Any Japana, ny Alin'ny Krismasy dia heverina ho ny alina mampanonofy indrindra mandritry ny taona.

Efa fomban-drazana hatrizay, ny 24 Desambra no ilay andro lehibe fifanomezam-potoana mba hiarahan'ny olon-droa, fotoana iforonan'ny fifamatoran'olon-droa ary andaniana miaraka ny alina iray miavaka alohan'ny hiverenana amin'ny asa sy ny birao mampitotototo ny 25 Desambra; Tsy andro ankalazaina fa iasàna mantsy ny andron'ny Krismasy any Japana.

Tato anatnny taona vitsy, anefa, tsy hoe fotsiny nitontongana ny taham-pahaterahana tao Japana, fa koa ny isan'ny olona miditra amin'ny fanambadiana ary hatramin'ireo mifanao fotoana aza.

Manomboka miantraika amin'ny Alin'ny Krismasy koa izao ilay fiovàna ara-tsosialy, manaitra ka nahatonga mihitsy ny fitrandrahana teny iray vaovao: kuribotchi.

職場の若い後輩達が「クリぼっち‼︎クリぼっちー‼︎ww」って楽しそうだったから「クリぼっちって何？笑」って話しかけたら、みんなちょっと気まずそうにしてた。理解した。

— ぽっぽ (@poppi_polla5r) December 2, 2014

Tao am-piasàna, sondriana ery ireto tanora mpiara-miasa nifampitafa mikasika ny lamina hiatrehana ny kuribotchi. “Fa inona marina aloha ilay atao hoe kuribotchi?” Hoy aho sady nikakakaka no nanontany. Fahanginana hafahaha no setriny. Ary avy eo takatro ny zavatra resahan-dry zareo.

Fiteny vaovao niforona tamin'ny fitambaran'ny “Krismasy” sy ny “hitori-botchi” (samirery) ny kuribotchi, mamaritra ny fepetra fandaniana samirery ny Alin'ny Krismasy.

Ity tatitra fanadihadian'ny vaovao tamin'ny Desambra 2013 ity no manangana fanontaniana goavana hoe : inona no lamina ho ataonao ny Alin'ny Krismasy?

Ny valiny?

“Ho kuribotchi aho”

Ny Novambra 2014, olona teo amin'ny 1.800 tao amin'ny faritra manodidina ny tanànan'i Tokyo renivohitra, teo anelanelan'ny 20 sy 30 taona, no nanaovan'ny OpenTable, tolotra ety anaty aterineto fanaovana famandrihan-toerana aminà trano fisakafoana. Araka ny valin'ny fanadihadiana, eo amin'ny 60 isanjaton'ireo namaly no nilaza fa tsy manana fifamatorana maharitra izy ireo na tsy manana fifanomezam-potoana akory. 

Nanao kuribotchi miavaka ireo trano fisakafoana sy hotely sasany mba ho an'ireo mpisakafo samirery sy ireo mpankalaza ny Alin'ny Krismasy, hakàna tombony amin'ny fitovian'isan'ireo mihevitra ny hankalaza samirery amin'ireo hijanona any an-trano na handeha hivoaka amin'ny Alin'ny Krismasy (afaka milaza safidy maro fa tsy tokana monja ireo namaly):

Ny tena misy lanjany ho an'ireo tomponà trano fisakafoana anefa dia ny momba ireo 43 isanjaton'io fanadihadiana ny eo anelanelan'ny 20-30 taona io, izay nilaza fa tsy handany mihoatra ny 100 dolara amerikana ry zareo ho fankalazany ny Alin'ny Krismasy, zavatra iray mifangarika amin'izay fanjifàn'ireo andian-taranaka nisy tany amin'ny 25 taona lasa, fony tsy nisy fetrany ny fandaniana ho anà alina goavana iray hifanaovana fotoana.

Mihamaro ireo Japoney eo anelanelan'ny 20-30 taona no misafidy ny hanomboka fiainana mitoka-monina:

1人焼肉をしてしまったら、もうリア充復帰は不可能だと自覚しています。 ただ肉食べたい欲求には勝てないの＞_＜ ソロ攻略。これで二回目……(もう手遅れ)ん pic.twitter.com/Oaz1yVczTB

— 悟りを開いたJIME(中の人) (@jime0714) November 19, 2014

Raha vao indray mandeha manapa-kevitra ny hihinana samirery ny tonohena Koreana ianao, dia hahatsapa fa tsy hisy intsony fomba hiverenan-dàlana ho aminà fiainana mavitrika ara-tsosialy.

