Na dia natao hidarohana baomba ireo foto-drafitrasa sy fitoerana fitaovam-piadian'ny miaramila aza ny hetsika daroka an'habakabaka antsoina hoe Hetsika Tafio-drivotra Mahatapaka mba hanakanana ny mpikomy Houthi tohanan'ny filoha voahongana Ali Abdullah Saleh, dia niteraka fahafatesana marobe, fifindram-ponenana ary faharavana manerana ny firenena ny daroka baomba. Na dia eo aza ny isan'ireo daroka baomba goavana tao anatin'izay telo herinandro izay, niely hatrany atsimo ny fanafihana maherisetran'ny Houthi/Saleh ary nihamahery vaika indrindra tao Aden, ka olon-tsotra maro no namoy ny ainy ary faritra manodidina no rava.

Miaina Ao Anatin'ny Daroka An'habakabaka sy Daroka Baomba Tsy An-kiato.

Misioka andro aman'alina momba ny horohoro atrehin'izy ireo mandritra ny ady ireo mponina ao Sana'a renivohitra sy ao Aden.

Avy ao Sana'a, mamariparitra ny fiainana ao amin'ny renivohotra toy ny “mandeha ao anatin'ny fahafatesana” i Osama Abdullah”:

We sleep & wake up on KSA strikes, everyday we lose a dear friend or family,we walk around death & our life no longer has a meaning #Yemen

— Osama Abdullah (@PoliticsYemen) April 11, 2015

Matory sy mifoha ao anatin'ny daroka baomba an'habakabaka tarihin'ny Saodiana izahay, very namana na fianakaviana izahay isan'andro, mandeha manavatsava ny fahafatesana izahay ary toa tsy misy dikany intsony ny fiainanay.

Maka sary ny fahasimbana nateraky ny daroka baomba an'habakabaka tao Sana'a i Hisham Al-Omeisy:

Pictures from past 2hrs in Sana'a #Yemen showing bombardment of coalition airstrikes..which haven't ceased yet.. pic.twitter.com/uqh5EF6yXA

— Hisham Al-Omeisy (@omeisy) April 17, 2015

Sary tao anatin'ny roa ora farany tao Sana'a mampiseho ny daroka baomba an'habakabaka izay mbola tsy nitsahatra hatramin'izao

Mamariparitra ny tahotra iainana isan'andro ao anatin'izao fepetra izao i Ary Amal:

Heavy heavy explosions in Aser, Attan & behind Abduraboh's house in 60 m road, it's soo scary, I'm deaf #yemen #KefayaWar #OpDecisiveStorm

— amal suqaf (@amalsuqaf) April 16, 2015

Fipoahana goavana tena goavana ao Aser, Attan sy ambadiky ny tranon'i Abduraboh, 60 metatra miala amin'ny arabe, mampatahotra tanteraka izany, marenina ny sofiko.

Mihazohazo ny fiainana noho ny vokatry ny daroka baomba an'habakabaka tsy an-kiato. Misioka momba ny tsy fisian'ny solika sy ny fahatapahan-jiro i Ammar Al-Aulaqi:

Sanaa city's largest food retailers are empty. Streets are empty due to fuel shortage. Garbage pileup.Widespread power outages.”I Am Legend”

— Ammar Al-Aulaqi (@ammar82) April 13, 2015

Tsy misy na inona na inona intsony ao amin'ireo mpaninjara sakafo lehibe indrindra ao Sanaa. Foana ny lalana noho ny tsy fisian'ny solika. Mivangongo ny fako. Fahatapahan-jiro manerana ny faritra. “Tantara Zary Angano Velona aho (I Am Legend)”

Mamaritra ny tahotra iainana tsy an-kiato, miaraka amin'ny sakafo iray isan'andro ao anatin'ny aizina i Rooj:

2 know what it is like in #Yemen, turn off electricity, water, heating, eat once a day, live in the dark, fear for ur life. #KefayaWar

— Rooj (@Rooj129) April 12, 2015

Mba ahafantarana hoe manao ny ao Yémen, vonoy ny herinaratra, ny rano sy ny fanafanana rano, mihinana sakafo indray mandeha isan'andro, miaina ao anatin'ny aizina, matahotra hoan'ny fiainana.

Nilaza i Haykal Bafana, avy ao Sana'a fa tsy manana ny fototra ilaina andavanandro sy filaminana ny Yemenita:

No electricity for 34 straight hours in #Yemen capital Sanaa. No petrol, no diesel, no cooking gas, no water and no peace either.

— Haykal Bafana (@BaFana3) April 14, 2015

Tsy misy herinaratra ao Sana'a renivohitra Yemen mandritra ny 34 ora maninjitra. Tsy misy solintany, gazoaly, tsy misy entona fandrehitra, tsy misy rano ary tsy misy filaminana ihany koa.

Mizara izay toetr'andro misy no vakiana ho an'ny Yemenita i Ibrahim Alhemyari fa tsy ny maripàna ambony indrindra sy ambany indrindra mandritra ny andro:

This is what I should really get when checking the weather in Yemen on my iPhone. #DecisiveStorm pic.twitter.com/BZmLOXWfX1

— Ibrahim Alhemyari (@brrhom) April 5, 2015

Toy izao no tokony hitako rehefa mijery ny toetr'andro ao Yemen ao amin'ny iPhone-ko aho.

