Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Lalao Andiam-Panontaniana : Mety Ahiana Ho Lasa Mpampihorohoro Ve Ianao?

"I hope you realize that if they deploy the fried mozzarella cheese sticks, I'm switching teams." tweeted by Twitter user @LibyaLiberty

“Manantena aho fa takatrao fa raha mametraka fromazy mozzarella lavalava nendasina izy ireo dia hiova ekipa aho.” sioka avy amin'ny mpisera Twitter @LibyaLiberty

Tamin'ny herinandro teo, namoaka rafi-panomezana naoty ny Intercept handrisihan'ny governemanta Amerikana ireo mpiasa sosialy, mpampianatra ary mpampihatra lalàna hampiasaina hamantarana izay mety ho mpampihorohoro.

Ny rafi-panomezana naoty dia “heverina hampandrenesana ireo manampahefanan'ny governemantan'i Etazonia ireo olona ahiana mety hivadika ho any amin'ny herisetra tafahoatra, sy ireo fianakaviana na fiarahamonina tandindonin-doza hikotrika foto-kevitra extremista.”

Vita rafitra antsipirihany tao anaty tahirin-kevitra anatin'ny governemanta 36 pejy azon'ny gazetiboky nomerika niarahan'ny Foibem-Pirenena misahana ny Fanoherana ny Fampihorohoroana napetraka ilay rafitra voalaza  ary anatin'ny paikady goavan'ny governemanta ho Fanoherana ny Extremista mahery setra, ary miantso ireo lehiben'ny fiarahamonina ao an-toerana sy ny mpitarika  fivavahana mba hiara-hiasa amin'ny sampana mpampihatra lalàna sy ny sampan-draharaham-panjakana.

Mampiantrano ny andro fahatelon'ny fihaonambe iraisam-pirenena momba ny Fanoherana ny Extremisma Mahery Setra ny Trano Fotsy ankehitriny izay ahitana solontena avy amin'ny firenena maherin'ny 60.

Amin'ny sokajy toy ny “Fanehoana ny Famoizam-po, Zavatra tsy misy dikany” “Miresaka Fanimbana tena na Hafa” sy “Fifandraisana amin'ny Vondrona manam-panondroana (Foko, Zom-pirenena, Fivavahana, Fiaviana),” mangataka amin'ireo mpampianatra, mpiasa ara-tsosialy sy mpitandro filaminana ilay rafi-panomezana naoty mba handahatra (hanome naoty) olona manomboka amin'ny 1 hatramin'ny 5.

Raha namaky ny tahirin-kevitra tao amin'ny Global Voices izahay dia tsy nahavita afa-tsy ny nihomehy mafy noho ny hitsin-dalana tamin'ny fomba fanadihadiana. Nanapa-kevitra izahay ny hanangana ireo andiam-panontanianay manokana izay mifototra amin'ny tombatombana tsotra nataon'ny Foibem-Pirenena Miady amin'ny Fampihorohoroana, amin'ny rafitra fanomezany naoty. 

Valio Ny Fanontaniana manesoeso apetrakay.


Noforonin'i Taisa Sganzerla, Elizabeth Rivera, Amira Alhussaini ary Sahar Habib Ghazi ity Andiam-panontaniana ity.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.