Afenin'i Filipina Amin'i Papa Fransoà Ny Olana Ara-Tsosialy Ao Aminy
Nosakanan'ny polisy tsy hitsofoka eo akaikin'ny fiara mitondra ny papa ireo vondrona mpiaro ny zon'olombelona. Sary tao amin'ny pejy Facebook-n'i Kathy Yamzon.
Tsy ny rehetra ao Filipina no mahazo mijery an'i Papa Fransoà raha nanomboka ny fitsidihany tao Filipina izy. Nilaza ny vondrona mpikatroka izay milanja sora-baventy mitaky ny rariny ara-tsosialy fa sakanan'ny polisy tsy hanao hetsika manakaiky ny fiara mitondra an'i Papa izy ireo. Voalaza ihany koa fa nisambotra ireo ankizy mpirenireny an-dalambe nandritra ny fandalovan'i Papa ny polisy.
Hitsidika an'i Filipina manomboka amin'ny 15 Janoary hatramin'ny 19 Janoary i Papa Fransoà. Mitsidika ny firenena be katolika indrindra ao Azia ny Papa amin'ny alalan'ny lohahevitra hoe “famindrampo sy fihantràna (mercy and compassion).
Mpikatroka teo amin'ny 2.000 teo no nitangorona tao Manila mba hiarahaba an'i Papa amin'ny alalan'ny filanjana sora-baventy izay manasongadina ny sasany amin'ireo olana mahazo ny mahantra ao amin'ny firenena, tahaka ny hanoanana, ny tsy fisian'ny tany iasàna sy ny tsy rariny. Nosakanan'ny polisy tsy hanatona ny fiara mitondra ny Papa anefa ny diabe.
Nato Reyes, mpitarika ny mpikatroka nitsikera ny governemanta noho ny fanakanana ireo vondrona maromaro tsy hiresaka amin'ny Papa momba ny “tena zavamisy” ao Filipina :
From Day 1, there has been a conscious effort to regulate what the Pope can see and hear. It is monumentally ironic since the Pope did not come here to see only ” true, the good and the beautiful”. The Pope came here to hear about the problems of the poor and marginalized.
Hatramin'ny andro voalohany, nisy ny fiezahana hametra izay azon'i Papa jerena sy renesina. Toa hafahafa tanteraka tokoa raha tsy tonga hijery fotsiny ny “marina, ny tsara sy ny mahafinaritra” ny Papa. Tonga mba hihaino momba ireo olan'ny mahantra sy ny natao anjorom-bala ny Papa.
Polisy manakana ireo mpikatroka tsy hilahatra eo akaikin'ny fiara mitondra ny Papa. Sary tao amin'ny pejy Facebook-n'ny Southern Tagalog Exposure.
Mpanakanto mpanao fampisehoana Mudwalk maneho ny fijalian'ireo niharam-boina tamin'ny rivodoza Haiyan, izay nosakanan'ny polisy ihany koa tsy hanome taratasy hoan'ireo mpitondra ara-pivavahana. Sary tao amin'ny pejy Facebook-n'ny vondrona.
Noraofin'ny polisy ny sainan'ireo mpikatroka. Nilaza ny polisy fa ireo “sora-baventy fiarahabana” ihany no mahazo alalana. Sary tao amin'ny pejy Facebook-n'ny Southern Tagalog Exposure.
Afaka nametraka sora-baventy teo ivelan'ny fonja ireo gadra politika sasany. Nanentana ny Papa izy ireo mba hijery ny fiharatsian'ny toeran'ny zon'olombelona ao amin'ny firenena. Sary tao amin'ny pejy Facebook-n'i Kathy Yamzon.
Ankoatra ny fitsabahana ireo mpanao fihetsiketsehana, voalaza ihany koa fa “nisambotra” sy “nanagadra” ireo ankizy mpirenireny eny an-dalambe ny governemanta andro vitsy talohan'ny fahatongavan'i Papa. Nanontany ny mahamety izany politika izany ny Manila Standard Today, iray amin'ireo gazety goavana, izay nilaza fa mitovy amin'ny tetika fisehoana ho tsara ivelany izany.
