Tanaty tsanganan-dahatsoratra iray Sankei Shinbun tao anaty gazety vita printy, nanamarika ilay Japoney mpanoratra sady mpikatroka politika avy amin'ny mpifikitra amin'ny nentin-drazana, Ayako Sono, ary niaro fa tokony havahanaamin'ny alàlan'ny fiaviany ary terena honina aminà toerana voatokana  ireo mpifindra monina nankao Japana .

Ao anatin'ny resabe misy amin'izao fotoana izao mikasika ny hampitomboana na tsia ny isan'ireo mpifindra monina mankany Japana manoloana ny fihanteran'ny mponina no nosoratan'i Sono ilay lahatsoratra .

Hiroko Tabuchi, solontenan'ny New York Times fahiny tao Japana :

Japan needs to have a convo on racism (2) Sankei op-ed just called for immigrants to be segregated, Apartheid-style pic.twitter.com/NcdNlnUVmL

— Hiroko Tabuchi (@HirokoTabuchi) February 12, 2015

Ilain'i Japana ny miresaka momba ny fanavakavahana (2) lahatsoratr'i Sankei no nitaky indrindra ny hanavahana ireo mpifindra monina, miendrika Apartheid

Raha toa tsy maintsy mamela ireo mpifindra monina ho avy hanampy hanamaivana ny fanatanterahana ireo asa sarotra amin'ny fikarakaràna be antitra i Japana, milaza i Sono ao amin'ilay tsanganan-dahatsorany ho an'ny Sankei, fa mila mamorona fetra apetraky ny lalàna i Japana, fetra izay hamefy mazava tsara ny satan'ireo mpiasa ho toy ny mpifindra monina fa kosa tsy hahafahany haka zom-pirenena.

Notohizany hatrany amin'ny fitanisàna ny rafitra Apartheid fahiny tao Afrika Atsimo ho toy ny ohatra tsara amin'ny karazana politika tahaka izany.

Taorian'ny nanamarihany ny lahatsoratr'i Sono izay niteraka korontana ambony ambany tao anatin'ny aterineto tao Japana, nanapaka hevitra handika manontolo ilay lahatsoratra Sankei voasoratra i  Peter Durfee, mpanoratra sady tonian-dahatsoratry ny Nippon.com.

@recordpaul @Karlagollanes the only reason I noticed and translated the article was the number of angry comments from Japanese people

— Peter Durfee (@Durf) February 12, 2015

@recordpaul @Karlagollanes ny hany antony voamariko ary nandikako ilay lahatsoratra dia ny isan'ireo fanehoankevitra feno hatezerana avy amin'ny vahoaka Japoney

Avy amin'ilay fandikàn'i Durfee ilay tsanganan-dahatsoratra Sankei Shimbun an'i Ayako Sono :

Hatramin'izay nahalalako ny zava-nisy tany amin'ny Rapoblikan'i Afrika Atsimo, 20 na 30 taona lasa izay, dia resy lahatra aho fa tsara ho an'ny foko tsirairay ny miaina tsy mifangaro, na ho an'ny fotsy io, na ho an'ny Aziatika, sy ny mainty tao amin'izany firenena izany.

Vakio eto ny fandikàna feno natao'ni Peter Durfee an'ilay tsanganan-dahatsoratra Sankei an'i Ayako Sono.

Tsy vaovao amin'ny resabe ao Japana raha i Sono :

@HirokoTabuchi @Durf @jonathan_soble not Sankei related, but found recent Sono essay on “positive” aspects of WWII… pic.twitter.com/yFxhbyNJL9

— Stephen Stapczynski (@SStapczynski) February 12, 2015

@HirokoTabuchi @Durf @jonathan_soble tsy misy ifandraisany amin'ny resaka Sankei, saingy nahita tsy ela akory  ny andran-dahasoratra nataon'i Sono momba ny lafiny “tsara” tamin'ny Ady Lehibe Faharoa.

