Nanambara i Arabia Saodita androany fa natsahany ny fanafihana an'habakabaka nataony tao Yemen, taorian'ny “nahatratrarany ny tanjony ara-tafika.”

Tonga izao rehefa nisy olona 944 maty sy 3.487 naratra tao anatin'ny ady tany Yemen hatramin'ny 26 Martsa nanombohan'i Arabia Saodita hetsika ara-miaramila hamelezana ny firenena. Tohanan'ireo mpiara-dia aminy ao amin'ny Golfa Persika, Ejipta, Jordania, Maraoka, Tiorkia ary Sodana, nanomboka fanafihana an'habakabaka ry  Arabia Saodita, nomeny anarana hoe “Tafiotra tsy iadian-kevitra”, hamelezana ireo mpiadin'ny Houthi izay naka ny fifehezana an'i Yemen tamin'ny Janoary.

Na dia ny fandarohana baomba ireo fotodrafitrasa ara-tafika sy ny fitehirizana fitaovam-piadiana aza no nokendrena tamin'ilay “Hetsika Tafiotra tsy iadian-kevitra”, mba hamoretana ireo Houthi mpihoko tohanan'ilay filoha naongana, Ali Abdullah Saleh, dia niteraka fahafatesan'olona maro, famindran-toerana sy faharavana nanerana ny firenena ireo fanafihana. Na teo aza ny isa marobe nanaovana fanafihana nandritra iny volana lasa iny, niely nankany atsimo ary niha-mafy ny herisetran'ireo Houthi/Saleh, singanina manokana ny tao Aden, nahafatesany olon-tsotra marobe sy naharavana toeram-ponenana tany amin'ny manodidina mihitsy aza.

Nilaza i Arabia Saodita fa mitarika “Hetsika Ho Famerenana ny Fanantenana” izy ankehitriny, izay ikendrena ny hahitàna vahaolana politika ao amin'ity firenena vao avy nodarohany baomba ity.

Tsy mitsitsy vava avoaka ilay Yemenita, Nasser Maweri, rehefa naneho voalohany ny heviny momba ilay vaovao :

So wait a min! Coalition only destroyd #Yemen‘s millitary forces = prevent houthis from harming KSA! How is that war “TO SAVE YEMEN”?

— Nasser Maweri (@NasserMaweri) April 21, 2015

Andraso kely aloha! Namotika fotsiny ny hery ara-tafik'i #Yemen ireo mpiara-dia = manakana ny houthis tsy hanohintohina ny KSA! Ady “HAMONJENA AN'I YEMEN” ahoana ?

PT : So this war was only to save Saudi's ass from Houthi threat! There was nothing abt it for Yemen! U killed Yemenis to save urselvs only

— Nasser Maweri (@NasserMaweri) April 21, 2015

PT : Ny vodin-dry zareo Saodiana fotsiny no novenjena tamin'io ady io tsy ho voan'ny fandrahonan'ireo Houthis! Tsy misy na inona na inona mahakasika an'i Yemen io! Vonoinareo ny Yemenita mba hamonjenareo ny tenanareo fotsiny

Ary ilay Yemenita bilaogera, Noon Arabia, miteny fa resaka fihetsiketsehana sy kobaka am-bava fotsiny ny fanovàna ny anaran'ilay hetsika:

الحرب في #اليمن يجري تغيير اسمها التسويقي من #عاصفة_الحزم الى #اعادة_الامل ، “لكن هذا لا يعني انه سوف يعلن وقفا لإطلاق النار”

— نون عربية (@NoonArabia) April 21, 2015

Hovaina anarana ny ady ao Yemen, tsy ho “Hetsika tsy iadian-kevitra intsony” fa “Hetsika Ho Famerenana ny Fanantenana”. Tsy midika izany fa hisy ny fitsaharan'ny poabasy

Ao anaty bitsika iray hafa, zarainy ny taham-pahafatesana vokatr'ilay ady hatreto:

Enough war in #Yemen because every life matters. #KefayaWar #AdenBleeding https://t.co/hBtQ9jRDIT

— نون عربية (@NoonArabia) April 21, 2015

Ampy izay ny ady ao #Yemen satria misy vidiny ny ain'ny tsirairay

Adam Baron, mpanao gazety manaraka ny raharaha Yemen ary nonina tany tamin'ny 2011 hatramin'ny 2014,dia miteny fa aloha loatra ny hilazana izay mety ho entin'ny ampitso. Hoy izy mibitsika :

In my opinion, its far too early to say that this is the end of the war in #Yemen. Time will tell how things unfold.

