Nijanona tanteraka ny tanaty fitohanana ny fiara androany (6 Desambra) tao Bahrain satria nikatona ireo arabe malalaka tao amin'ny firenena nanomboka tamin'ny 7 maraina hatramin'ny 11 ora noho ny fandraisana anjaran'ny zanakalahin'ny mpanjaka tamin'ny fanatanjahatena telo miaraka (triathlon).

Nahemotra ny fandevenana, nikorontana ny fitaterana an'habakabaka satria tsy nahatratra ny sidina ny mpandeha, tsy afaka nandeha niasa ny dokotera ary tsy voatsabo ireo marary raha toa kosa ka nilomano, nihazakazaka sy nandeha am-bisikileta manerana ny firenena i Shaikh Nasser bin Hamad Al Khalifa.

Tao Muharraq, misy ny Seranam-piaramanidina iraisampirenena ao Bahrain, manana velarana eo amin'ny 780 kilaometatra tora-droa no tena nisy ireo fitohanana tanteraka.

Noresahana tao amin'ny media sosialy izany zava-nitranga tampoka izany, ka nitsikera ny fihetsik'ireo fianakavian'ny mpitondra ny mpiserasera izay tsy nanafina anarana sy naneho tsikera mahery vaika.

Raeda Sabt nanoratra hoe:

جنازة تأجلت .. رحلات طيران تأخرت .. الشوارع تسكرت .. يعني مصالح الناس آخر اهتمامكم بس عشان چم واحد يبي يركض !! #سباق_الترايثلون

— رائدة – البحرين (@RaedaSabt) December 6, 2014

Nahemotra ny fandevenana, nikorontana ny zotram-pitaterana an'habakabaka, nikatona ny lalana. Midika izany fa tsy misy dikany amin'izy ireo ny tombotsoam-bahoaka, satria olom-bitsy no te-hihazakazaka !!

Ahmed Bucheery nisioka hoe:

The amount of stupidity is to make a race that would close al the roads in such small country #ChallengeBahrain

— • Ahmed | أحمد • (@AhmedBucheery) December 6, 2014

Hadalana goavana ny fanaovana fifaninanana mitarika fanakatonana ny arabe rehetra ao amin'ny firenena kely tahaka ity

Mohamed Buali, mponina ao Muharraq manana mpanjohy 3,890 ao amin'ny Twitter, nanamarika hoe:

لم أشاهد تنظيم او أزدحام بشوارع البحرين، او إضرار بمصالح الناس مثل ما اشهده الآن في #الحد #عراد و #المحرق #ترايثلون ##سباق_الترايثلون

— Mohamed Buali (@MohammedBuali) December 6, 2014

Mbola tsy nahita fikarakarana sy fitohanana tahaka izao tao amin'ny araben'i Bahrain aho, sy manimba ny tombotsoam-bahoaka araka ny hitako androany tao Hidd, Arad ary Muharraq

Hoy izy nanampy:

بإنتظار مسئول محترم يتقدم بإعتذار للشعب وبإعتراف بالاخطاء وسوء التنظيم! في شخص عاقل يصك الشوارع المؤدية للمطار؟!! #سباق_الترايثلون #البحرين

— Mohamed Buali (@MohammedBuali) December 6, 2014

Miandry manampahefana mendrika mba hiala tsiny amin'ny vahoaka sy hiaiky ny fahadisoany sy ny faharatsian'ny fikarakarana aho. Misy olona salama saina mety hanakana ny arabe mankany amin'ny seranam-piaramanidina ve?

