Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tolotra Vaovao Avy Amin'ny Basij Militia (Milisy) Any Iran, Ahafahan'ny Fanjakana Mahita Ireo Resadresaka Rehetra

Officials hope Salam will lure users away from applications such as Viber and WhatsApp that are hugely popular in Iran. Screenshot taken by the International Campaign for Human Rights in Iran.

Manantena ireo tompon'andraikitra fa hitarika ireo mpampiasa finday hanalavitra ireo tolotra hita amin'ny finday, toy ny Viber sy WhatsApp izay malaza be any Iran, ny Salam. Dikasary nalain'ny Hetsika Iraisam-pirenena ho an'ny Zon'olombelona any Iran.

Niseho voalohany tao amin'ny iranhumanrights.org ity lahatsoratra ity, ary alefa eto noho ny fiaraha-miasa amin'ny Hetsika Iraisam-pirenena ho an'ny Zon'olombelona any Iran.  

Nanambara ny fampielezany ny tolotra vaovaony fandefasana hafatra amin'ny finday, atao hoe “Salam”, ny fikambanana Basij, tafika ivelan'ny fanjakàna, rantsa-mangaikan'ny Mpiaro ny Revôlisiôna (IRGC). Manome fahafahana feno an'ireo tomponandraiki-panjakana ilay tolotra hahita manontolo ireo votoaty sy ireo angon-drakitra rehetra mandalo aminizy io.

Hampiasa ireo lohamilina an'ny Basij ary tantànany ilay tolotra vaovao fandefasana hafatra, izay afaka alaina maimaimpoana ankehitriny, manome mora foana ho an'ny vondron-tafika ivelan'ny fanjakana sy ireo mpitsikilo ny fahafahana miditra sy manara-maso ireo fifampiresahana rehetra ataon'ny mpampiasa azy io.

Manantena ireo tompon'andraikitra fa ny Salam dia hitarika ireo mpampiasa hiala lavitra ireo tolotra ho an'ny finday izay malaza be any Iran toy ny Viber sy WhatsApp, izay efa nandraman'ny fikambanam-panjakana nahitsoka tany taloha tao anatin'ny ezak'izy ireo hifehy ireo fifampiresahana amin'ny aterineto sy ny fifandraisana rehetra amin'ny finday.

Maneho dingana hafa amin'ireo ezaka hafa ataon”ireo manampahefana amin'ny hanaovana dika mitovy amin'ireo tolotra iraisam-pirenena amin'ny aterineto rehetra ilay tolotra vaovao, mba ho izay navoakan'ny fanjakana, amin'izay mantsy azon'ireo tomponandraikim-panjakana idirana sy jerena ny votoaty an'ny mpampiasa.

Nampidirina ao anatin'io ezaka io daholo ireo fitaovam-pitadiavana angon-drakitra, tolotra imailaka, fitety, ireo OS, ary ireo fanamarinana SSL, izany no natao mba hametrahana Aterineto Nasiônaly voaaramason'ny fanjakana. Mieritreritra ny hanome tolotra misaraka amin'ny Aterineto maneran-tany ary afaka araha-maso sy sivanin'ireo manampahefam-panjakana ilay tetikasa nasiônaly.

Tamin'ny tafatafa niaraka tamin'ny Basij Press, nanambara ny fivoahan'ilay tolotra Salam fandefasana hafatra ny 5 May i Hamid Jafari, Filohan'ny Ivontoeran'ny Fampahalalam-baovaon'ny Basij any Iran. Nilaza i Jafari fa ho solon'ny Viber, WhatsApp, ary Telegram ny Salam, izay “azo itokisana kokoa, marin-toerana, ary azo antoka,” raha oharina amin'ireo tolotry ny Tandrefana.

Nanoso-kevitra ireo mpampiasa ihany koa i Jafari mba hitahiry tsara ny “ny fotoanany sy ny fiainany manan-danja, amin'ny fialàna lavitra ireo tambajotra [sosialy]” sahala amin'ny Viber, WhatsApp ary Telegram. “Raha mijery tsara ny tantaran'ireo tambajotra sosialy ianareo, ho hitanao fa ireo lazaina ho tambajotra sosialy ireo dia mifototra amin'ny fomba filozofia Tandrefana, izay ny maha olona sy ny fomba fisainana mifantoka amin'ny olona no tena antoky ny fanapahan-keviny. Amin'ny fomba filazàna hafa, tsy misy hita ao anatin'ireo tambajotra ireo ny foto-kevitra sy fototry ny fomba fisainana Silamo,” hoy i Jafari tamin'ny Basij Press.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.