Stacey Addison voatazona ao Timor Atsinanana. Saripika: Facebook. Famokarana indray nahazoana alalana.
Avy any Portland, Etazonia, izay toera-niasany amin'ny maha-veterinera azy nandritra ny folo taona i Stacey Addison. Tokony ho 20 volana lasa izany, dia nanapa-kevitra ny hivarotra ny fananany rehetra i Stacey 41 taona ary nandao ny toerana hanaovany ny fitetezana izao tontolo izao.
Ilay noheverina ho nofinofy nanomboka tamin'ny Janoary 2013 ankehitriny no nivadika ho nofy ratsy. Niampita ny sisintany manasaraka an'i Indonezia tamin'i Timor Atsinanana tao anaty taxi niarahana tamin'olon-kafa i Stacey Addison tamin'ny Septambra 2014. Tamin'ny fahatongavany tao Dili, dia niangavy ny hijanona eo amin'ny biraon'ny paositra DHL iray haka fonosan'entana ao ny iray amin'ireo mpandeha. Nisy rongony tao anaty fonosan'entana. Tamin'io fotoana io, nanomboka ny nofiratsin'ny mpizahatany tafiditra amin'ny toerana sy amin'ny fotoana diso. Nangataka fanohanana tao amin'ny pejy Facebook, izay natsangan'ny reniny, Bernadette Kero, sy ny namany izy.
Taorian'ny fitazonana vonjimaika voalohany [Tetum], rehefa nokarohina sy nandany ny alina efatra tao amin'ny fonjan'i Dili iray, dia navoaka i Stacey saingy voarara tsy hahazo hivoaka ny firenena. Noraofina ny pasipaorony ary nalefa tany amin'ny Fampanoavana hampanaovana famotorana ny raharaha.
Wrong place wrong time for poor Stacey Addison who jumped in a #taxi & landed in jail #HelpStacey http://t.co/w4hf5B6ka4
— CabFare (@CabFare) November 12, 2014
Diso toerana diso fotoana i Stacey Addison izay niditra tanaty taxi ary niafara tany am-ponja. Ampio i Stacey
Tapaka ny famotorana tamin'ny 27 Oktobra. Noroahina fa tratra tamin'ny tranga izay nanozongozona ny rafi-pitsarana ao Timor Atsinanana [pt] ny mpitsara nisahana ny raharaha.
Tamin'ny 29 oktobra, notazonina indray ilay veterinera fa nafindra tany amin'ny fonjan'ny vehivavy any Gleno, ora vitsy miala an'i Dili. Nahita didy fampisamborana tamin'ny anarany miandry azy ilay Amerikana mpizaha tany. Nilaza izy fa tsy mbola nisy fiampangana sy famotopotorana nataon'ny fampanoavana azy mihitsy.
Fonjan'ny vehivavy ao Gleno, Timor Atsinanana. Saripika: Facebook
Nanambara tamin'ny gazety Amerikana Tavaratra ny mpisolovava azy, Paulo Remédios, fa manitsakitsaka ny lalànan'ny zon'olombelona iraisampirenena ny fitazonana an'i Addison.
Ny Ambasady Amerikana Tavaratra ao Dili, izay tsy manana ambasadera amin'izao fotoana izao, dia nilaza fa tsy afaka mitsabaka ao amin'ny rafi-pitsaran'ny firenena. Na izany aza dia mahazo tsindry hiditra an-tsehatra ao anatin'ny raharaha ny governemanta Amerikana ary nanendry Ambasadera vaovao hoan'i Timor Atsinanana ihany koa. Nanamafy tamin'ny Global Voices ny Masoivoho fa “i Etazonia dia isoloan'ny attaché-n'ny Raharaham-bahiny , Katherine Dueholm, tena ao Timor Atsinanana raha mbola eo am-piandrasana fanendrena ambasadera amin'izao fotoana izao”.
Efa manomboka mandray endrika ao amin'ny Twitter ny firaisankina amin'i Stacey natomboky ny namany sy ny fianakaviany amin'izao fotoana izao :
#HelpStacey https://t.co/GBF4M8EQ4C My friend's friend, Stacey is trapped in East Timor after getting in a cab with a stranger…Help her.
— Kristin (@krocks) September 28, 2014
Tratran'ny vela-pandrika tao Timor Atsinanana tamin'ny fiarahana nandeha tamin'olon-tsy fantatra ny naman'ny namako Stacey… Ampio izy.
@StateDept – what are you doing to help free Dr. Stacey Addison in East Timor? #helpstacey As a traveler, I would want to know you will help — Reyna Shine Empower (@dthequeen50) November 8, 2014
Inona no ataonareo ao amin'ny Departemantam-panjakana mba hanafahana ny dokotera Stacey Addison any Timor Atsinanana? Amin'ny maha-mpanao fiteteza-tany dia te-handre aho fa hamonjy ianareo
Veterinarian Stacy Addison has been wrongfully imprisoned in Timor Leste. http://t.co/Rea3NULSkQ @EleanorNorton & Karen Stanton #helpstacey — Chris Miller DVM (@dcvet) November 10, 2014
Voafonja tsinahy tai Timor Leste ny veterinera Stacy Addison. Ampio Stacey
Dr Stacey Addison spends birthday in Indonesian jail after drug sting nightmare http://t.co/rqadHkjF16 via @MailOnline. #helpstacey
— Jamie Arzuagas (@JArzuagas) November 8, 2014
Nandany ny aniverserany tany amin'ny fonja indôneziana ny dokotera Stacey Addison rehefa maimbon'ny nofiratsy raharahan-drongony
http://t.co/b6fJJVzhpZ #helpstacey Let's see if the govt will do its job now and help her. Title 22, paragraph 1732 U.S. Code
— Faye Higbee (@HigbeeDFaye) November 5, 2014
Andao hiara-mijery isika raha manao ny asany ny governemanta ary hanampy azy. Fizarana 22, andininy 1732 amin'ny Lalànan'i Etazonia