Eto ny mpanoratra dia mampiasa ny fomba fiteny hoe  リア充, na “ria ju,” fomba fitenin'ny Japoney ety anaty aterineto izay azo ampifandraisina amin'ny IRL (in real life – amin'ny fiainana tena izy).

Ao anatin'ity resaka ity, ireo “olona ria ju ” dia manana fiainana mavitrika, mientanentana ara-tsosialy miaraka aminà namana marobe. Mifanohitra amin'ny kuribotchis izay maneho fomba fironana hafa ao anatin'ny kolontsaina Japoney, izay ety anaty serasera ny olona no tena mifampikasokasoka be indrindra, amin'ny alàlan'ny solosaina.

Eo amin'ny fiainana tena izy, tsy dia tena mbola nahazo toerana tsara amin'ny fiarahamonina Japoney ny fomba mandeha irery:

ヒトカラきたのに25人の部屋に通された pic.twitter.com/OPLo8YDMUY

— みんなが体験した事なさそうな体験談 (@warauikenai) November 21, 2014

Nony nanontany efitrano fanaovana karaoke “samirery” aho, nentin-dry zareo ho aminà toerana azo lazaina ho malalaka ihany ho an'olona 25.

Ny hafa mbola manao kajikajy ny fomba hikarakaràny sakafo ho an'ny ririnina, toy ny lasopy be larony, izay raha ny fombandrazana dia iarahana mihinana amin'ny hafa:

センスないなぁ．美的センスゼロだね．何が足りないんだべ…でも…秘密基地好きだな．１人鍋さ〟 pic.twitter.com/GBaEkJJVqT

— はな子 (@im0ki1013) November 14, 2014

Misy zavatra tsy mandeha amin'ny laoniny fotsiny izao ato. Ny endrika hita maso aloha dia efa mahonena tanteraka… misy zavatra tsy ampy. Amin'ny lafiny iray, aleoko miforitra eto miaraka aminà lasopy be larony natao ho an'olona tokana.

Misy “meme” iray teraka ao amin'ny Twitter: olona miresaka ny fomba hilalaovana samirery ireo takelaka misy kilalao natao ho an'olona mihoatra ny iray :

ふうちょんちで1人人生ゲームなう pic.twitter.com/KLpot0EKmy

— NO (@rmlsasfmfcc9) August 3, 2014

Milalao samirery ny Lalaon'ny Fiainana aho.

1人人生ゲームスタート(^_^) pic.twitter.com/3oAfhWyHwc

— 岩手の沖縄 (@tomomotomo1978) October 16, 2014

Fiomànana, maka bàhana, lasa izao: milalao ny Lalaon'ny Fiainana natao ho an'olon-tokana.

かいけん1人人生ゲーム pic.twitter.com/rSGerjw8Jc

— たけにー (@RBLUES0214) August 26, 2014

Nihevitra ny hanandrana ny Lalaon'ny Fiainana ataon'ny tena samirery aho.

Ho an'ny sasany anefa, manamarika ny fanombohan'ny fanisàna mampalahelo farany ny fiafaràn'ny Novambra sy fiandohan'ny Desambra :

【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日 【悲報】クリぼっちまであと24日

— しの@12/4誕生日なのだよ (@shino_1204_) November 30, 2014

Malahelo izahay milaza aminareo fa tsy misy afa-tsy andro 24 sisa dia hankalaza samirery ny Alin'ny Krismasy isika. Malahelo izahay milaza aminareo fa tsy misy afa-tsy andro 24 sisa dia hankalaza samirery ny Alin'ny Krismasy isika.Malahelo izahay milaza aminareo fa tsy misy afa-tsy andro 24 sisa dia hankalaza samirery ny Alin'ny Krismasy isika.Malahelo izahay milaza aminareo fa tsy misy afa-tsy andro 24 sisa dia hankalaza samirery ny Alin'ny Krismasy isika.Malahelo izahay milaza aminareo fa tsy misy afa-tsy andro 24 sisa dia hankalaza samirery ny Alin'ny Krismasy isika. [naverina in-dimy]

Ny kuribotchis sasany indray naka fiononana tamin'ny Snoopy, izay angamba mety hifampizara amin-dry zareo ny vintan-dratsiny amin'ny Alin'ny Krismasy :

クリぼっちになりそうな人RT pic.twitter.com/F2vEl8GtXp

— time (@timesa100) November 27, 2014

Toa tahaka ny handany samirery ny Alin'ny Krismasy koa ilay zalahy ity.