Nizara ity lahatsary mampiseho ireo mpandeha hoany amin'ny seranam-piaramanidina manosika ny entany i Mohammed Bucheeri tao amin'ny Vine:

Tezitra mafy tamin'ny fikatonan'ireo arabe i Bucheeri satria voatery nahemotra ny fandevenana ny rahalahiny noho ireo fianakaviana sy namana tsy afaka ny ho tonga teny amin'ny toeram-pandevenana. Nandefa sioka tamin'i Shaikh Nasser izy hoe:

إلى الشيخ ناصر ولد خالي متوفي وينتظرنا في المقبرة محد قادر يوصل للدفن والتشييع يرضيك ياطويل العمر؟ #ChallengeBahrain pic.twitter.com/TjnFPS4CxI

— Mohamed Bucheery (@MohdBucheery) December 6, 2014

Hoan'i Shaikh Nasser,
Namoy ny ainy ny rahalahiko ary miandry anay any amin'ny toeram-pandevenana.
Tsy misy olona afaka hanatrika ny fandevenana azy
Azo ekena ve izany?

Tamina sioka hafa, nizara ny fihaonany tamina polisy manamboninahitra izy:

آقول حق الضابط عندي وفاة وابي اروح المقبرة يقول لي ارجع البيت في سباق والشارع مصكوك .. حسبي الله عليكم

— Mohamed Bucheery (@MohdBucheery) December 6, 2014

Nilaza tamin'ilay manamboninahitra aho fa manana fahoriana izahay ary tsy maintsy mandeha mandevina. Nilaza tamiko izy mba hiverina satria mbola misy fifaninanana ary mikatona avokoa ny arabe.

Marobe ireo mpiserasera nizara ny sarin'ireo olona mandeha tongotra lavitrabe hamonjy ny seranam-piaramanidina. Nizara ity sary ity avy ao amin'ny fantsom-baovaon'ny seranam-piaramanidina i Abdulla Al Jalahma ary nanontany hoe:

الخساير هاذي من الي راح يتحملها غير الشعب المسكين؟ #البحرين_صاكة #سباق_الترايثلون حسبنا الله ونعم الوكيل pic.twitter.com/CEn2c99Lpv

— عبدالله الجلاهمة (@Aljalhemi) December 6, 2014

Iza, ankoatra ny olona mahantra no hizaka ny fatiantoka?

Tao amin'ny kaonty Twitter-ny, nilaza ny fitaterana an'habakabaka ao amin'ny firenena fa nahemotra ny sidina noho ireo mpandeha tsy tonga ara-potoana tao amin'ny seranam-piaramanidina:

تعتذر #طيران_الخليج عن تأخير بعض الرحلات صباح اليوم بسبب تأخر بعض المسافرين عن الوصول لمطار البحرين في الوقت المحدد. pic.twitter.com/agN0jgNMS3

— Gulf Air (@GulfAir) December 6, 2014

Ny  Gulf Air  dia miala tsiny noho ny fihemoran'ireo sidina sasany androany maraina satria tara ireo mpandeha sasany

Tokony manazava ny antony mahatara ny zotram-piaramanidina sasany izay tsy vitany notontosaina ny fitaterana an'habakabaka, mpanohana ny fanatanjahatena telo miaraka ny litera 140 fanao amin'ny Twitter.

Nisy fiantraikany tany amin'ireo marary sy mpitsabo ihany koa ny zava-misy hoy ireo mpiserasera, Abdulla Al Jalahma nisioka:

وردني قبل قليل خبر معاناة بعض مرضى الكلى البحرينيين حيث أنهم لم يتمكنوا من الحضور موعد الغسيل بسبب إغلاق الشوارع حياتهم في خطر #البحرين_صاكة

— عبدالله الجلاهمة (@Aljalhemi) December 6, 2014

Vao avy nahare aho fa tsy afaka namonjy ny fotoana hanaovana “dialyse” ireo marary voa sasany noho ireo arabe nikatona. Mampidi-doza ny fiainan'izy ireo izany

Nizara sarina fiara mpitondra marary tafahitsoka tanaty fitohanana i Mohammed Bucheery:

سيارة الإسعاف لا تستطيع التقدم لخطوة بسبب الزحام وكان الله في عون المريض الذي بداخلها هذا كله بسبب #سباق_الترايثلون pic.twitter.com/NghYNlVZ61

