Sehatra Matroka fa Nisaona ireo Ankizy Pakistaney Novonoina Tamin'ny Fanafihana tao Peshawar
Mpianatry ny Sekolim-Panjakan'ny Tafika, mpikambana ao amin'ny Fiarahamonim-Pirenena, ekipan'ny Tafika Pakistaney sy olom-pirenena maro manatontosa fiareta-tory famelomana labozia ho fisaonana ireo lasibatra tsy manantsiny. Sarin'i ppiimages. Fizakamanana Demotix (19/12/2014)
Nisy vondrona mitampiadiana avy amin'ny Taliban manao fanamiana miaramila niditra tao amin'ny Sekolim-Panjakan'ny Tafika tao Peshawar, Pakistan, tamin'ny 16 Desambra ary nitifitra mpianatra sy mpampianatra niteny efitra fianarana. Farafahakeliny olona 148, ka 132 amin'ireo ankizy, no namoy ny ainy tamin'ny fanafihana ary maro dia maro ny mpianatra naratra.
Ny andro manaraka, notontosaina tao Karachi, Islamabad ary tanandehibe hafa manerana ny firenena ny fiareta-tory fandrehetana labozia, izay azo jerena amin'ny alalan’ireto sary ireto.
Maro dia maro tokoa ny fiareta-tory notontosaina manerantany:
- Any Canada: Hamilton, Oakville. Pickering.
- Etazonia: California, Connecticut, Indiana, Florida, Massachusetts, Kentucky, New York, Ohio, Tennessee, Utah, Arizona, Wisconsin.
- Fitondram-Panjaka Mitambatra (UK): Derby, Woking, Watford, Leicester, Surrey, Birmingham, Liverpool.
- Toeran-Kafa manerantany: Aostralia, Norvezy, Tanzania, Sri Lanka, Emirà Arabo Mitambatra, Iran.
Ireo olona nanatrika ny fiareta-tory ireo dia mahatsiaro ny niharam-boina, manohitra ny bontolo, niteny mafy ny fahatezerany tamin'ny Taliban ary nanome ako fa tokony tsimbinina ao anatin'izao habibiana izao ny ankizy.
Indreto ny sasantsasany tamin'ny sary tamin'izany fiareta-tory fandrehetana labozia izany:
Angon-dabozia sy fanilo anatin'ny fiareta-tory ao Trafalgar Square, London, ho fahatsiarovana ny ankizy sy mpampianatra maty an-tsekoly novonoin'ny Taliban Pakistaney tao Pakistan. Sarin'i Emma Durnford. Fizakamanana Demotix (17/12/2015)
Fandrehetana labozia hahatsiarovana ny ankizy ao Peshawar notontosaina tao Longsight, Manchester ivelan'ny Foiben'ny Fiarahamonina Pakistaney. Sarin'ny Barbara Cook. Fizakamanana Demotix (20/12/2014)
Olona roanjato mivory eo anoloan'ny Foiben'ny CNN tao Atlanta hanao fiareta-tory fandrehetana labozia ho fanomezam-boninahitra ireo lasibatry ny fanafihan'ny Taliban tao amin'ny sekoly iray ao Peshawar, Pakistan. Sarin'i Steve Eberherdt. Fizakamanana Demotix (17/12/2014)
Mpianatry ny Columbia sy mpikambana hafa avy ao amin'ny fiarahamonina manatevin-daharana ny fiareta-tory mandrehitra labozia ao amin'ny tokotanin'ny oniversite ho fanohanana ny lasibatry ny fanafihana tao Peshawar. Sarin'i Mansura Khanam. Fizakamanana Demotix (17/12/2014)
Indiana Mpiasan'ny Kongresy sy tanora manome voninahitra ireo matin'ny fanafihan'ny Taliban tao Peshawar, Pakistan nandritra ny fiareta-tory mandrehita labozia tao Allahabad, India. Sarin'i Ritesh Shukla. Fizakamanana Demotix (17/12/2014)
Fiareta-tory fandrehetana labozia notontosaina tao amin'ny Vaomiera Ambonin'i Pakistan tao Bangladesh, tamin'ity takariva ihany ho fahatsiarovana ireo lasibatra tsy manantsiny tamin'ny famonoan'olona tao amin'ny Sekolim-Bahoakan'ny Tafika ao Peshawar.
Vahoaka Indiana nandrehitra labozia nandray anjara tamin'ny fiareta-tory (fijoroana) mandrehitra labozia ho fahatsiarovana ireo iharam-boina matin'ny fanafihan'ny Taliban tamin'ny sekoly iray velomin'ny tafika ao Peshawar, ao Amritsar. Sarin'i Sanjeev Syal. Fizakamanana Demotix (17/12/2014)
Ankizy ao Sivasagar, Assam mandrehitra labozia manohitra ny fahafihan'ny Talibans tao amin'ny sekoly iray ao Pakistan, sarin'i Neelam Kakoty Majumdar. Fizakamanana Demotix (18/12/2014)
Klioban-Gazety Distrikan'i Burdwan nanomana Fihaonana Fiareta-tory nandrehitra labozia tao Burdwan, Bengal Andrefana, India, manohitra ny fampihorohoroana fanafihan'ny Taliban tamin'ny Sekolim-Panjakan'ny Tafika tao Peshawar. Sarin'ny Sanjoy Karmaker (18/12/2014)
Ankizy mitazona hafatra firaisankina ao amin'ny hetsika fiareta-tory miaraka amin'ny labozia tao Lahore, Pakistan. Sarin'i Fatima Arif. Fizakamanana Demotix (18/12/2014)
