Avy amin'ny kaonty Facebook-n'i Karen Kunawicz.
Tany ampiandohan'ity herinandro ity, nahatonga ny fahatezeran'ireo Filipiana maro mpampiasa aterineto ilay poeta, Karen Kunawicz, rehefa nanaparitaka sary tao amin'ny Facebook, avy amin'ny sampana lehilahy ao amin'ny Departamantan'ny Toeram-pivarotana Lehibe SM.
Nanontany i Kunawicz: ‘ny Departemanta SM marina ve izany? Tao amin'ny sampana lehilahy?’ Manao izao fanambarana izao, izay misoratra eo aminy ilay akanjo: “Tsy fanolanana izany, safosafo miharo herisetra io”
Ny ampitson'io, tsy maintsy nanao fialantsiny faobe ary nanome toky fa hanala ilay akanjo ao amin'ny tahirin'entany ilay tranombarotra lehibe SM, magazay lehibe indrindra ao Filipina, fananan'ilay lehilahy manan-karena indrindra ao an-toerana.
Nahatonga ireo mpikatroka ho an'ny zon'ireo vehivavy hitokona tao amin'ny zana-tsampana iray an'ny tranombarotra SM ilay akanjo voakiana. Nandritra izany, tsy maintsy nametraka vahaolana tao amin'ny kaongresy momba ilay resaka ny Antokom-behivavy “Gabriela”.
Nahazo mpankafy maherin'ny 1.800 ilay tenin'i Kunawicz ao amin'ny Facebook ary efa mihoatra ny in-4.700 no niozaraina . Maro ny hafatra ao amin'ny Twitter maneho hatezerana noho ilay akanjo “miandany amin'ny fanolanana”:
Snuggle with a struggle? Really? SM wants boys to walk around wearing a shirt defining “rape” in the most distorted way? Ew.
— Pat (@PatriciaCruz_) September 22, 2014
Safosafo miharo herisetra? Marina hoe? Tian'ny SM handehandeha miaraka amin'ilay akanjo bà izay mamaritra ny “fanolanana” amin'ny fomba faran'izay diso ve ireo tovolahy? Ew.
Having serious WTF moments today what with Bench and SM promoting #rapeculture. No means no. Rape is always rape. #stupid #stupid #dangerous
— Betty Romero (@BettyRome) September 23, 2014
Nandia fotoana WTF (vakio toy ny hoe teny ratsin-jatovo io) tena henjana androany, niaraka tamin'ny Bench sy ny SM nanao doka fampiroboroboana ny #kolontsainafanolanana. Tsia, tsia velively. Mijanona ho fanolanana foana ny fanolanana. #adala #adala #mampidi-doza
“It's not rape. It's struggle with a snuggle.” You actually sold a shirt with that line, @TheSMStore. Gross and unforgivable.
— Nina (@nunuuu) September 23, 2014
“Tsy fanolanana izany. Safosafo miharo herisetra.” Mivarotra akanjo bà amin'io andiany io ianareo raha ny marina, @MagazaySM. Tsy mahalala fomba ary tsy mendrika famelàna.
“Snuggle with a struggle”? Seriously? Of all the things to put in a shirt, it just had to be a joke on rape. Just plain sick.
— Kammy (@_kamuntalan) September 23, 2014
“Safosafo miharo herisetra”? Mba marina hoe? Amin'ireo zavatra rehetra soratana eo amin'ny akanjo bà iray, tsy maintsy hanihany natao hanihany momba ny fanolanana io. Adalana tsotra izao.
Seho Filatroana “Naked Truth” an'ny Bench
Nandritra izany, marika akanjo lehibe iray no tsy maintsy naneho fialantsiny ho an'ny daholobe taorian'ny filatroana iray izay nahatonga resa-be tany amin'ny vahoaka ihany koa.
Nanameloka ny mpaninjara ny marika Bench ireo mpampiasa aterineto noho ny fanitsakitsahany ny hajan'ireo vehivavy nandritra ilay seho “Lamaody Pataloha ‘Naked Truth’ sy Atin'akanjo”. Nanoratra tao amin'ny Facebook i Liza Maza, solonenan'ny Antokom-behivavy “Gabriella”:
Tao amin'ilay seho ‘Naked Truth’ an'ny Bench – tokony raisina ho tompon'andraikitra amin'izao seho tsy misy fanajana sy manao ny vehivavy ho toy biby izao ny Bench ary tokony haneho fialantsiny.
#the naked truth. woman on a leash carried by coco martin. in 2014? #bench mistakes stupidity for wit. pic.twitter.com/jJYpHdlJ65
— Danton Remoto (@DantonRemoto) September 23, 2014
#ilay naked truth. vehivavy nifatotra noentin'i coco martin. tamin'ny 2014? hadisoana kidaladalàn'ny fanahin'i #bench. pic.twitter.com/jJYpHdlJ65
Iray amin'ireo ampahany nalaza indrindra tamin'ilay seho, vehivavy maodely iray mandady eo amin'ny sehatra, raha tazonin'ilay mpilalao sarimihetsika malaza iray amin'ny tady toy ireny biby fiompiny ireny izy. Nanoratra ny The Plump Pinay nosoratan'i Danah sy Stacy fa “nihoatra ny fefy” ary “nahatonga ny ràn'izy ireo hangotrakotraka” ny filatroana nataon'ny Bench, tamin'ny filazàny fa manandratra ny fanandevozana ara-nofo sy ny fivarotana olona ireo zavatra hita ireo:
Tsy fantatry ny mpiasa ao amin'ilay orinasa ve fa fanasaziana nataon'ireo Nazia mba hanalana tanteraka ny haja sy ny maha-olona ny vehivavy na lehilahy iray tny amin'ireo toby fanavangongoana ny fanaovana ny olona ho toy ny alika (ara-bakiteny)? Mba hahatsapan'izy ireny henatra tanteraka sy fahambaniana? Tsy nisy ve na iray aza nahatsiaro tena ho hafahafa ka nitaky ny hanesoran'ny mpikarakara izany tao amin'ilay hetsika? Na ny iray aza?