— Mohamed Bucheery (@MohdBucheery) December 6, 2014

Fiara mpitatitra marary tsy afaka nihetsika mihitsy tao anatin'ny fitohanan'ny fiara. Hanampy ireo marary ao anatin'izany anie Andriamanitra. Izany rehetra izany dia noho ny triathlon (fanatanjahatena telo miaraka)

Nampita ny zava-niainan'ny mpitsabo iray kosa i Abdulmonem Almeer:

طبيبة خرجت من قلالي متجة المستشفى من الساعة ٨:٣٠ وهي الآن هي محشورة بالبسيتين والمرضى ينتظرونها وعمليات تم تأجيلها هل يعقل #سباق_التراثليون

— عبدالمنعم المير (@MonemAlmeer) December 6, 2014

Niala tao Galali tamin'ny 8 sasany marina ny dokotera iray ary mihitsoka ao Busaiteen amin'izao fotoana izao. Miandry azy ireo marariny kanefa voatery nanemotra ny fandidiana tokony nataony izy. Azo saintsainina ve izany?

Hoan'ireo vahoaka ao amin'ny tanàna kelin'i Bahrain kosa, efa mahazatra ao amin'ny firenena ny fiaretana korontana hatramin'ny nisian'ny fihetsiketsehan'ny mpanohana ny demaokrasia tamin'ny volana Martsa 2011, efa fomba fiainana mahazatra ny arabe mikatona sy ny sakan-dalana.

Nitodika tamin'ireo vahoaka mpanohana ny fitondrana i Wasan tao amin'ny Twitter ary nilaza hoe:

حسيتوا فالناس الي فالقرى؟ حسيتوا بالي صار في العكر يوم حاصروهم اسبوع؟ انتوا ساعتين مو مستحملين.. #سباق_الترايثلون

— Wasan (@wasanator) December 6, 2014

Tsapanareo ve ny fijalian'ny vahoaka ao amin'ireo tanàna kely? Tsapanareo ve izay nitranga tao Ekr raha nanao fahirano ny tanàna nandritra ny herinandro izy ireo? Tsy mahavita mahazaka ny fijaliana mandritra ny adiny roa ianareo

احنا متعودين الشوارع تنصك عند مداخل مناطقنا و ننقع بالساعات و مانقدر نوصل مكان و العذر؟ نقطة تفتيش…اكلوها انتوا الحين. #سباق_الترايثلون

— Wasan (@wasanator) December 6, 2014

Efa zatra ny lalana tapaka ao amin'ny fidirana ao amin'ny faritra misy anay izahay, ary efa zatra miandry ora maro sy tsy afaka mankany amin'ny toerana tianay aleha. Ary ny anton'izany matetika dia ny fisavana ataon'ny polisy. Mahazo mijaly ianao ankehitriny.

Nanao fampitahana ny fandoroana kodiarana ataon'ny mpanao fihetsiketsehana eny an'arabe sy ny fanakatonana ny arabe noho ny fifaninanana i Mohamed Bueida:

اليوم الترايثلون ذوق الناس الموت عشان يرضون بالصخونة لا يبه حرق التواير وايد ارحم،ساعة والسالفة تخلص هذا اللي تبونه؟؟ #سباق_الترايثلون

— محمد بوعيدة (@Bueida) December 6, 2014

Mahatonga ny vahoaka hahita fahafatesana ny “triathlon” androany ka manaiky ny hanavy izy ireo. Tsara kokoa ny fandoroana kodiarana eny amin'ny arabe (noho ny triathlon) satria afaka misokatra indray ny lalana afaka adiny iray.
Izany ve no tadiavinareo?

Matetika manome tsiny ny mpanohitra ny andian'olona mpanohana ny governemanta noho ny fanakatonana ny arabe sy fanakorontanana ny fiainan'izy ireo, indrindra mandritra ny fihetsiketsehana sy ny fandoroana kodiarana eny amin'ny arabe. Afaka manome tsiny indray izy ireo androany.