anarany avy amin'ny bika hafahafa hita amin'ny sela mena, manana endrika antsimbilona, izay mihandrona ao amin'ny lalandrà. Ny fikorontanana, izay lovaina avy amin'ny ray amandreny, no mametraka fahasarotana ho an'ny lalandrà hamoaka ôksizena ho an'ny vatana, ka miteraka fangirifiriana lalina mbamin'ny fahasimban'ny taova sy fahatapahan'ny lalandrà tsindraindray.

Noho ny fahalafosan'ny fizahana sy ny fikarakarana noho ny aretina sy ny tsy fisian'ny toera-pitsaboana azy ao Nepal, dia maro ny fianakaviana no mivaro-pananana sy tany hitsaboana tena ao India.

Tamin'ny herintaona, nanambara ny hitsaboana maimaimpoana ireo mararin'ny sela miendrika antsimbilona [drepanôsitôzy] ny governemantan'i Nepal. Kanefa, tsy manana ny fitaovam-pitsaboana ilaina amin'izany ny toera-pitsaboana eny fa na dia ho amin'ny fizahana hamantarana ny aretina aza dia nalefa any India ny santionan-drà.

Ilaina indrindra ny Fampahafantarana

Milaza ny dokotera fa tena iankinan'ny ain-dehibe tokoa ny fampahafantarana ny aretina ho fisorohana ny aretin'ny sela miendrika antsimbilona. Tsy mifindra izy fa manaranaka. Rehefa fantatra fa 25 isanjato ny herijika ananan'ny zaza iray hahazo ny aretina raha samy mitondra ao aminy ny ray aman-dreniny, dia tsara kokoa raha tsy mifanambady ny olona roa samy mitondra ity fikorontanana ity.

Nanolo-kevitra ny vondrom-piarahamonina Tharu ihany koa ny hanambady olona hafa foko raha monina any amin'ny faritra anjakany ijerena ny mety mbola ielezany na tsia.

Awareness is all we need, the rest will follow! #SpeakOnSickleCellObama for World #SickleCell Day 6/19 @POTUS @FLOTUS pic.twitter.com/XqMnWerW8N

— Sickle Cell 101 (@sicklecell101) June 11, 2015

Fampahafantarana ihany no tena ilaintsika, manaraka ny ambiny rehetra!