Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Inona no Tokony Ataon'i Singapaora Manoloana ny Krizin'ny Mpitsoa-ponenana Rohingya?

Immigrants from Myanmar and Bangladesh arrive in Langsa, East Aceh in Indonesia. At least 678 immigrants arrived on boats in poor health. Photo by Dodi Kurniawan, Copyright @Demotix (5/16/2015)

Mpifindra monina avy ao Myanmar sy Bangladesh tonga ao Langsa, Atsinanan'i Aceh ao Indonesia. Mpifindra monina 678 farafahakeliny no tonga amin'ny sambo ary ao anatin'ny tsy fahasalamana. Sary avy amin'i Dodi Kurniawan, Zon'ny mpamorona @Demotix (5/16/2015)

Tsy taitra i Singapaora nandritra ny krizin'ny mpitsoa-ponenana Rohingya ao Azia Atsimo Atsinanana na dia nihaona mba hikaro-bahaolana aza ireo mpitondran'ny firenena manodidina.

Vondrona Miozolomana vitsy an'isa ao Myanmar ny Rohingya saingy tsy nety nankatoa azy ireo ho toy ny olom-pirenena ny governemanta. Satria heverina toy ny mpifindra monina tsy ara-dalàna izy ireo ary napetraka tany amin'ireo tobin'ny mpitsoa-ponenana marobe izy ireo, raha nandositra tany amin'ny firenena hafa manodidina kosa ny maro hitady fialokalofana sy asa. Tamin'ny volana lasa teo, nolavin'ireo governemanta Aziatika Atsimo-atsinanana maromaro ny sambon'ny mpitsoa-ponenana Rohingya, fanapahan-kevitra izay niteraka resabe iraisam-pirenena.

Noho ireo mpifindra monina Rohingya an'arivony tafahitsoka an-dranomasina, tara ireo firenena ao Azia Atsimo Atsinanana vao nikoropaka handray fepetra. Nihaona i Malezia, Indonezia ary Thailandy mba hiresaka ny fepetra horaisin'izy ireo ka nanaiky hanome fialokalofana vonjimaika i Malezia sy Indonezia.

Nanome baiko hanaovana hetsika fikarohana sy famonjena hitadiavana ireo sambon'ny mpifindra monina ny Praiminisitra Malaiziana Najib Razak:

Nanome baiko ny @tldm_rasmi sy ny APMM aho mba hanao ezaka fikarohana sy famonjena amin'ny sambo Rohingya. Tsy maintsy misoroka ny fahafatesan'olona isika.

Singapaora kosa tetsy andaniny nilaza ny tsy fahafahany handray mpitsoa-ponenana. Amin'ny maha-firenena kely amin'ny tany voafetra, tsy afaka handray olona mitady fialokalofana ara-politika na mpitsoa-ponenana i Singapaora, na inona na inona foko na toeram-piavian'izy ireo,” hoy ny mpitondra tenin'ny Minisiteran'ny Atitany tamin'ny mpanao gazety.

Politikan'i Singapaora efa ela mikasika ireo mpitady fialokalofana izany. Ny tati-baovao tamin'ny taona 1978 dia nampiseho ny fandavan'ny Praiminisitra Lee Kuan Yew tsy handray  ireo mpitsoa-ponenana Vietnamiana izay nilazany fa: “Tsy maintsy manamafy ny fonareo ianareo raha tsy te-ho latsa-drà ho faty.”

Tamin'ny 2012, mpitsoa-ponenana Rohingya 40 avotra  tany an-dranomasina no tsy navelan'i Singapaora hiditra ao aminy.

Nanipika i Glendon Giám ao Singapaora fa henjana loatra ny fepetra noraisin'i Singapaora hanakanana ireo mpitsoa-ponenana tsy hiditra ao amin'ny faritra:

Fampatsiahivina ny lasa: tamin'ny 1975, nanatontosa “Hetsika Kotro-baratra” i Singapaora hanakanana ireo mpitsoa-ponenana Vietnamiana Atsimo tsy hiditra ao amin'ny firenena, nahazoana alalana ny fampiasan-kery mahafaty

Na izany aza, nisioka i Karen Gwee fa efa nandray mpialokaloka Vietnamiana sasany i Singapaora tamin'ny taona 1978 :

Tena tsy misy antony ny tsy handraisan'i Singapaora ireo mpitsoa-ponenana- efa nataontsika izany tamin'ny 1978

Nomena fialokalofana tao amin'ny tobin'ny mpitsoa-ponenana voakarakara tsara ihany ireo mpitsoa-ponenana ireo, saingy raha afaka mifindra indray any amin'ny firenen-kafa ao anatin'ny 90 andro.

