Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ellery Biddle no Talen'ny Advocacy Vaovao ato amin'ny Global Voices

Ellery at the Global Voices Summit 2015 in January. PHOTO: Jeremy Clarke

Ellery nandritra ny fihaonamben'ny Global Voices tamin'ny Janoary 2015. SARY: Jeremy Clarke

Mientanentana izahay manambara fa rehefa Tonian'ny Advocacy nandritra ny roa taona i Ellery Biddle, dia ho tale vaovaon'ny Advocacy ato amin'ny Global Voices.

Hatramin'ny nidirany ho mpanolotena amin'ny maha-mpanoratra azy ato amin'ny Global Voices tamin'ny 2010, dia noporofoin'i Ellery ny fahavitrihany sy ny fankamamiany ny fisoloambava [advocate] hananjò hiteny malalaka an-tserasera. Rehefa lasa tonian'ny Advocacy izy tamin'ny 2013, dia sarotiny kokoa izy tamin'ny fampanamaroana ny faritra nanaovanay fitateram-baovao, ary nitondra fahalalana lasalavitra teo amin'ny fahalalana ny politikan'aterineto sy ny fisoloambava amin'ny fahalalaham-panehoan-kevitra izy. Nakarin'i Ellery ho amin'ny dingana avo kokoa noho ny ezaka nataony ny fifantohan'ny mpanoratra ao amin'ny GV Advocacy sy ny fahitana azy ireo bebe kokoa, anisan'izany ny fahitan'ireo seha-mpampitam-baovao lehibe tahaka ny The Guardian, The Washington Post, ary ny Slate. Niasa mafy izy hampisy fifandraisana eo amin'ny vondrom-piarahamonin'ny Global Voices sy ireo manampahaizana manokana momba ny politikan'ny aterineto avy amin'ny vazantany efatra, ezaka nahatonga ny feo vaovao sy fijery vaovao hipaka any amin'ny resadresaka ifanaovana momba ny zo nomerika iraisampirenena.

Ellery with Global Voices friends in Berlin, July 2014. PHOTO: Subhashish Panigrahi

Ellery miaraka amin'ireo namana ato amin'ny Global Voices tany Berlin, Jolay 2014. SARY: Subhashish Panigrahi

Ny fahalalana lalina amin'ny lohahevitra ihany koa no nahazoan'i Ellery fanajana azy amin'ny mahampikaroka mahaleotena azy eo amin'ny saha misy anay. Mbola nanatsara sy nanòvana izany fahalalàna izay izy amin'ny mahasakaizan'ny Berkman Center for Internet & Society azy ao amin'ny Oniversiten'i Harvard. Tamin'ity taona ity, zava-dehibe niavaka mihitsy ny fahalianana nananany hatry ny ela sy ny fianarana momba ny aterineto ao Kiobà. Raha manomboka misy fihetsehana ny fifandraisan'i Kiobà amin'i Etazonia sy ny firenena hafa manerana an'i Amerika Latinina, dia nitondra fijery avy ao anatiny amin'ny maso mañety amin'ny adihevitra politika sy ny tatitra ataon'ny fampitam-baovao momba ny resaka teknolojia sy ny zon'olombelona ao amin'ny nosy i Ellery.

Iantsorohan'i Ellery ao anatin'ny fotoana lehibe ho an'i Global Voices sy ny fanehoan-kevitra an-tserasera ny andraikitry ny Tale. Efa nanaporofo ny mahaza-draharaha azy, ny fananany fitiavana fatratra ary ny fomba fisainana manana tetipanorona ny asa efa nataony, izay hitohy antsakany sy andavany ao amin'ny fiarahamonina Advox sy ny iraka ampanaovina azy. Mientanentana izahay hiroso eo ambany fitarihany!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.