Namoizana aina maherin'ny 7000 ary naratra avo roa henin'izany ny horohorontany izay namely an'i Nepal tamin'ny 25 Aprily. Olona 8 tapitrisa no niharan'ny horohorontany ka 2 tapitrisa farafahakeliny ireo nafindra toerana.

Ankoatra ireo olona niharam-boina sy fananana simba an'arivony tapitrisa, nanimba ireo tsangambato malaza manerantany ihany koa ny horohorontany - maro amin'izy ireo no Vakoka Iraisampirenena. Nilaza tamin'ny Fikambanan-gazety ny lehiben'ny UNESCO Irina Bokova fa “mahavaky fo” ny mahita ny fahasimban'ny fangaron'ny Hindoisma sy ny Bodisma manavaka an'i Nepal.

Niditra aterineto ireo mpiserasera media sosialy mba handefa ny sarin'ireo tsangambato lehibe sy toerana manan-danja taloha sy taorian'ny horohorontany .

Simba tanteraka ny kianjan'i Durbar telo ao amin'ny Lohasaha Kathmandu - Kianjan'i Kathmandu Durbar, Kianjan'i Patan Durbar ary ny  Kianjan'i Bhaktapur Durbar- ka mila an-taonany maro ny fanavaozana ireo tempoly fahagola.

This breaks my heart. Basantapur Durbar square, one of the historic places of Nepal, before and after. pic.twitter.com/OLqnoluqnz

— FG (@FunnyGooner) April 25, 2015

Mahavaky ny foko ity. Kianjan'i Basantapur Durbar, iray amin'ireo toerana manan-tantara ao Nepal, taloha sy taorian'ny hovitrovitry ny tany.

BEFORE/AFTER: King Yoga Narendra Malla, Patan Durbar Square #NepalEarthquake #Nepal #Peace pic.twitter.com/BJ8Exx3gJK

— JigmeUgen (@JigmeUgen) April 25, 2015

TALOHA/TAORIANA. Mpanjaka Yoga Narendra Malla, Kianjan'i Patan Durbar

One of the temples in Bhaktapur #Nepal before and after the earthquake. Two weeks ago the first pic was taken. pic.twitter.com/3DRWJdHFyc

— Marymoon (@MaCasasfranco) April 28, 2015

Iray amin'ireo tempoly ao Bhaktapur taloha sy taorian'ny horohorontany. Nalaina roa herinandro lasa ny sary

Namboarin'ny praiminisitra voalohany, Bhimsen Thapa tao Nepal i Dharahara, fantatra ihany koa amin'ny hoe tilikambon'i Bhimsen . Nirodana tamin'ny horohorontany tamin'ny 1934 ny tilikambo rihana 13 tamin'izany. Nohavaozina indray ho tilikambo minaret rihana 9, ary rava indray tamin'ny horohorontany tamin'ny volana lasa

Other before-after was wrong but this one isn't. Dharhara tower: before, after, before, after #NepalQuake pic.twitter.com/M4QbQFGKc8

— Susan Hough (@SeismoSue) April 25, 2015

Diso ilay taloha sy taoriana hafa fa ity no tena izy. Tilikambon'i Dharhara, taloha, taoriana, taloha, taorian'ny fihovotrovotry ny tany

Nahitana fahasimbana ihany koa i Swayambhunath, fantatry ny vahiny amin'ny hoe Tempoly Rajako.

A monk walks past the collapsed monastery and shrines at Swoyambhunath Stupa, a UNESCO world heritage site pic.twitter.com/AOWMerX3em

— Tourej Ansari (@tourejansari) April 29, 2015

Moanina mandeha eo anoloan'ny monasitera sy toerana masina nirodana ao Swoyambhunath Stupa, Toerana Vakoka Iraisampirenen'ny UNESCO

Spectacular view of Swoyambhunath also known as monkey temple. #Travel #Kathmandu #Buddhism #Nepal pic.twitter.com/CW6dKVzi1o

— Trekking Nepal (@serenitytreks) April 1, 2015

Tazana mahatalanjona ao Swoyambhunath, antsoina koa hoe tempoly Rajako.

Nanjary dongon-tany ny iray amin'ireo tempoly tsara indrindra manamorona ny Renirano Bagmati, tempoly Kalmochan.

Kalmochan in #Kathmandu, #Nepal. One of my favs. Good morning 🙂 #HelloMonday #temple #architecture #VisitNepal pic.twitter.com/ENC33HthBT

— Kashish Das Shrestha (@kashishds) January 5, 2015

Kalmochan ao Kathmandu, Nepal. Iray amin'ireo ankafiziko, Manahoana 🙂

The Kalmochan Temple built in Mughal style by Jang Bahadur at Thapathali down, only the Garuda stands guard. pic.twitter.com/KWfv4a7PHB

— Kanak Mani Dixit (@KanakManiDixit) April 25, 2015

Nirodana ny tempoly Kalmochan namboarin'i Jang Bahadur tao Thapathai tamin'ny endrika Mugha, mbola mijoro kosa i Garuda

Rava tanteraka ihany koa i Sankhu, toerana fahagola malaza eo amin'ny mpanao fivahiniana masina Swasthani Bratakatha.

