Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Yemen Faritra Tsy Azo Isidinana : Yemenita An'arivony No Mihitsoka Any Ivelany

 

Sana'a airport. Photo from yemenfox.net

Seranam-piaramanidina ao Sana'a. Sary: yemenfox.net

Miditra amin'ny andro fahaenina ny daroka an'habakabaka Saodiana, Yemenita an'arivony no tafahitsoka ao amin'ireo seranam-piaramanidina manerantany, ary tsy misy ny fanantenana hiverenana an-tanindrazana haingana. Noho ny fanakatonana ny faritra an'habakabaka ao Yemen no anton'izany, na No Fly Zone (Faritra Tsy Azo Isidinana).

Niantraika tamin'ireo Yemenita any ivelany ity No Fly Zone ity, ka tsy afaka miverina ao Yemen izy ireo amin'izao fotoana izao, na miala ny faritry ny seranam-piaramanidina ihany koa noho ny antony maro samihafa. Misy amin'izy ireo no lany daty ny visa, ny sasany kosa efa ho lany vola, ka mahatonga azy ireo ho voakenda ao amin'ireo seranam-piaramanidina manerana izao tontolo izao izy ireo.

Nanomboka nisioka ity olana maha-olombelona mahazo ireo Yemenita an'arivony any ivelany ity ireo mpikatroka Yemenita tamin'ny fampiasana diezy #StrandedYemenis sy amin'ny teny arabo hoe #يمنيون_عالقون mba ho fanentanana.

Khaled al-Hammadi, filohan'ny Freedom Foundation (Fikambanan'ny Fahalalahana) ho amin'ny Zon'ny Fampitam-Baovao Halalaka ao Yemen nisioka hoe:

Mila fanampiana vonjimaika ireo Yemenita an'arivony tafahitsoka manerana ny faritra. Sahirana amin'ny ady ny GCC ary manadino ny olana maha-olombelona

Ampio amin'ny fampielezana ny diezy #Stranded_Yemenis azafady mba hanampiana azy ireo hampitsahatra ny toe-javatra mahaonena mahazo azy ireo manerana ny faritra nanomboka tamin'ny 15/3/2015

Nisioka ihany koa i Ahmad Ja'dan hoe: 

Zava-doza tanteraka hoan'ireo Yemenita any ivelany! Tsy afaka miverina mody ao Yemen izy ireo noho ny faritra tsy azo isidinana

Nanentana ireo firenena mifanolo-bodirindrina ihany koa ny mpikatroka mba hanome visa 72 ora hoan'ireo Yemenita tafahitsoka, Noon_Nosa nisioka hoe:

Manentana ireo firenena mifanolo-bodirindrina tahaka an'i Arabia Saodita sy Oman izahay mba hanome visa 72 ora hanamoràna ny fodian'ireo Yeminita tafahitsoka any ivelany

Noon Arabia, bilaogera sady mpiara-manorina ny Support Yemen nisioka hoe: 

Ankoatra ny olan'ny visa lany daty, tsy maintsy miatrika ireo fandaniana hafa  tsy maintsy aloàny mandra-piverina any Yemen ihany koa ireo Yemenita tafahitsoka.

 Hoy izy nanampy:

Tafahitsoka ao amin'ireo seranam-piaramanidina manerana izao tontolo izao ny Yemenita. Simba ary nikatona ny seranam-piaramanidinay, ary firenena marobe ankehitriny no manomboka mitaky visa fidirana. Mangataka amin'ireo firenena ireo izahay mba hanamora ny fodian'izy ireo.

Namoaka tatitra mampiseho fijoroana vavolombelona avy amin'ireo Yemenita tafahitsoka ao Djibouti ny Al Jazeera.

Niantraika tamin'ireo olom-pirenena hafa tahaka ny Indiana sy ny Pakistaney ao Yemen ihany koa ity olana ity izay tsy nahavita nitady lalana ivoahana hiverenana ho any amin'ny firenen'izy ireo. Tamin'ny Alahady, rehefa nanaiky hampitsahatra ny daroka an'habakabaka mandritra ny roa ora ny Saodiana, nahavita niala tao Yemen miaraka amin'ny mpandeha Pakistaney 500 tao anatiny ny voromby Pakistaney iray.

A Pakistani family, evacuated from #Yemen, is greeted by relatives on their arrival in Jinnah Intl Airport in Karachi  - via @FatimaAli52

Fianakaviana Pakistaney, tafavoaka tao #Yemen notsenain'ny fianakaviana tamin'ny fahatongavany tao amin'ny Seranam-piaramanidina Jinnah Intl ao Karachi – avy amin'ny @FatimaAli52

Araho hatrany ny fivoaran'ny vaovao ao Yemen

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.