Fihovitra Maherin'ny Tany Tao Nagano, Japana Nandratra Olona Am-polony sy Nandrava Fonenana
Pikantsarin'ny fihovitrovitry ny tany 6,8 refy Richter tao Nagano avy amin'ny ANN News.
Nisy horohorontany nandona ny afovoan'i Japan tamin'ny Asabotsy 22 Novambra, izay nandratra olona 41 sy nandrava tranom-piompiana ampolony, nandrava lalana ary namotika fasana tao an-tanànakelin'i Hakuba ao amin'ny prefektioran'i Nagano.
Nahafandrika olona 21 hihitsoka tao anaty trano ravany ilay horohorontany mahatratra ny maridrefy 6,8 saingy avotra avokoa izy rehetra ka tsy nisy ny olona maty.
Many houses collapse, 41 people injured after strong earthquake strikes Nagano in Japan. http://t.co/XHuCqPkXfS pic.twitter.com/3UrOFF3rkE
— わんわんわん公 (@watanabewankou) November 23, 2014
Maro ny trano nianjera, 41 no naratra taorian'ny fihetsehana maherin'ny tany nandòna an'i Nagano tao Japana
白馬村堀ノ内地区。一階部分が完全につぶれています。 pic.twitter.com/d97isDNPjM
— 山口のりひさ (@yamaguchijcpngn) November 23, 2014
Horinouchi Ward tao an-tanànakelin'i Hakuba. Potika tanteraka ny rihana ambany.
Miorina 200 kilaometatra avaratra andrefan'i Tokyo i Hakuba ao amin'ny Prefektioran'i Nagano, ary toerana nanatontosana ihany oa ny Lalao Olaimpikan'ny Ririnina 1998.
Hita taorian'ny hovitrovitra fa miorina eo ambonin'ny tany mihetsiketsika ny [faritra] Hakuba. Niteraka fahasimbana maro dia maro tamin'ny lalana sy ny fotodrafitrasa maro hafa tao an-tanànakely, mbamin'ny fasana ihany koa ny fikisahan'ny tany.
被害、オリンピック道路です。悲しいな。 #地震 #白馬 pic.twitter.com/avP1VjNf5G — 金ちゃん (@kinchan795) November 22, 2014
Potika ny lalambe Olaimpika, mampalahelo tokoa. #地震 (horohorontany) #白馬 (Hakuba)
Niteraka fahatapahan-jiro izay nisy fiantraikany tamin'ireo fiaran-dalamby haingam-pandeha mpivezivezy any amin'ny faritra maro tao afovoan'i Japana ihany koa ny horohorontany. Maro tamin'ny mpisera Twitter no nandeha hafatra fa tafahitsoka anaty fiaran-dalamby tafajanona tampoka.
地震速報の影響？車掌アナウンスによると東海道新幹線の新横浜〜岐阜羽島で停電らしい pic.twitter.com/k3GuDDe0DV — Neriken (@nerikenn) November 22, 2014
Manontany tena aho raha tompon'antoka tamin'izy ity ny fihovitrovitry ny tany? nanambara ny mpanamory fa nisy ny fahatapahan-jiro nanelanelana an'i Yokohama sy i Gifu tao afovoan'i Japan niteraka ny fijanonan'ny fiarandalamby Shinkansen .
Namoaka ny sarin'ny vokatry ny fihovitrovitry ny tany ny mpisera Twitter nonina nanakaiky izany tao Nagano:
やばい！地震 アップルランドが大変なことになってる pic.twitter.com/NgwoTFNwjF
— AbeNori@P.F (@pleasant_vo) November 22, 2014
Tsia kosa e! Nanakorontana tao amin'ny talantalan'ny zava-pisotro ny fihovitrovitry ny tany!
長野市のドンキホーテにて地震に遭遇。 自分も妻も無事です。 pic.twitter.com/06gQW5stvZ
— まーちょ! (@marcho01) November 22, 2014
Taorian'ny fihovitry ny tany tao amin'ny tranombarotra mpanao varoboba Don Quixote tao an-tanànan'i Nagano.
Mbola nitotaly 53 ny setriny taorian'ny fihovitry ny tany voarakitra talohan'ny mitataovovonan'ny alahady, hoy ny sampan-draharahan'ny mpamantatra ny toetrandro misahana ny fihovitrovitry ny tany sy ny tsunami.
