Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Bilaogy 6 Amin'ny Teny Anglisy Manampy Anao Hahafantatra Tsara Kokoa An'i Japana

Photo by Flickr user Taro Yamamoto. CC BY-NC-SA 2.0

Sary avy amin'ilay mpisera Flickr, Taro Yamamoto. CC BY-NC-SA 2.0

Raha oharina tamin'ny folo taona lasa izay, talohan'ny Facebook, Twitter ary ny media sosialy hafa, tsy mbola betsaka ny bilaogy Japana azo nampiasaina.

Mbola misy ireo vato sarobidy tafajanona. Raha liana hahafantatra bebe kokoa momba an'i Japana ianao, sehatra tsara indrindra hanombohana izany ireto bilaogy ireto izay mpila ravinahitra manam-pahaizana no nanoratra ny maro amin'izy ireo.

SNA – Shingestu News Agency

Tsy bilaogy fotsiny ihany, sampam-pahalalam-baovao tsy miankina ny Shingetsu izay ahitana vaovao farany sy fanadihadiana ny zava-mitranga ankehitriny ao Japàna. Tantanin'ilay mpanoratra gazety Michael Penn, mpandray anjara matetika  amin'ny Al-Jazeera, fomba tsara anarahana izay vaovao farany ao Japàna ny sioka ao amin'ny SNA Twitter

Shisaku

Raha te-hahafantatra tsara ny politika Japoney ianao, sehatra tsara hanombohana izany ny Shisaku.

Nosoratan'ilay mpikaroka ambony sy mpaneho hevitra Michael Cucek, mponina ao amin'ny Distrikan'ny Renivohitra Tokyo nanomboka tamin'ny taona 1994, miezaka mamantatra ireo olona ambony sy antoko mampatanjaka ny politika Japoney ny bilaogy Shisaku, ary matetika manome vaovao manesoeso momba ireo zava-mitranga ankehitriny.

Sehatra tsara hanombohana ity lahatsoratra bilaogy ity izay mamaritra ireo hadalàna ambadiky ny mpanohana ny mpihaza trozona ao Japana.

Tokyo Reporter

Mamelona indray izay navelan'ilay goavana efa voarara ankehitriiny, Tokyo Confidential, manome topi-maso ara-potoana ireo tantara mahatalanjona momba ireo tantara manaitra sy manafintohina maharikoriko isan-kerinandro ao Japana ny Tokyo Reporter.

Feno resaka marobe momba ny firaisana ara-nofo, sy momba ny herisetra vitsivitsy, ahitana tantara mahaliana izay tsy hita amin'ny fampahalalam-baovao vahiny mitatitra momba an'i Japàna, tahaka ny lehilahy manao palitao Godzilla ity bilaogy ity.

Japan Subculture Research

Tantanin'i Jake Adelstein, mpanoratra gazety mpanao fanadihadiana izay mitatitra momba ny heloka ao Tokyo ao amin'ireo gazety mpivoaka isan'andro amin'ny teny Japoney, ny Japan Subculture Research no toerana tianao haleha hahazoana ireo tsaho farany sy vaovao ao anatin'ny mafia, ny politika maloto, voakolikoly ary ny “endrika maintin'ny Masoandro Miposaka”

Tsara vakiana ny bokin'i Adelstein Tokyo Vice, ahitana tsaho izay hivadika sarimiaina atsy ho atsy.

Tofugu

Mpanakanto miha-malaza eo amin'ny tontolon'ny bilaogy amin'ny teny anglisy ao Japana, manome sary mahafinaritra sy fanehoan-kevitra mahaliana momba ny kolontsaina pop Japoney ny Tofugu.

Iray amin'ireo tantaran'ny Tofugu mahaliana indrindra vao haingana ny resadresaka mitohy miaraka amin'i Medama-sensei ao amin'ny YouTube sy ny media sosialy.

Mianatra ao amin'ny monastera Zen iray ankehitriny, sady mahazo fankasitrahana no mahazo fiampangana i Medama-sensei noho ny seho notontosainy tamin'ny Youtube miresaka fanavakavahana nandritra ny fitoerany amin'ny maha-mpampianatra anglisy azy tao amin'ny lisea iray ao Okinawa.

Manana zavatra hanampiana ity lisitra ity? Ampahafantaro anay ao anatin'ny fanehoan-kevitra izany!

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.