Inona avy no Mety Hahazoana ny Aretina Ebola Eto Madagasikara ary efa Misy Ve Rafitra Ara-Pahasalamana Iatrehana Izany ?

Chauve souris à Madagascar - via wikipédia Public Domain

Ramanavy eto Madagasikara – valam-bahoaka wikipédia

Efa mihamitoetra ho vaindohan-draharaha eo amin'ny sehatra iraisampirenena hatrany ny valan'aretina Ebola. Mitombo haingana dia haingana ny isan'ny marary any amin'ny firenena telo efa misy azy any Afrika andrefana : Ginea, Liberia ary Sierra Leone. Nanamarika ny Firenena Mikambana fa efa namono olona mihoatra ny 2 400 amin'ny 4 784 efa tratrany (tamin'ny 15/09) ity fanaviana mibabarà ratsy indrindra teo amin'ny tantara ity. Nandany ny drafi-pandaminana laharana faha-2177 hiatrehana ilay krizy ara-pahasalamana ny vaomieran'ny fandriampahaleman'ny Firenena Mikambana. Ny 18 septambra, firenena 131 no nandany ny didy mankatoa ny “hagoavan'ny valan'aretina Ebola mihoampampana eto Afrika” sy ny fananganana iraka manokana antsoina hoe UNMEER (United Nations Mission for Ebola Emergency Response = Iraky ny Firenena Mikambana Hamonjy ny Voina Ateraky ny Ebola ). Nanambara ny handefasana miaramila etazoniana 3000 ny filohan'i Etazonia Barack Obama satria heveriny fa misavoana mihitsy ny fitombon'ilay krizy.

Manahy ny amin'ny mety hianahan'ny valan'aretina ho tonga any amin-dry zareo ny firenena afrikana hafa nefa tsy manana fitaovana ara-pahasalamana hiatrehana izany akory. Nisy fanadihadiana nanamafy fa misy firenena afrikana 15 ahiana ho mora tratrany satria mitovitovy toetra ara-pahasalamana amin'ireo firenena efa tratrany. Ao anatin'izany i Madagasikara izay vao nahita sambo iray avy any Libéria sy ahiana hitondra ny tsimok'aretina Ebola niantsona tao amin'ny seranantsambon'i Toamasina. Nisy fivoriana maika natao teto Antananarivo tamin'ny 5 aogositra ahafahana mandinika akaiky ny fepetra tokony horaisina.

Un pays comme le nôtre n’est pas à l’abri des risques, même si la zone d’expansion du virus est assez éloignée de nous

Tsy voaaron'ny loza tahaka itony ny firenena tahaka ny antsika, na dia lavidaviatra antsika ihany aza ny faritra iitaran'ny viriosy

hoy i Philémon Tafangy, seketera jeneralin'ny Minisiteran'ny fahasalamam-bahoaka eto Madagasikara. Vao nanamafy indrindra anefa ny Praiminisitra Kolo Roger fa efa vonona amin'ny fiatrehana amin'izany tranga izany ny rafitra ara-pahasalamana amin'ny fametrahana drafi-piatrehana ny tsy ampoizina eto an-toerana :

Ce plan contient les scénarios et les dispositions nécessaires pour faire face notamment aux épidémies de fièvres hémorragiques virales telles que la maladie à virus Ebola. 

Ahitana ny tranga rehetra mety hisy sy ny fepetra (sy fitaovana) ilaina hiatrehana indrindra fa ny valan'aretina mahatratra ny rà tahaka ny aretina ateraky ny viriosin'ny Ebola.