Raha ao anatin'ny daroka baomba ataon'ny vondrona tarihin'ny Saodiana i Sana'a ankehitriny, nanakoako tany atsimo izay misy ny vondrona Saleh/Houthi miady ao Aden ity horohoro ity. Tsy nahitana fitantarana am-baovao firy izany.

Manasongadina izany i Ammar Al-Aulaqi :

In all honesty, residents in Aden are getting the worst of this, civilian deaths there is tenfold, yet Sanaa gets the most coverage. Fact.

— Ammar Al-Aulaqi (@ammar82) April 18, 2015

Am-pahatsorana tanteraka, miaina ny ratsy indrindra amin'izany ireo mponina ao Aden, avo folo heny ireo olon-tsotra namoy ny ainy, kanefa i Sanaa no tena mandeha amin'ny fampahalalam-baovao.

Nilaza ihany koa izy fa nikatona ireo sekoly sy oniversite hatramin'ny nanombohan'ny ady :

Let the world know: All schools, universities, & education institutions are closed in #Aden since Mar 26th. #AdenBleeding #Yemen #KefayaWar

— Ammar Al-Aulaqi (@ammar82) April 10, 2015

Aoka ho fantatr'izao tontolo izao: Nikatona avokoa ny sekoly, oniversite sy ny toeram-pianarana rehetra ao Aden hatramin'ny 26 marsa.

Nilaza ny mpitondra-tenin'ny Komity Iraisam-pirenen'ny Vokovoko Mena ao Yemen, Marie Claire Feghali fa “tena sarotra” ny toe-draharaha maha-olona manerana ny firenena … [miaraka amin'ny ‘] fahatapahan'ny fifamoivozana an-dranomasina, an'habakabaka sy an-tanety”. Ary namariparitra ny zava-misy ao Aden ho toy ny ” loza (raha lazaina ho kely indrindra)” ihany koa izy. Nilaza koa izy fa: “Eny an-dalana rehetra eny, isaky ny zorony ny ady ao Aden … Maro ireo tsy afa-mandositra.”

Nitantara tamin'ny BBC World momba ny zava-tsarotra sy ny zava-doza atrehin'ny vahoaka ao Aden ihany koa ny lehilahy Yemenita-Britanika iray.

Nisioka ny zava-tsarotra atrehin'ireo ihany koa ireo mponina hafa ao Aden.

Nisma, 20 taona, mpianatry ny onivesite ao Aden mamariparitra amin'ny BBC World mikasika ny fepetra henjana iainana ao :

My everyday life no #Electricity no #water no #food no #security. Living in a jungle would be better. #aden #Yemen pic.twitter.com/qL2kHTjm1X

— Nisma Alozebi (@NismaAlozebi) April 16, 2015

Tsy misy herinaratra, rano, sakafo sy filaminana ny andavan'androm-piainako. Miaina any anaty ala aza no tsaratsara kokoa.

Nilaza i Fakhuus Hashim fa mijaly ny ady tsy avy aminy i Aden :

Aden is suffering from a war they didn't start or get involved with in anyway. But bodies dropping so fast. Allah Ya3een ! #Yemen

— AlQubaty (@FakhuusHashim) April 10, 2015

Mijaly ny ady tsy avy aminy na nandraisany anjara i Aden. Saingy lavo haingana ny vatana.  Allah Ya3een! 

Nitatitra i Hussain Al-Yafai fa mitifitra ireo vehivavy sy ankizy ary mamono azy ireo ao Aden ireo mpitfitra mpitily lavitra:

Houthi snipers are now killing women & children in #Aden! There have been many children & women reported killed by Houthi snipers! #Yemen

— Hussain Al-Yafai (@crazyyafai) April 15, 2015

Mamono ireo vehivavy sy ankizy ao Aden ankehitriny ireo mpitifitra mpitly lavitra houthis! Volaza fa marobe ireo ankizy amam-behivavy novonoin'ireo mpitfitra mpitily lavitra houthis !

Mamaritra ny toe-draharaha maha-olona mahaontsa ao an-toerana i Sala Mohammed :

#Aden #Dhalea #Lahj humanitarian aid is needed urgently , shortage of water,food,fuel and health services . #SouthYemen #Decisive_Storm

— Sala Mohammed (@SalaAden) April 5, 2015

Ilaina haingana dia haingana ny fanampiana maha-olona ao #Aden#Dhalea#Lahj, tsy misy ny rano, sakafo, solika sy ny fitsaboana.

Raha fintinina, nanamarika i Al-Omeisy fa niray hina tao anatin'ny fijalian'izy ireo ny Yemenita:

Just to put into perspective, Sana'a suffers coalition airstrikes. Aden same but + Houthi shelling, Navy shelling, PCs shelling..etc #Yemen

— Hisham Al-Omeisy (@omeisy) April 17, 2015

Raha atao indray mijery, mijaly ny daroka baomba an'habakabaka i Sana'a. Tahaka izany ihany koa i Aden + basy aman-tafondron'ny Houthis, tifitry ny tafika an-dranomasina, tifitry ny mpisava lalana..sns

Araho hatrany ny vaovao avy ao Yemen.