Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Hampangatsiaka Ireo Tsikera Ny Fanombohan'ny Pôlisin'ny Aterineto Ao Shina Ny ‘Fitsirihana Ny Resaka’

Image from Flickr user: Isriya Paireepairit (CC: AT-NC)

Sary avy tamin'ny mpampiasa Flickr: Isriya Paireepairit (CC: AT-NC)

Ny 1 Jona, nanomboka nanao “fitsirihana ny resaka” aty anaty sehatry ny media sosialy,  ireo Andiana Pôlisin'ny Aterineto Shinoa avy amin'ireo governemanta monisipaly miisa 50.

Araka ny fanambaràna avy amin'ny Minisitry ny Filaminam-bahoaka, hitsirika ireo sehatry ny media sosialy lehibe ireo pôlisin'ny Aterineto, tafiditra amin'izany ny Weibo sy ny WeChat isan'ora, mba hisorohana ny loharanom-baovao tsy ara-dalàna amin'ny fanaparitahana amin'ny anarana sy kaonty iofampizaràna “Polisy Mpitsirika ny Aterineto ary Fampiharana ny Lalàna” (网警巡查执法). Natao hitily ny “loharanom-baovao tsy ara-dalàna sy manohintohina” ireo ekipan'ny pôlisin'ny Aterineto ireo, misoroka ireo teny sy fihetsika ratsy, mandefa tatitra momba ny tranga miseho, ary miambina amin'ireo mpanao heloka amin'ny aterineto. “Hampianatra sy hampitandrina” ireo manao ny tsy mety, ary misambotra ireo manitsakitsaka ny lalàna izy ireo.

Nampiasaina indrindra tany amin'ireo tanàna lehibe, toa an'i Beijing, Shangai ary Guangzhou, ary ireo tanàna izay ipetrahan'ireo foko vitsy an'isa, ny andiany voalohany tamin'ireo ekipan'ny mpitsirika ny Aterineto. Hanomboka ny fitsirihana amin'ny Aterineto, ho an'ireo tanàna any amin'ny laharana faharoa sy fahatelo, amin'ny dingana manaraka.

Hatramin'ny taona 2008, raha nanomboka nalaza tany Shina ny Weibo, namorona  kaontiny media sosialy ho azy ireo manokana ireo andiana pôlisy maro be, mba handraisana ireo fitarainana sy tatitra heloka avy amin'ireo olom-pirenena tsotra. Kanefa hatramin'izao, tsy tompon'andraikitra tamin'ny fiambenana ireo resaka amin'ny Aterineto izy ireo. Ireo mpiandraikitra sehatra fifaneraseràna matetika no tena nanao ireo sivana amin'ireo media sosialy, izay mahazo baiko avy amin'ireo governemanta isan-karazany sy ireo manampahefana amin'ny antoko, mba hanivana ireo teny mety hanafintohina ara-politika na hamafa ny kaontin'ireo mpampiasa mampisy olana. Ny ankamaroan'ireo sehatra media sosialy ihany koa dia nametraka fomba fitaterana ny loharanom-baovaon'ny fiarahamonina mba hisorohana ireo honohono ary ireo fanalàam-baràka tsy hiparitaka amin'ny Aterineto.

Nandritra ny taona maro, nanontany ary nisambotra ireo mpisera amin'ny Aterineto ireo pôlisy noho ny “fanaparitahana honohono” na “filàm-baniny sy fihantsiana korontana”. Ny teny nanamelohana ilay mpiaro ny zon'olombelona Pu Zhiqiang, no tranga vao haingana indrindra izao. Fa ny fanombohana ny fandaharan'asa “Pôlisy Mpitsirika ny Aterineto sy ny Fampiharana ny Lalàna”, dia mitaky ezaka mirindra bebe kokoa amin'ny fanamelohana ny teny aty amin'ny Aterineto.

Nasongadin'ilay fanambaràn'ny ministera mazava ihany koa ny hoe, ny taona 2015, efa nanodidina ny 758.000 eo sahady ireo ” loharanom-baovao voaràran'ny lalàna” no nofafàn'ny  Andian'ny Pôlisin'ny Aterineto, tranga “heloka amin'ny Aterineto” miisa 70.000 no efa nokirakirainy. Mety vao mainka hampangatsiatsiaka ny fiantraikan'ireo fepetra raisiny amin'ireo tsikera kosa ny “firosoany hiseho masoandro” ataon'ny pôlisin'ny Aterineto.

