Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mampiroborobo Indray Ny Fahasamihafana Ara-Kolontsaina ao Tombouctou

Participants à l' atelier Vivre Ensemble à Tombouctou, Mali - photo de l'auteur

Mpandray anjara tamin'ny atrikasa tao Tombouctou, Mali. Sary avy amin'ny mpanoratra.

Efa ela ny faritr'i Tombouctou ao Mali no fihaonan-dalana ara-barotra sy ara-kolontsaina. Mpifanolo-bodirindrina manamorona ny Renirano Niger ny Songhaï, Peul, Sorko, Touareg, Bellah, Kunta ary ny Bérabich. Niharan'ny teritery ny fifandraisana teo amin'ireo tanàna ireo hatramin'ny nisian'ny ady an-trano 2012-2013 tao Mali izay niteraka ady ara-pivavahana sy ara-poko teo amin'ireo vitsy an'isa ao amin'ny firenena. Eo am-panatontosana asa ankehitriny ireo fikambanana tsy miankina maromaro ao an-toerana, manangana tetikasa hanampiana hanavaozana indray ny firaisankina ara-tsosialy sy hametrahana indray ny filaminana ao Mali. Tantara amin'iray amin'ireo tetikasa ireo ity, Living Together (“Miara-monina”), sy ny ezak'izy ireo ao Tombouctou.

Fikambanana famakiam-boky notontosain'ny PAT-MALI (Fandaharana Hanohanana Ny Tetezamita ao Mali) ny Live Together, izay mampiroborobo ny kolontsaim-pandeferana sy ny fahalalahana ao amin'ireo sekoly ambaratonga faharoa fototra ao Tombouctou. Tamin'ny fiafaran'ny volana Novambra, namory mpampianatra 32 avy amin'ny taranjam-pianarana samihafa mba handray anjara amin'ny atrikasa fampiofanana mikasika ny fomba hametrahana fikambanana famakiam-boky any amin'ireo sekoly ambaratonga faharoa ny Living Together. Manantena hahazo eReaders 320 hoan'ny mpampianatra sy ny mpikamban'ny famakiam-boky ny tetikasa.

Sary avy amin'ny mpanoratra ireto sary ireto, ahitana sary tamin'iray tamin'ireo atrikasa nofariparitana eo ambony.

Atelier vivre ensemble à Tombouctou

Mpandrindra ny atrikasa momba ny fandeferana tao Tombouctou.

Nilaina tamin'ity tetikasa ity ny fotoana sy ny ezaka goavana. Teo amin'ny e-boky 4000 teo no notrohana isaky ny e-reader nomena.

Participants à l'atelier

Atrikasa am-panatontosana miaraka amin'ireo mpampianatra.

Zineb Benalla no lehiben'ny ekipa amin'ny ankamaroan'ireo fampiofanana atrikasa aoTombouctou. Mpiara-mpikaroka ao amin'ny Ivon-toerana Arabo momba ny Fikarohana Siantifika sy ny Siansa Mahaolona ao Rabat, Maraoka izy.

Un Participant à l' atelier Vivre Ensemble à Tombouctou, Mali - photo de l'auteur

Mpandray anjara iray mizara ny traikefany amin'ireo mpikambana hafa amin'ny tetikasa

Faly ireo mpampianatra nahazo eReaders, indrindra taorian'ny fandravan'ny l-Qaeda ao Maghreb Islamika ny tranomboky rehetra ao an-tanàna teo amin'ny Aprily 2012 sy Janoary 2013. (Nanampy nanaisotra ny Al-Qaïda tao amin'ny faritra ny tafika Frantsay.)

Participants à l' atelier Vivre Ensemble à Tombouctou, Mali - photo de l'auteur

Mpandray anjara nandritra ny atrikasa hoan'ny mpampianatra tao Timbuktu, Mali.

Mety hitarika fanovana mahaliana amin'ny fampianarana ao an-toerana ny fampiasana eReaders, mety hampitsahatra ny “penina mena” malazan'ny mpampianatra, fomba fanoratana lahatsoratra amin'ny tsikera sy fanitsiana. Miaraka amin'ny eReaders, miandry ireo mpampianatra mba ho “mpandamina” sy “mpitarika ara-poto-kevitra” kokoa ny sasany, ary antenaina hampiroborobo adihevitra maro eo amin'ireo mpianatra.

Vivre Ensemble à Tombouctou, Mali - photo de l'auteur

Manazava ny tetikasa “Living Together” tao Mali.

Participants à l' atelier Les eReaders à l'atelier de Vivre Ensemble à Tombouctou, Mali - photo de l'auteur

 eReaders nampahafantarina nandritra ny atrikasa.

Workshop by Zineb Benalla - Photo by the author

Zineb Benalla mitarika ny atrikasa.

Noho ny harena ara-kolontsaina sy ny tsindrin'ny fitondrana niaretana hatramin'ny taona 2012-2013, dia azo natao ho fanadiovam-pahatsiarovana ho an'ny mponina maro ireo atrikasa ireo, izay mbola miaina ny takaitra navelan'i al-Qaeda i Tombouctou ankehitriny.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.