Sary hafa avy amin'ity faritra ity nozarain’ilay mpitsoa-ponenana Vietnamiena teo aloha Lam-Khanh Nguyen tao amin’ny Facebook.

Nahatonga ny Singapaoreana sasany hiantso ity firenena nosy manankarena ity mba hanome fialofana hoan'ireo mpitsoa-ponenana mamoy fo -na dia vonjimaika aza ny krizy farany .

Ao amin'ny Facebook, manontany ny fandaniana laharam-pahamehan'i Singapaora i Miak Siew:

Folks – you ask me if we host refugees where is the money going to come from.
i ask you – Where does the millions of dollars spent on fireworks for National Day every year come from?

you are happy to burn millions shooting lights into the sky, but you are not happy saving lives? Says a lot about our priorities

Ry vahoaka -  manontany ahy ianareo hoe avy aiza ny vola raha mampiantrano mpitsoa-ponenana izahay.
Manontany anao aho - Avy aiza ireo dolara an-tapitrisa nolaniana amin'ny afomanga amin'ny fetim-pirenena  isan-taona?

Faly ianao mandoro vola an-tapitrisany amin'ny fanipazana jiro any an-danitra, saingy tsy faly amin'ny famonjena aina? Milaza  betsaka momba ny laharam-pahamehantsika izany.

Singaporean artist Joshua Chiang of Cerealbox Studios designed this poster in support of the Rohingya refugees.

Nanamboatra ity afisy ity ilay mpanakanto Singapaoreana Joshua Chiang ao amin'ny Cerealbox Studios ho fanohanana ireo mpitsoa-ponenana Rohingya. Nahazoana alalana ny famoahana ny sary

Mandritra izany, manohana ny tsy fanomezan-tanana ataon'ny governemanta ny Singapaoreana sasany izay matahotra sao ho fandaniam-bola ny fampiantranoana ireo mpitsoa-ponenana.

Manazava ao amin'ny Facebook ny antony ahatakarany ny fepetra noraisin'ny governemanta i Wei Wen:

The much bigger point is where does this all lead to? How will they eventually be resettled? Can they really assimilate and integrate into the society? Are we going to house them for decades and beyond? How long before our generosity is worn thin and we realize that there is no other option but continue? Look at the realities in all these options seriously and tell me that our government should not have the heart to protect the best interests of its people?

Ny tena teboka lehibe kokoa dia hoe mitondra mankaiza izany rehetra izany? Ahoana no hametrahana azy ireo indray? Afaka tena hiditra sy hiharo ao anatin'ny fiarahamonina ve izy ireo? Hampiantrano azy ireo ampolony taona na mihoatra izany ve isika? Hafiriana alohan'ny faharavan'ny fiantrantsika ka tsy misy safidy hafa ankoatra ny manohy ny efa natao? Jereo ny zava-isy amin'ireo safidy rehetra ireo ary lazao ahy fa tsy tokony hanana fo hiaro ny tombontsoa tsara indrindra hoan'ny vahoakany ny governemanta?

Manolo-kevitra kosa ilay bilaogera ara-politika fa tokony handefa ireo tafika an-dranomasina mankany Myanmar ny firenena mba hanakana ireo mpanondrana olona  an-tsokosoko sy ireo lasibatry ny fanondranana olona:

Patrolling about 300 – 400 km of coast is a lot easier than scouring half the Andaman Sea looking for smugglers’ boats. Picking people up before they get hungry or thirsty reduces the amount of costly medical intervention required.

The navies should intercept and check all boats leaving Burmese waters. Refugees or trafficked persons found on board should be removed and the boat seized. Traffickers and boat operators should of course be taken into detention.

Mora kokoa ny manao fisafoana ny morontsiraka eo amin'ny 300 - 400 km eo noho ny mijanona eo antenantenan'ny Ranomasina Andaman ijerena sambon'ireo mpanondrana olona an-tsokosoko. Mampihena ny vola lany amin'ny fitsaboana ilaina ny fakana ireo olona dieny mbola tsy noana sy mangetaheta izy ireo.

Tokony hanakana sy hanara-maso ireo sambo rehetra miala ao amin'ny fari-drano Birmana ny tafika an-dranomasina. Tokony esorina ireo mpitsoa-ponenana ary raofina ny sambo. Mazava ho azy fa tokony ampidirina am-ponja ireo mpaka an-keriny sy ireo mpandraharahan'ny sambo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.