#Sankhu where I lived in #Nepal, has suffered #NepalEarthquake,its so heartbreaking, before and after. pic.twitter.com/hsC99e6AOq

— © Roshan Karki (@roshankarki5) April 27, 2015

Niharan'ny horohorontany ihany koa i Sankhu, toeram-ponenako ao Nepal, tena mahavaky fo, sary teo aloha sy taty aoriana

Niharan'ny fahasimbana goavana ihany koa ny faritra manodidina ny tempoly Changu Narayan, Vakoka Iraisampirenena kilometatra vitsy monja miala avy ao amin'ny Lohasahan'i Kathmandu.

#changunarayan I so wanna be there . look it is so beautiful. #Nepalquake ruins it pic.twitter.com/u0iaMEeZ7Z

— Sandesh Byanjankar (@DesanBenz) May 2, 2015

Changunarayan, te ho any aho, toa mahafinaritra. Nandrava azy ny horohorontanin'i Nepal

Changunarayan stands sustaining some bruises, but the premises suffer quite a lot. Need restoration. #NepalQuake pic.twitter.com/vQnfnhFZRl

— Ugendra Shrestha (@ugendras) April 29, 2015

Mbola mijoro i Changunarayan, saingy misy fahasimbana betsaka ny toerana. Mila fanavaozana

Rava tanteraka i Khokana, tranom-bakoka momba ny kolontsaina Newar.

Beautiful Nepal! Clicked this morning at Khokana ! pic.twitter.com/qGf2utcOA8

— dinesh dc (@dineshdcdc) March 28, 2015

Nepal Mahafinaritra! nalaina androany maraina tao Khokana!

Sameer carefully carries his two baby goats through his destroyed neighborhood in Khokana in #Nepal #Nepalquake pic.twitter.com/axFhhheSgb

— Natalie Curtis (@NatalieCurtis) May 1, 2015

Mitondra am-pitandremana ireo zanak'osy roa manerana ny tanàna rava ao Khokana ao Nepal i Sameer

Tratra ihany koa i Bungamati, toerana tranainy tao Newar.

Heart Breaking ! Bungmati Temple : Before and After #NepalEarthquake #NepalQuake pic.twitter.com/VEuaLllXXk

— salokya (@salokya) April 28, 2015

Mahavaky fo! Tempoly Bungmati: Teo aloha sy taty aoriana

Ravan'ny riaka tanteraka taorian'ny horohorontany ny tanànan'i Langtang, toerana akaiky indrindra ao am-pofoan'ny Himalaya ao amin'ny Lohasahan'i Kathmandu ary toerana ankafizin'ireo mpitsangatsangana.

Langtang village, Nepal before and after the April 25 earthquake: pic.twitter.com/bIzFVdXwxS

— Hanover Geology (@HanoverGeology) April 30, 2015

Tanànan'i Langtang, ao Nepal, teo aloha sy taorian'ny horohorontany tamin'ny 25 Aprily

Tao anatin'ny foiben'ny horohorontany i Barpak, vohitra kely miavaka ao amin'ny distrikan'i Gorkha. Rava tanteraka ihany koa ny tanàna, fonenan'ireo mponina Ghale – malaza amin'ny herim-pony sy ny asa fanompoana ny tafika Britanika, Indiana ary Nepaley.

Wrenching to see old photos of #Barpak (@sirish_shrestha) given #NepalEarthquake destruction now (@thedarjchron). pic.twitter.com/mYlDYg5Ugv

— Andy Revkin (@Revkin) April 26, 2015

Mahatorovana fo ny mahita ireo sarin'i Barpak taloha manoloana ny faharavana ankehitriny noho ny horohorontany

Namela marika tsy mety vonoina ao Nepal ny horohorontany. Ho antsoina hiasa amin'ny fikojakojana izay sisa tavela ireo manam-pahaizana amin'ny fampitaovana sy ny olona manatalenta manokana amin'izany. Na dia eo aza ny faharavana sy ny fahasimbana, tsy very fanantenana amin'ny fanorenana indray ireo tsangambato sy ny toerana manatantara ny Nepaley

Shashi Raj Pandey, ohatra nisioka hoe:

There is a strong presence of hope in people, and a desperation to come back from grave-turned-dreams to rebuild. #NepalQuake

— Shashi Raj Pandey (@shashirajpandey) April 29, 2015

Ahitana fanantenana lehibe eo amin'ny vahoaka, sy [fikofokofohana] avy any amin'ny fasana hankany amin'ny nofy hanorina indray.