Voakiana be mihitsy ny fandrakofan'ny fampahalalam-baovao avy any ivelany sy avy any an-toerana an'ilay fanafihana nataon'ny milisin'ny Al-.Shabaaab ny Anjerimanontolon'i Garissa, izay nahafatesana olona 147 raha kely indrindra. Raha toa ny anaran'ireo nanao fanafihana ka naely be, nampidinina ho tarehimarika fotsiny kosa ireo niharan-doza: 147.

Ho setrin'izany, ireo Kenyana ety anaty aterineto dia nanao ezaka hanomezana anarana sy endrika ireo niharan-doza tamin'ilay herisetra feno habibiana.

Manoratra ho an'ny bilaogy “Africa is a Country” (Firenena iray i Afrika), niteny i Binyavanga Wainaina, Kenyana mpanoratra, fa “tsy firenena i Kenya raha tsy vitantska ny mahatsiaro araka ny tokony ho izy ireo olom-pirenena tsirairay nafointsika”:

Tiako ny hahita ny anarana, taona ary ny sarin'ireo izay namoy ny ainy tao Mpeketoni. Ireo maty nandritry ny PEV. Tantara. Tsy tsara ny manadino. Ao anatin'ireny fihetsika ireny, mifoha ny fahatsiarovana iraisantsika. Ny politikan'ny filazàna hoe tsy mbola vonona hiatrika ny maha-isika antsika isika, ny fahafenoan'ny hirifirintsika, dia tsy misy hafa amin'ny politika izay manome fahafahana antsika hinia tsy hijery azy io rehefa misy Kenyana iray manao tantely afa-drakotra ny andrim-panjakana iray nomena ho tantanany, mitsentsitra azy ho maina, maina, ary miverina toy ny faty mitsangana avy eo, faty mitsangana toy ny fingotra mievotra amin'ny endrika vaovao, mba hitantana any an-toerana hafa indray avy eo.

Tohizany:

Tiako ny hahita ireo telo tapitrisa ao Nairobi hameno ny arabe hikiakiaka, sy hihira, ary hifamihina satria novonoina ny zanatsika. Tiako ny hitsahatra tsy hahatsapa fa hoe miaina loatra ho an'ny tena manokana isika. Tsy tiako ho re velively ny teny hoe fampandrosoana miainga avy amin'ny tena indray.

Ao amin'ny Twitter, nohaazavain'i Ory Okolloh Mwangi ny antony maha-zava-dehibe ho an'ny kolontsaina Afrikana ny fanomezana ny anaran'ireo niharan-doza :

Naming and naming ceremonies a big deal in African culture. Signifies life past, present, future. And so we will name them one by one.

— Ory Okolloh Mwangi (@kenyanpundit) April 5, 2015

Zava-dehibe ho an'ny kolontsaina Afrikana ny fanononana ny anarana sy ny lanonana fanomezana anarana. Midika fiainana lasa, ankehitriny ary hoavy. Ary noho izany dia homentsika ny anarana tsirairain'izy ireo

Ho enti-maneho ny maha-olona ireo niharan-doza, ny sasany amin'ny mpampiasa Twitter dia nibitsika tamin'ny tenifototra #147notjustanumber (tsyisafotsinyny147) mba hizaràna ny anarana sy ny sarin-dry zareo:

RIP Elizabeth Nyangarora. Graduated in 2012 from St Andrews Kanga Girls High. #147notjustanumber #TheyHaveNames pic.twitter.com/CPVPzNw0RB

— Tom Vandenbosch (@TVandenbosch) April 5, 2015

M.A.P ry Elizabeth Nyangarora. Nahazo diplaoma tamin'ny  2012 tao amin'ny Sekolin-jazavavay St Andrews Kanga

This is Tobias, he died in #GarissaAttack; to us he's not a number, he's a son, bro, friend. #147notJustANumber pic.twitter.com/dUSLXnCv9V

— Mr. B (@Benogola) abril 5, 2015

Tobias ity, maty tamin'ny #fanafihanaTaoGarissa; tsy tarehimarika izy ho anay, zanakalahy izy ary rahalahy, namana.

R.I.P Ivy Betty Wanjiku (Shiko) 1st yr student #GarissaAttack #147NotJustANumber cc @Maskani254 pic.twitter.com/JqBZzXrTP0

— Ian (@ianmslim) abril 6, 2015

M.A.P ry Ivy Betty Wanjiku (Shiko) mpianatra taona voalohany

Angela ‘Ka/Jojo’ Kimata Githakwa #147notjustanumber #TheyHaveNames Karima Girls’ high School Alumni 2011 pic.twitter.com/NNl7KbX6MV

— Maskani Ya Taifa (@Maskani254) abril 6, 2015

Angela ‘Ka/Jojo’ Kimata Githakwa #147notjustanumber #mananaAnaranaIreo Mpianatra fahiny tao amin'ny Sekoly ambony Karima tamin'ny 2011

#147notjustanumber We will keep their memories in our hearts forever. Please keep sending their bios and photos pic.twitter.com/9YXligTxgs

— #147notjustanumber (@Lovefied) abril 6, 2015

Ho tsaroana ao am-ponay mandrakizay ny fahatsiarovana azy ireo. Miangavy, aelezo ny momba azy ireo sy ny sariny

As attackers get headlines and their names live in immortality, their victims are forgotten as just statistics. #147notjustanumber

— DM Licker (@Owaahh) April 6, 2015

Raha nahazo lohateny vaventy ireo mpanafika ary hiaina tsy ho faty ny anarany, ireo niharan'ny vono nataony kosa adino sy lasa antontanisa fotsiny

@Reclvse nanoratra fa resaka aina ity fa tsy antontanisa fotsiny:

I like how Kenyans are mentioning names & telling stories of the Garissa attack victims to ensure #147notjustanumber. Lives, not statistics.

— [uncens***d] (@Reclvse) April 5, 2015

Tiako ny fomba anamarihan'ireo Kenyana ny anarana & ny filazàny ny tantara momba ireo niharan-doza tamin'ny fanafihana tao Garissa mba hiantohana fa tsy #tsyisafotsinyny147. Aina, fa tsy antontanisa

@lunarnomad niteny momba ny tiana hahatongavana amin'ilay tenifototra:

I'm so tired of seeing bloody images in the media regarding #Garissa Check out #147notjustanumber to see the humans behind the bullets.

— mango (@lunarnomad) April 6, 2015

Reraka mahita vatana mangatsiaka mihoson-drà aho eny anaty fampahalalam-baovao momba ny  #Garissa Jereo ny #147notjustanumber hahitàna ireo olona nolalovam-bàla.

Mary Njeri Mburu nibitsika hoe:

I hope the print media will run free obituaries for victims of Garissa attack as they did after Westgate. #147notjustanumber #GarissaAttack

— Mary Njeri Mburu (@mburumaria) abril 6, 2015

Antenaiko fa mba hanome toerana maimaim-poana ho filazana manjo ho an'ireo niharan-doza tamin'ny fanafihana tao Garissa ireo gazety an-tsoratra, toy izay nataony taorian'ny Westgate.

Eunice nizara ohabolana Kenyana iray, teo ambany tenifototra iray hafa mihitsy — #KenyanLivesMatter, tsilalaonteny avy amin'ny hetsika  #BlackLivesMatter tany Etazonia:

A man who uses force is afraid of reasoning. ~Kenyan proverb. My thoughts with you. #KenyanLivesMatter #GarrisaAttack

— Eunice (@EuniceKira) April 5, 2015

Ny olona mampiasa hery dia matahotra ny fampisàna saina… Any aminareo ny saiko manontolo.