Ankizy Koreana mianatra ao amin'ny “hagwon (fanampim-pianarana).” Sary avy amin'ilay mpisera Flickr knittymarie. CC BY-SA 2.0.

Fantatra amin'ny rafi-pampianarana tia mifaninana tokoa sy henjana i Korea Atsimo, izay manery ny ankizy hianatra manomboka vao maraimbe ary mirava tara amin'ny alina. Manomboka amin'ny 8 ora hatramin'ny 4 ora hariva ny tontolo andro fianarana ofisialy, saingy mandao ny sekoly hamonjy ny “hagwons“, na manao “cours“, izay hanohizan'izy ireo ny fianarany hatramin'ny alimbe (ary indraindray aza hatramin'ny maraina mihitsy).

Tamin'ny tapaky ny volana Aogositra, nanapa-kevitra hanemotra adiny iray ny ora fidiran'ny mpianatra ny Faritanin'i Gyeonggi ao Korea Atsimo, mba hahafahan'ireo ankizy hahazo torimaso bebe kokoa. Niteraka adihevitra tao amin'ny firenena ity “rafitra vaovao fidirana tara amin'ny 9 ora” ity, ary faritany maro hafa ankehitriny no mikasa hampihatra politika tahaka izany ihany koa.

Nizarazara ny fanehoan-kevitra antserasera. Nilaza ny Koreana sasany fa manavao fotsiny ny ora fianarana mahazatra ny “rafitra”. Ny hafa kosa naneho ny ahiahiny fa hahita fomba hanitsakitsahana ity rafitra vaovao ity ireo ray aman-dreny diso mazoto loatra, amin'ny fitadiavana cours vaovao manomboka maraimbe .

9시 등교 논란은 고속도로에서 100km/h 지키자는 사람한테 과속하던 운전자들이 미쳤냐고 따지는 꼴

— 알이z웰! 스카이콩콩 (@FugioErgoSum) August 26, 2014

Ireo olona mitsikera ny rafitra fidirana tara amin'ny 9 ora – dia tahaka ny mijery saofera mandeha mihoatra ny 100 km isan'ora amin'ny arabe ary mitsikera ireo salama saina mandeha ambanin'ny fetra 100 km isan'ora, ka miantso azy ireo ho adala.

Nisy nampita mihoatra ny in-1300 (retweet) ireto lahatsoratra roa eto ambany ireto.

개소름인게 9시 등교한다니까 그럼 애들 학습 능률 떨어진다고 7시 전에 깨워서 한시간 두시간동안 구몬 학습지 같은거 풀게할거라고 아줌마들이 웃으며 밖에서 이야기하고 있음 미친 것 같다…

— 십만온 가고싶다 공삼 (@roree03_u) August 16, 2014

Ny mampihoro-koditra dia ireo renim-pianakaviana mpilalao baolina kitra mitakoritsika momba ny rafitra fidirana tara amin'ny 9 ora maraina. Nahare azy ireo niresaka, sy nivanitika aho fa mety hanohintohina ny fianarana mahomby ny fahataran'ny fidirana. Hamoha ankizy alohan'ny amin'ny 7 ora maraina izy ireo ankehitriny mba hianaran'izy amin'ny boky fanomanana na zavatra hafa. Tsy salama saina.

의외로 9시등교를 안달가워하는 애들이 많더라구요.. 늦게 시작해서 늦게 끝나면 안그래도 모자라는 개인시간이 더 부족해지니까. 주5일제 시행할때는 수업시수를 맞추느라 방학을 줄였고, 정말 필요한건 과한 수업시수를 줄이는 거라고 생각하는데ㅋㅋㅋ

— 브라운하엘 (@HAPPY_LOVEGAZER) August 20, 2014

Maro tokoa ireo ankizy tanora manohitra ny rafitra miditra amin'ny 9 ora maraina, satria toa tahaka ny manemotra ny ora fianarana mahazatra izany, manapaka ny fotoana malalaka efa voafetra ananan'ireo mpianatra. Raha nosoloina 6 andro ao anatin'ny herinandro ny fianarana 5 andro ao anatin'ny herinandro, mihena ny fotoan'ny fialan-tsasatra, satria mbola ambony dia ambony ny fitambaran'ny andro tsy maintsy hianarana. Ny fitambaran'ny andro tsy maintsy hianarana no tokony nahena.

Mazava loatra, tsy mikasika ny mahasoa ny mpianatra ihany ny adihevitra momba ny fanombohan'ora tara. Maro ny ahiahy misy ifandraisany bebe kokoa amin'ny ora fiasan'ny ray aman-dreny noho ny fianaran'ny ankizy. Raha ny marina, araka ny fitsapan-kevitra natao, mpianatra maherin'ny 73 isan-jato no mankasitraka ilay fanovana vaovao, raha 56 isan-jato ihany ny ray aman-dreny mankasitraka izany.

9시 등교를 하게 되면 맞벌이 부부가 곤란하다는 건 알겠는데 뉴스 인터뷰에서 ‘맞벌이라 반대'라고 말하는 엄마를 보자 난감한 느낌. 일찍 등교해야 하는 아이를 위해 보완책을 세워 달라든가 요구를 해야지 자신의 사정 때문에 ‘반대'라니 이상하지 않나

— 살 빼야 날으는 원더우먼 (@artemizhb) August 18, 2014

Mazava amiko tanteraka fa sarotra hoan'ireo ray aman-dreny samy mampidi-bola ny hizatra amin'ny rafitra fidirana amin'ny 9 ora. Saingy somary sanganehana kely ihany aho, nijery renim-pianakaviana iray tamin'ny vaovao maraina izay nilaza tamin'ny mpanoratra gazety fa manohitra ny rafitra vaovao izy “noho izy miasa”.” Tokony hangataka izy mba hahita zavatra ho ataon'ny ankizy alohan'ny fidiran'ny sekoly, mampihomehy ny manohitra satria manelingelina ilay izy.