Chambre d' hôpital à Mandritsara, Madagascar - CC BY 2.0

Efitranon'ny hopitaly iray any Mandritsara, Madagasikara – CC BY 2.0

Raha jerena anefa dia tsy afaka ny hiatrika ny fianahan'ny aretina haingana dia haingana akory ny fotodrafitrasa ara-pahasalamana eto Madagasikara. Nisafidy ny tsy hiraharaha ny fanairan'ny manampahaizana ara-tsiantifika ny praiminisitra fa manankina ny fitokisany any amin'ny fanarahamaso ny seranana sy ny seranam-piaramanidina, ary nanamarika fa voaaro amin'ny alalan'ny tsy fisian'ny zotram-piaramanidina mifandray mivantana any amin'ireo faritra efa tratran'ny tsimok'aretina ny faritra ara-pahasalamana malagasy. Nanantitra ny manampahaizana fa efa-mifindra amin'ny fomba samy hafa ny tsimok'aretina. Nisy tokoa fandinihana nivoaka vao haingana nanazava ny mety ho fielezan'ny aretina avy any amin'ny tontolon'ny biby mankany amin'ny olombelona: mety hitondra ny aretina tsy ahitana izay fisehon'aretina izay akory ny fanihy (sy ny ramanavy) mpihinana voankazo, afa-mifindra monina sy mamindra aretina amin'ny biby hafa, amin'ny gidro na amin'ny biby mpikiky hafa ohatra. Misy anefa ny mihinana gidro any ambanivohitra any. Raha tsy voatery hahazoana ny aretina Ebola ny fihinana azy, dia mety hahazoana ny aretina kosa ny eo am-pikarakarana ilay hena manta.

Miahiahy amin'ny fahafahan'ny firenena miatrika hanoherana ny mety ho fahatongavan'ny Ebola eto Madagasikara i Léa Ratsiazo avy eto Antananarivo raha mijery ny zava-nitranga vao haingana tao amin'ny hopitaly iray eto an-drenivohitra :

On ne demande qu’à le croire car quasiment au même moment où il fait cette déclaration à la presse, une équipe de chirurgiens étrangers oeuvrant dans l’humanitaire le contredit involontairement. Il s’agit d’une équipe composée de 11 chirurgiens qui réalisent des œuvres humanitaires à travers plusieurs pays du monde dont Madagascar. Ils réalisent gratuitement des interventions chirurgicales en faveur des patients qui en ont besoin dans les pays qu’ils visitent en partenariat avec les hôpitaux locaux. L’hôpital HJRA d’Antananarivo, qui est le plus grand centre hospitalier de Madagascar est choisi pour ce partenariat sauf que les responsables de HJRA ont oublié de communiqué au public l’évènement. Résultat : aucun patient n’est venu. Ils ont quand même pu avoir 2 patients de HJRA au lieu des 25 prévus quotidiennement. Agacés, ces chirurgiens ont précisé qu’ils ne sont pas venus pour passer ici des vacances mais pour aider les autres, le moindre des choses serait de communiquer et de sensibiliser le public, d’ailleurs ils ne comprennent pas du tout que les patients à opérer prennent en charge tous les médicaments et autres outils nécessaires pour l’intervention. Ils notent aussi d’ailleurs que le HJRA manque cruellement de matériels de base pour des interventions chirurgicales.

Aleo dia hinoana izay lazainy fa tamin'io toerana nanaovany ny fanambarana an-gazety io indrindra, nisy ekipam-bahiny mpandidy miasa ao amin'ny asa fanasoavam-bahoaka nanohitra izay nolazainy tsy nahy. Ekipa iray ahitana mpandidy 11 manao asam-panasoavana mitety firenena maro ka ao anatin'izany i Madagasikara. Manao fandidiana maimaim-poana amin'ireo marary izay mila izany any amin'ny firenena tsidihiny amin'ny alalan'ny fiaraha-miasa amin'ny hopitaly ao an-toerana ry zareo ireo. Nofidiana hanaovana izany fiaraha-miasa izany ny hopitaly HJRA eto Antananarivo, izay ivon-toeram-pitsaboana lehibe indrindra eto Madagasikara saingy noadinoin'ny tompon'andraikitra ao amin'ny HJRA izany fiaraha-miasa izany. Vokany : tsy nisy ny marary tonga. Nisy ihany marary roa ao amin'ny HJRA nodidiana fa tsy 25 isan'andro araka ny efa niomanana. Tezitra ry zareo ka nolazainy mazava tsara fa tsy hanao vakansy no hahatongavany fa hanampy ny hafa, ny zavatra kely indrindra tokony natao dia ny nanao ny filazana sy nanentana ny olona, ankoatra izany dia tsy azon-dry zareo ny antony iantohan'ny marary ny fanafody sy ny fitaovana rehetra handidiana. Voamariky ry zareo ihany koa fa tsy manana ny fitaovana fototra hanaovana fandidiana ara-pahasalamana tsotra indrindra ny HJRA

 Efa misy izany ny drafi-piatrehana ny tsy ampoizina eto Madagasikara fa ho hita eo raha voapetraka any amin'ny toerana misy azy ny fitaovana ahafahana mampiasa azy.  

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.