Na teo aza ny teny fampanantenana hisian'ny taona vaovao, tsy tamin-kafaliana no nanombohan'ny Venezoeliana ny taona 2015, fa niaretany ny mangidy indrindra teo amin'ny tsy fahampiana ara-toekarena tato anatin'ny fahatsiarovany. Lasa endri-javatra fahita andavanandro ny filaharana lavabe hividy ireo filàna fototra toy ny foto-tsakafo, ny shampoo, ny tatin-jaza, sy ny maro hafa. Nanomboka tany amin'ny faritra ireo olana ireo, saingy tonga hatrao Caracas ankehitriny, toerana izay nahitàna sakafo nanana amby ampy tany aloha tany.

Satria ritra ny faharetan-dry zareo Venezoeliana, lasa zavatra mahazatra ny fifanasàna vangy sy fifandonana eny an'arabe.

Asongadin'ireo sary nakarina ho ao amin'ny tambajotra sosialy tamin'ny Janoary 2015 ireo talantalana foana sy ireo filaharana lava be maharitra ela, mandra-pivohan'ireo toeram-pivarotana goavana izay tampotampoka teo dia nanomboka nameno ny talantalany taminà vokatra mitovy (mba hitazonana ny fiheverana hoe ampy ny tahiry), sady koa mandràra ny fampiasàna fakantsary any anatin'ny faritr'izy ireo. Mandritra izany ny mpitondra tenin'ny governemanta dia nampitandrina ireo mpandranitra mikatsaka ny hamafy korontana, fantatra amin'ny hoe “zafikelin'i dada”

Na misy na tsia ny sary, toa midongizina eto ny tsy fahampiana:

Sin producción ni estabilidad ni divisas…sólo puede haber escasez.

— Luis Vicente Leon (@luisvicenteleon) marzo 2, 2015

Rehefa tsy misy famokarana na fahamarinan-toeran'ny vola…..tsy misy afa-tsy ny tsy fahampiana

Natolaky ny governemanta ilay tsy fahampiana ho any amin'ny “ady ara-toekarena tarihan'ny elatra farany havanana amin'ny fanafenana entana ho fitadiavana tombony aoriana kely, sy ny fanaovana varomaizina.” Nanome toky ny hiaro vahoaka ireo manampahefana, manoloana ny ady arangaranga amin'i Venezoaela ataon'ireo mpandraharaha goavana sy ny fanjakàna Amerikana. Mba ho vahaolana dia mikasa hametraka fanamarinana lavotondro any amin'ireo toeram-pivarotana lehibe ny sasany ao amin'ny governemanta.

Nuestro .@NicolasMaduro anuncia la instalación de 20mil captahuellas en supermercados,para continuar luchando contra la guerra económica — Sup. Precios Justos (@sundde_ve) marzo 7, 2015

 

Ambaran'ny @NicolasMaduro -ntsika ny fametrahana fitaovana mitetina 20K fanamarinana lavotondro any amin'ireo toeram-pivarotana lehibe, mba hanohizana ny tolona atao amin'ny ady ara-toekarena.

Un captahuellas en el medio de una economía de gran escasez es equivalente a una tarjeta de racionamiento, sea o no diseñado para eso.

— Luis Vicente Leon (@luisvicenteleon) marzo 9, 2015

Tsy misy hafa amin'ny karatra famatsiana ny fametrahana fitaovana fanamarinana lavotondro ao anatinà vanim-potoana maha-henjana ny tsy fahampiana ara-toekarena, na natao ho amin'izany na tsia ilay izy.

Nametraka andianà fepetra ireo toeram-pivarotana lehibe manerana ny firenena mba hitantànana ny fitsinjarana ireo zavatra ilainà isanandro mandritra ny fotoanan'ny tsy fahampiana, isan'izany ny fametrahana ilay fitaovana fanamarinana lavotondro, ny fomba fivarotana amin'ny fandraisana ireo tarehimarika farany ao anaty karapanondron'ny tsirairay, na fitakiana ny kopia fahaterahana mba hahafahan'ireo reny mividy tàty ho an-janany. Tsy mitsahatra manontany teny ankehitriny ireo Venezoeliana, “Inona no azonao?” “Inona no ilainao?”