Nilaza izao tao amin'ny Radio Free Asia ny mpanoratra tsy miankina iray, Ye Du:

这个体制把互联网视为意识形态成败的关键部分。微博、微信现在是新媒体社交时代网民主要运用的工具。在微博上面已经清理得差不多了,

Image from Flickr user: Isriya Paireepairit (CC: AT-NC)

Sary avy tamin'ny mpampiasa Flickr: Isriya Paireepairit (CC: AT-NC)

而在微信上面现在也加紧清理,这全部是网络警察的功劳。但是我们看到,现在整个在互联网来说,还是相当活跃的。在庆安事件里面我们看到网民纷纷表态,对这个体制形成相当大的压力,这让他们意识到单靠以前一些打击网络大V,清理公信号,或者实名制,不一定能应付得了目前来自民众的压力。[…] 所以这次我们看到网络警察大规模上线,这是对网民赤裸裸的恐吓,希望从心理上面让网民产生恐惧,从而在互联网各种关键问题上面自我审查,这才是这种高调最真实的目的。

Ataon'ny Fanjakana ho toy ny tany fiadiana hanaraha-maso fotokevitra ny Aterineto. Fitaovana lehibe tokoa ny Weibo sy ny WeChat ho fitakiana ny demôkrasia, amin'ny vanim-potoanan'ny media sosialy. Voadio ny Weibo ary ezaka lehibe no vita tao amin'ny WeChat noho ny pôlisin'ny Aterineto. Kanefa, mbola mihetsiketsika ihany ny Aterineto. Tamin'ilay trangam-pitifirana nataon'ny polisy vao haingana tao Qing'an, nampiaka-peo ireo mpisera maro amin'ny Aterineto, ary nahatonga teritery mafy ho an'ireo manampahefàna. Fantatr'izy ireo amin'izay fa tsy hampijanona ireo vahoaka tsy hilaza ireo heviny akory ny fanaovana hery famoretana amin'ireo mpitondra teny malaza, ny fanarahamaso henjana amin'ny sehatry natao ho an'ny daholobe ao amin'ny WeChat, na ny fametrahana ny rafitry ny tsy maintsy fametrahana ny tena anarana. […] Izany no antony mahatonga ny pôlisin'ny Aterineto miseho vahoaka amin'izao fotoana. Loza mitatao ho an'ireo mpisera amin'ny Aterineto mieritreritra ny hanao fandrahonana io, amin'izay ireo mpisera amin'ny Aterineto ihany no manao ny sivana amin'ny zavatra teneniny. Izany no tena zavatra tiana hatao ao ambadik'io fihetsiketsehana io.

Tsy faly amin'ilay fitsirihana atao ireo olon-tsotrampisera amin'ny Aterineto, saingy  nananihany ihany ny maro. Naneho hevitra tamin'ny vazivavy ratsy ireo Shinoa mpisera amin'ny Aterineto , raha nilaza ny mombamomba azy ireo sy ireo asany tamin'ny Weibo  “ny pôlisy Mpitsirika ny Aterineto sy Mpampihatra ny lalàna ao Chengdu”:

地沟油煎炒、苏丹红禽蛋、镉大米、污染水、塑化剂水酒、膨大剂果蔬、石蜡油火锅、滑石粉豆干、硫磺熏银耳、PM2.5空气、地痞、流氓、小偷、强盗原来都他妈的是安全的。只有这网络不安全。

Sakafo voaendy tamin'ny menaka maloto, atody tratran'ny otrik'aretina Sudan I, vary voapoizin'ny Cadmium, rano voaloto, zavapisotro misy plastika, voankazo mipoaka, viratin-tsakafo misy Paraffine, Tofu vita amin'ny vovona talka, olatra fotsy asiana solifara, vovoka PM2.5 eny amin'ny rivotra, ireo jiolahim-boto sy ireo mpamaky entana, mpangalatra sy mpanendaka, samy tsy ahitan-doza tay daholo izy ireo. Ny Aterineto ihany no mampidi-doza.

网络不是法外之地,这个说法根本就不是事实,网络上发表言论惹恼政府的人抓得还不够多?老爷们喜欢睁眼说瞎话。

Tsy eny ivelan'ny lalàna akory ny Aterineto – tsy mitombina io fomba fiteny io. Olona maro no efa nosamborina noho ny tsikera nolazainy tamin'ny Aterineto. Tsy ampy ve izany? Tianareo ary tsy mampihetsi-bolomaso anareo ry zalahy ilay mandainga an.

我被世纪佳缘酒托骗钱,你来管? 我一夜情(合法的吧?)没搞成,手机还掉了,你来管? 我淘宝花正品的钱买到山寨货,你来管? 管不了就别吹牛逼,行不?

Voafitaky ny sehatra iray fifaneraserana tamin'ny Aterineto aho, tianareo sahanina ve izany? Very iray alina nitsangana fotsiny aho (izay ara-dalàna ve?), very ny findaiko, afaka sahaninareo ve izany? Nahazo entana sandoka tany amin'ny Taobao aho, afaka sahaninareo ve izany? Raha tsy afaka mamaha ireo olana ireo ianareo, aza miseho milay eran'ny tanàna.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.