Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Tafaverin'ireo Mpikatroka Nomerika Amin'ny Toerany Ny Grani.Ru Sy Ireo Tranonkalam-baovao Hafa Voasivana

Image by  Iain Cuthbertson on Flickr. CC BY-SA 2.0

Sary avy amin'i Iain Cuthbertson tao amin'ny Flickr. CC BY-SA 2.0

Nankalaza ny Andro Iraisam-pirenena Hanoherana Ny Sivana Antserasera ireo mpiaro ny zo nomerika tamin'ny alalan'ny fanokafana ireo tranokalam-baovao sivy manerantany, anisan'izany ny sampam-baovao tsy miankina Grani.Ru izay nakatona tao Rosia sy ny Fergananews.com, nakatona tao Kazakhstan, Ozbekistan ary Turkmenistan.

Ao anatin'ny Hetsika Fahafahana Mifanakaiky (Operation Collateral Freedom), nampiasa ny teknikan'ny dindom-pitaratra ireo mpikatroka ahafahana mametraka ny dindon'ireo habaka sivy voasivana ao anatin'ny lohamilin'ireo orinasa goavan'ny aterineto tahaka ny Amazon, Microsoft sy Google mba ahafahana mahita izany ao amin'ireo firenena 11 izay andraràna azy ireo amin'izao fotoana.

In these 11 countries that are “Enemies of the Internet,” blocking the servers of these Internet giants in order to make the mirror sites inaccessible would deprive thousands of companies of essential services. The economic and political cost would be too high. Our nine sites are therefore protected against censorship.

Ao amin'ireo firenena 11 izay “Fahavalon'ny Aterineto” ireo, dia hanaisotra ny servisy ankapobe ilain'ireo orinasa an'arivony amin'ny asany ny fanakanana ny lohamilin'ireo orinasa goavan'ny aterineto raha kendrena ny tsy ahafahana miditra amin'ireo didom-pitaratry ny habaka ireo. Lafo dia lafo ihany koa ny fiantraikan'izany ara-toekarena sy ara-politika. Voaaro amin'ny sivana noho izany ireo habaka sivy ireo.

Azo idirana ao amin'ny https://gr1.global.ssl.fastly.net/ ankehitriny ny Grani.ru izay voasakana tao Rosia tamin'ny volana Martsa 2014. Ary azo jerena ao amin'ny https://fg1.global.ssl.fastly.net/ kosa ny Fergananews.com. Azo jerena ao amin'ny pejy habaky ny Collateral Freedom ny lisitra feno misy ireo habaka.

Natsangan'ny Reporters Without Borders niaraka tamin'ny GreatFire, vondrona Shinoa mpikatroka izay efa nahatsangana dindom-pitaratry ny tranonkala tsy mety voasakana ao amin'ny Deutsche Welle, Google ary China Digital Times ny Hetsika Collateral Freedom. Azo hidirana maimaim-poana ao amin'ny aterineto hoan'ireo izay te-hanohitra ny fanakatonana habaka ataon'ny governemanta ny fitaovan'ny GreatFire.

Nilaza ny Reporters Without Borders fa nanofa “bande passante” hoan'ny hetsika didom-pitaratra izy ireo ary nangataka tamin'ireo mpisera aterineto mba hanampy amin'ny fividianana “bande passante” fanampiny rehefa lany ny tahiry voalohany, mba hahaela velona ireo dindon-tranonkala ireo.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.