Manoratra i José Guerra mpahay toekarena hoe :

Con una tasa de inflación entorno al 11% mensual en enero la tasa anualizada se colocaría en 81%. Por eso @BCV_ORG_VE esconde las cifras — Jose Guerra (@JoseAGuerra) marzo 4, 2015

Miaraka amin'ny taham-pidinan'ny sandambola efa ho 11 isanjato isambolana tamin'ny Janoary, ny taha mandritry ny taona dia 81 isanjato. Noho io antony io, afenin'ny @BCV_ORG_VE ny tarehimarika.

Nisy varomazina goavana be nipoitra nandritry ny fotoanan'ny krizy mba hanazàrana ny olona, tsy ilàna fotoana na hiatrehana tsy misy tahotra ny fitakiana tombontsoa ela. Fantatra amin'ny hoe  “bachaqueros,” mividy vokatra aminà vidiny efa voafetra ireny olona ireny ary mivarotra izany indray avo 5 na 10 heny, maka tombony be, sy mahatonga ny olona tsotra ho sahirana mividy ny zavatra fampiàsany andavanandro.

CÁRCEL A LOS BUHONEROS BACHAQUEROS Y A LOS POLICÍAS QUE SE PRESTAN..¡¡ #ChavezMaestroXSiempre #VzlaEnMarchaProductiva pic.twitter.com/INdBmE6GEy

— Jorgellanda (@ChavistaGanador) marzo 9, 2015

GADRAO IREO BACHAQUEROS MPIVAROTRA TSY ARA-DALANA SY IREO POLISY MAMELA AZY HANAO IZANY!!

via @_vivianalizet: Buen día, Por favor donde podre conseguir pañales q los bachaqueros piden 550 y 600Bs por paquete. Abusadores. #Valencia — traffic VALENCIA (@trafficVALENCIA) febrero 28, 2015

avy amin'i @_vivianalizet: Tsarà ny andro, Azafady, aiza aho no mety hahita tàty satria 550 sy 600 bolivars no takian'ireo bachaqueros ho an'ny fonosana iray. Mpanararaotra.

Raha 5,622.48 bolivars (eo amin'ny 885 dolara) isam-bolana eo ny karama farany ambany ao Venezoela, dia lasa mora ho an'ireo mahantra ny manao laharambe mandritry ny ora maro ka mahazo 3,000 bolivars anatin'ny andro iray (472 dolara), amin'ny fivarotany ny toerany eny ampilaharana.

Los negocios de las colas. 3 mil bolívares cuesta un número para comprar electrodomésticos en Daka http://t.co/uXIMRZF2yz

— Efecto Cocuyo (@EfectoCocuyo) marzo 7, 2015

Ny fandraharahàn'ny filaharana. Misanda 3,000 bolivars ny toerana iray eny ampilaharana hividy entana ao Daka.

Saingy ny olana manaraka izay, araka ny ambaran'ireo mpahay toekarena, tsy ireo mpanao varomaizina na ireo mpandraharaha, fa ny politikan'ny tahan'ny fanakalozana vola izay mihazona ampahany betsaka amin'ny tahirim-bola. Azo tsapain-tànana ny tsy fahampiana any amin'ny sehatra maro samihafa eo amin'ny toekarena. Vao haingana, ny indostrian'ny kojakojam-piarakodia sy ny sakafo no nitatitra fa tsy nahazo na dolara iray aza ry zareo tamin'ity taona ity, izay ilain-dry zareo hividianana ireo vokatra fanodina, ka mampihisatra ny famokarany.

caricatura EDO: nos dejaste un gran vacío #ADosAnosDeTuSiembra pic.twitter.com/ASTKw2OLtc

— Eduardo EDO Sanabria (@edoilustrado) March 7, 2015

Sariitatra EDO : namela lavaka be ho anay ianareo.