Nandà ho tsy nisambotra ireo ankizy mpirenireny eny an-dalambe nandritra ny fitsidihan'i Papa ny governemanta.
Nandritra izany fotoana izany, nanangana rindrina maintso manamorona ny arabe hizoran'ny fiara mitondra an'i Papa sy ireo manaraka azy ny manampahefana mba hanakonana azy ireo tsy hahita ireo mponina mahantra andrenivohitra ambadiky ny rindrina.
“Sakana” hafa manasaraka an'i Papa amin'ny vahoaka ihany koa ny fepetram-piarovana goavana napetraka. Nilaza ny maro fa tafahoatra ny fanapariahana polisy sy ny fametrahana sakana vy manerana ny tanàna, ka mahatonga ireo olona tsy afaka na dia mitazana fotsiny ny vahiny mana-kaja manokan'ny firenena aza. Mpiserasera Filipiana tsy faly ka nampitaha ny fitsidihan'i Papa vao haingana tao Sri Lanka, izay nahitana azy nikasika sy nitahy ny tanan'ireo mpino manamorona ny arabe.
Fanapariahana polisy tafahoatra? Filohan'i Filipina i Aquino. Sary tao amin'ny pejy Facebook-n'ny foiben'ny mpiasa Kilusang Mayo Uno (Hetsika Voalohan'ny volana Mey) [Tonga eto Filipina hoan'ny Filipiana ny Papa Fransoà, fa tsy hoan'i Aquino sy ny polisy].
Pope Francis! Quirino Ave cor Taft Ave on his way to MOA Arena around 5pm @gmanews pic.twitter.com/LKXJYY3NBA
— Bam Alegre (@BamAlegre) January 16, 2015
Papa Fransoà! Ao amin'ny Lalambe Quirino hamonjy ny kianjaben'ny MOA amin'ny 5 hariva
Pope Francis waving as he passed by Quirino Ave cor. Taft Ave at 1:14pm earlier today. #PopeFrancisPH | @jcansis pic.twitter.com/YPvOVGYqeK
— 9News Philippines (@9newsph) January 16, 2015
Papa Fransoà mikopa-tanana raha nandalo ao Quirino Ave cor. Taft Ave amin'ny 1:14 androany
Nilaza ny governemanta fa fepetra ilaina ny fametrahana fiarovana henjana sy amin'ny antsipirihany. Na dia izany aza, mbola maro ireo manohy mandrisika ny manampahefana mba hanaja ny fanirian'ireo mpino ary hamela azy ireo hanakaiky kokoa an'i Papa.
Sure it's for security purposes but I think the Pope would really like to reach out to the people hidden by hundreds of security personnel.
— Kat De Castro⭐♎ (@KatDeCastro) January 16, 2015
Eny tokoa fa noho ny antony ara-piarovana saingy mihevitra aho fa mba te-hikasika ireo olona takon'ireo mpitandro ny filaminanana anjatony ny Papa.
Nonoy Oplas nitsikera ny “rafi-piarovana ara-miaramila” napetraky ny governemanta:
Seeing him on the road is the closest thing (the people) can get and see the Pope. And the paranoid security system tried hard to make the public's view of the Pope as short as possible, as far as possible.
Ny mahita an'i Papa eny amin'ny arabe no mba zavatra akaiky indrindra antenain'ny vahoaka. Niezaka mafy ny rafi-piarovana tafahoatra mba ho fotoana fohy indrindra araka izay azo atao sy lavitra indrindra araka izay mety no ahafahan'ireo vahoaka mijery ny Papa.
Maro ireo manantena fa handinika indray ny fandaminana ara-piarovany ny governemanta ato ho ato, mba ahafahan'ny vahoaka hahita an'i Papa alohan'ny fodiany amin'ny 19 Janoary.