— Adam Baron (@adammbaron) April 21, 2015

Raha ny hevitro, tena aloha loatra ny hilazana fa hoe io no fiafaran'ny ady ao #Yemen. Ny fotoana no hilaza amintsika ny fandehan-javatra

Manazava izy :

Rather than the end of war, a very strong possibility (likelihood?) today's announcement only signals a new phase–and a new form. #yemen

— Adam Baron (@adammbaron) April 21, 2015

Raha tokony ho ny fiafaràn'ny ady, dia milaza dingana hafa–sy endrika hafa fotsiny ihany amin'ny mety ho fitrangan-javatra henjana kokoa (tahaka ny azo inoana?) ilay fanambaràna androany

ilay Palestiniana, Lina Alsaafin, mibitsika hoe :

Saudi announced end of military op on #Yemen. Comforting to know they havent achieved any of their goals but left hundreds civilians dead.

— لينة (@LinahAlsaafin) April 21, 2015

Nanambara ny fitsaharan'ny fanafihana ara-tafika ao#Yemen i Arabia Saodita. Mampitràka ny mahafantatra hoe tsy tratrany ny tanjony saingy namoizana olon-tsotra an-jatony

Avy any Bahrain, Abu Omar Al Shafee manamarika fa:

#عاصفة_الحزم بدأت فجأة وانتهت فجأة ..

— أبوعمر- الشافعي (@ALSHAF3EE) April 21, 2015

Hetsika Tafiotra tsy iadian-kevitra: tampoka no nanombohany ary tampoka no niatoany

Tsy tokony hampiahiahy ny olona io toe-draharaha io, hoy i Ammar Al-Aulaqi:

Those who started following Yemen lately &feel very confused; chill,I'm from there & I've been living this drama my whole life.Still as lost

— Ammar Al-Aulaqi (@ammar82) April 21, 2015

Ireo izay taty aoriana no nanaraka ny raharaha Yemen&ary miasa saina fatratra; mangorintsina, avy any aho&niaina io zava-doza io nandritry ny fiainako manontolo. Mbola toy ny very

Na izany aza, ireo Yemenita mpisera ety anaty aterineto dia mitohy mibitsika momba ny fahenoany fanafihana an-habakabaka eny an-danitr'i Sana'a renivohitra.

i Baron, mpanao gazety, mibitsika hoe :

Well, reports of airstrikes over Sanaa at this very moment…50 minutes from the official end of Decisive Storm…

— Adam Baron (@adammbaron) April 21, 2015

Izay izany, tatitra momba ny fanafihana an'habakabaka an'i Sana'a amin'izao fotoana izao indrindra…50 minitra taorian'ny nilazana tamin'ny fomba ofisialy ny fitsaharan'ilay “Tafiotra tsy iadian-kevitra”

Mazen Al-Hebshi miteny hoe :

Antiaircraft guns began firing now in #Sanaa #Yemen #OpRestorationofHope

— Mazen Al-Hebshi (@MazenAlHebshi) April 21, 2015

Manomboka mamaly tifitra ireo fitaovam-piadiana fitifirana fiaramanidina ao #Sanaa #Yemen

Ary Mohammed Al-Assadi manampy hoe:

Big booms & intensive air defence selling and fire now in western parts of #Sanaa. One more hour to go for the new phase? #Yemen #Peace

— Mohammed Al-Asaadi (@alasaadim) April 21, 2015

Fipoahana mafy& tifitra totoafo ataon'ny mpiaro habakabaka izao any amin'ny faritra andrefan'i #Sana. Ora iray indray hidirana amin'ny dingana manaraka ve? #Yemen #Fandriampahalemana

Hitondra fanantenana ho an'ny Yemenita ve ity fanovàna ny anaran'ny hetsika ity?

Vakio koa (Anglisy):

Electricity, Food and Fuel Shortages Increase Suffering of Yemenis as Saudi-Coalition Bombs Continue to Fall

‘We Walk Around Death,’ Tweets a Yemeni Blogger About the Horrors of War