Sangany amin'ireo soratra: “70 taona taorian'ny ady, tsy ampy raha ny toe-po tsy tia ady, mifototra amin'ny resaka ‘maha-olona’ tsotsorina fotsiny, no ho ampitaina ho an'ny taranaka mandimby.

Lohateny vaventy: “Mihoatra lavitra noho ny resaka zava-doza ateraky ny ady, tsy maintsy tadidiantsika koa ny fahendrena amin'ny maha-firenena antsika azo tamin'izany.”

Miavaka ny fanehoankevitr'i Sono momba ny apartheid satria, teraka tamin'ny 1931, izy dia mpanoratra manana ny lazany sady mpikatroka mafana fo avy amin'ireo mpifikitra amin'ny nentin-drazana ao Japana nandritry ny vanim-potoana taorian'ny ady. Nanao ny asan'ny mpanolotsain'ny Praiminisitra Japoney Shinzo Abe izy momba ny fanabeazana, nitàna toerana tao amin'ny filankevi-pitondran'ny Japan Post, ary koa nitàna toerana tao amin'ny filankevi-pitantanan'ny NHK, fampielezampeom-pirenena ao Japana.

Mpanohana ihany koa an'ilay filoha very hasina tao Pero, Alberto Fujimori, i  Sono, ary filohan'ilay Nippon Foundation niteraka resabe tany afovoan'ny taona 1990 tany ho any.

問題は、曽野綾子氏が教育再生実行会議委員であることだ。安倍内閣は彼女を重用しているのだが、考え方が近いからなのかは確認すべき問題だ／曽野綾子のコラムに暗示する問題（uncorrelated） http://t.co/PznsSYAmeg

— BLOGOS編集部 (@ld_blogos) February 12, 2015

Ny olana dia mpikambana ao anatin'ny kaomity miaraka amin'ny praiminisitra momba ny fanavaozana ny fanabeazana i Ayako Sono. Ny governemantan'i Abe dia miantehitra be aminy. Mety ho tsara raha mba hita hoe mifanaraka tsara amin'ny politikan'ny governemanta ve ny fomba fisainany.

Nanontany tena ireo olom-pirenena hafa ny amin'izay tsy maintsy ho eritreretin'i Sono. Nilaza i Takafumi, mpandraharaha misongadina amin'ny resaka tranonkala sady eken-teny ety anaty aterineto hoe :

あたまがおかしいね 曽野綾子さん「移民を受け入れ、人種で分けて居住させるべき」産経新聞で主張 – http://t.co/oaAFxqTrqb — 堀江貴文(Takafumi Horie) (@takapon_jp) February 12, 2015

Somary manidintsidina izay ihany izy any anaty lohany any!

Ny hafa manipika hoe an'ny tery saina ny fanehoankevitra tahaka ireny, indrindra rehefa jerena ny hoe i Tokyo no hampiantrano ny Lalao Olaimpika 2020 :

オリンピックを前に随分自国だけに都合の良い理屈だなこれ……。 / ネトウヨもドン引き！曽野綾子が産経のコラムでアパルトヘイト推奨 http://t.co/EUTlnhCVCK #NewsPicks — 津田大介 (@tsuda) February 12, 2015

Ary ao anatin'ny fanomanana ny Lalao Olaimpika ihany koa dia izy no manindrahindra fomba fijery manokana mikasika ny maha-nosy ny firenentsika!

Afrikana Tatsimo iray naneho hevitra no nahatsiaro ho naloiloy tamin'ny teniny :

.@HirokoTabuchi @Durf @Sankei_news his wouldn't even be printed in #SouthAfrica, as it violates our Press Code and incites discrimination. — Deva Lee (@DevaLee) February 12, 2015

Tsy hivoaka printy akory aty #Afrika Atsimo ity, satria manitsakitsaka ny Fitsipiky ny Asa Fanaovana Gazety aty aminay no sady mihantsy fanavakavahana