Nitatitra firotsahana ranomandry tsy amin'ny fotoanany tao Gaza androany ireo mpisera amin'ny aterineto. Ny sasany milaza fa havandra fotsiny izany. Fa ho an'ny maro dia ny zavatra iaretan'ireo 108.000 tsy manana hialofana ao Gaza sy ireo voatery nafindra toerana no tonga ao an-tsainy avy hatrany.

Ampahatsiahivin'ilay Palestiniana bilaogera,Omar Ghraieb, amintsika fa :

Thinking of the homeless, displaced & refugees 🙁 #Gaza

— Omar Ghraieb (@Omar_Gaza) April 12, 2015

Saino ireo tsy manana hialofana, nafindra toerana & mpitsoa-ponenana

Araka ny biraon'ny Firenena Mikambana misahana ny fandrindràna ny Raharaha momba ny maha-olona ao amin'ireo faritra Palestiniana Voabodo, dia eo amin'ny 108.000 Palestiniana amin'ireo 500.000 nafindra toerana no tena tonga amin'ny faratampon'ny zava-doza ateraky ny tsy fananany fialofana hatramin'ny habibiana nataon'ny Israely taminy, ny Oktobra 2014, fony nanomboka ny ririnina. Raha kely indrindra dia 2.100 ny Palestiniana namoy aina, maherin'ny 10.500 no naratra, ary 520.000 no nafindra toerana, hatramin'ny nanaovan'i Israely ilay lazainy fa fanafihana goavana fiarovana sisintany nanerana ilay faritra amoron-tsiraka mirefy 40 kilaometatra tamin'ny 8 Jolay 2014. Ny sasany maminavina fa 40 isanjaton'ireo faritra an-drenivohitra ao Gaza no lasa lavenona. Notafihan'i Israely tamin'ny 28 Jolay ilay hany toby famokarana herinaratra tao Gaza, nahatonga ilay faritra ahitàna olona 1,8 tapitrisa ho ao anaty haizina no sady nanery ireo fotodrafitrasany fitsinjarana rano sy fidiovana ho tsizarizary. Ny 26 Aogositra, nifanaiky i Israely sy ireo rantsana Palestiniana fa hampitsahatra ny fifampifitirana, ho fampitsaharana ilay herinandro fito nitondra faharavàna sy famoizana aina.

 Ho an'ireo tsy manana trano, vao mainka mahatonga ny toe-draharaha ho sarotra iainana ny toetrandro mangatsiaka sy ny tondradrano.

Manazava i “Son of Palestine” (Zanakalahin'i Palestina):

Heavy rain creating floods in certain parts of #Gaza 🙁 for the homeless this is a disaster #PrayForGaza #EndTheBlockade

— Son Of Palestine (@UpdatePalestine) April 12, 2015

Oram-batravatra miteraka tondradrano any amin'ny faritra sasantsasany ao #Gaza : (Zava-doza io ho an'ireo tsy manana trano hialofana) #MivavahaHoAnyGaza

Araka ny lazain'ny masoivohom-baovao Ma'an, “nandifotra ireo faritra iva ao amin'ny lemak'i Gaza ilay oram-batravatra, ka isan'izany ny ao Khazaa sy Beit Hanoun izay toerana iainan'ireo Gazaita an'arivony nafindran'i Israely toerana tamin'ny lohataona farany teo, miaina any anatin'ireny kalesy ireny.”

Mizara saripika ahitàna ireo arabe tondraky ny rano ao amin'ny toby Al-Shati misy ireo mpitsoa-ponenana ao Gaza i Saber Abu Maryam:

Streets of Al-Shati refugee camp of are full of Rain's water #PrayForGaza @AyazLatifPalijo @RamAbdu pic.twitter.com/gUx2m5OnRv

— Sabir Abu Maryam (@SabirAbuMaryam) April 12, 2015

Feno ranon”orana ireo arabe ao amin'ny toby Al-Shati misy ny mpitsoa-ponenana ao #Gaza #Palestine

Avy ao Gaza, mizara ity sarin'ny seranantsambon'i Gaza ity i Layan Baker:

#Gaza sea port today covered with snow pic.twitter.com/atpRNXNmLg

— Layan.Baker (@LayanBaker) April 12, 2015

seranantsambonì'i #Gaza androany rakotry ny ranomandry

Ali Dwedar manampy hoe:

Rain and snow on Gaza today Good morning #Gaza pic.twitter.com/j2mLaiOJYQ

— Ali (@alidwedar) April 12, 2015

Orana sy ranomandry eto Gaza androany- Arahaba maraindraina

Ary i Abbas Sarsour mizara saripika iray hafa :

Gaza snow this morning people. #PrayForGaza pic.twitter.com/r7cZ0n5ALq

— Abbas Sarsour (@iFalasteen) April 12, 2015

Ranomandrin'i Gaza amin'ity maraina ity rey olona

Tsy taitra akory i “Just Aerdt”, izao ao Gaza. Hazavainy fa havandra fotsiny io lazain'ny mpisera amin'ny aterineto fa ranomandry io:

Seriously, what is with all the ‘snow in #Gaza‘ tweets? I have seen an insane amount of hail this morning, but must have missed the ‘snow’

— Just Aerdt (@aerdt) April 12, 2015

Mba marina mafy ry zareo, fa inona daholo ity bitsika momba ny ‘ranomandry aty #Gaza ity e? Havandra misavovona be no hitako io maraina io, fa mety ho tsy nahatratra ny fandalovan'ny ‘ranomandry’ aho an

Manampy izy:

Hail is linked to severe thunderstorms, which we had this morning. Nothing to do with snow whatsoever #Gaza

— Just Aerdt (@aerdt) April 12, 2015

Mifandray amin'ny resaka oram-batravatra ny havandra, izay nanjo antsika io maraina io. Tsy misy ifandraisany amin'ny ranomandry mihitsy araka izany

Ary Dennis Fetcho manazava fa tsy fahita firy ny toetrandro tahaka izany amin'ny vanim-potoana tahaka izao ao anatin'ny taona:

Apparently snow in #Jerash and northern Jordan last night to go along with the snow in #Gaza. Not unheard of for April but certainly rare.

— Dennis Fetcho (@ItelRadio) April 12, 2015

Raha ny fahitana azy ny ranomandry ao #Jerash sy ny avaratr'i Jordana halina dia mifandray amin'ny ranomandry hita tao #Gaza. Tsy nandre toy izany ho an'ny Aprily saingy azo antoka fa tsy fahita firy

Vakio koa (Eng):

Help Palestine refugees weather the storm