[1]Sary farany nalefan'i Khomenko tao amin'ny kaonty Vkontakte-ny. 3 Septambra 2014. Vkontakte.
Hita faty tao anatin'ny fiarany ny marainan'ny 7 Septambra i Ekaterina Khomenko, 29 taona, mpampianatra queer tango, nahitàna tataka be mirefy 10 santimetatra teo amin'ny tendany. Mbola nandeha ny maoteran'ny fiara raha nitsipalotra tamin'ny fiarany ny mpanadio lalana iray. Manadihady ny fahafatesany ho toy ny vono olona ankehitriny [2] ny polisy izay nilaza teny am-boalohany fa mety ho namono tena i Khomenko. Tsy nilaza mikasika ny fifandraisana misy amin'i Khomenko sy ny fikambanana LGBT kosa ny vaovao voalohany [3] navoakan'ny gazety tao an-toerana.
[4]Ekaterina Khomenko. Lesbiru.com.
Iray tamin'ireo namoaka voalohany mikasika ny nahafatesany ny rain'i Khomenko, Valéry. Maneho hevitra amin'ilay sary farany nalefan'i Ekaterina ao amin'ny kaonty Vkontakte-ny (eo ambony), nilaza izy fa nisy mpitsongodia niantso azy an-telefonina tamin'ny 9 ora maraina tamin'ny 7 Septambra hilaza taminy fa hita faty ny zanany vavy. Araka ny fanehoan-keviny [1]antserasera, ny polisy no liana indrindra tokony hahafantatra raha manana raharaha rongony, olana ara-bola na fironana mankany amin'ny famonoan-tena i Katya.
Roa andro taty aoriana, nandefa ady mamaivay tamin'ny fanehoan-kevitra [5]nataony [eo ambanin'ny sary] ny mpisera Vkontakte iray antsoina hoe Timur Isaev [5], nilaza izy fa “matetika maty aloha noho ny olona salama [sic] ny olona pelaka.” Namela fanehoan-kevitra 48 hafa tao anatin'ny 48 ora i Isaev, mamerina ny hafatra fankahalana pelaka nataony hoan'ny naman'i Khomenko mbola ao anatin'ny fisaonana.
Nilaza [4] ny Lesbiru.com, vavahady antserasera hoan'ny lesbiana miteny Rosiana fa mpikambana ao amin'ny fikambanana [6] “Gay Hunters (Mpihaza pelaka) [7],” anti-gay Vkontakte i Isaev, izay izarany fitaovana fankahalana pelaka amin'ireo mpikambana 122 hafa ao amin'ny vondrona. Mavitrika ao amin'ny Twitter ihany koa i Isaev, izay izarany [8]votoaty anti-gay betsaka sy mankasitraka ny fanakambanana an'i Krimea amin'i Rosia.
Araka ny filazan'ny tranokalam-baovao guerilla Contraband, matoky [9]ny fikambanan'ny LGBT ao Saint-Petersburg fa nisy ifandraisany tamin'ny fahafatesany ny asan'i Khomenko amin'ny maha-mpampianatra “tango”-n'ny pelaka azy. Nanangana vondrona manokana tao amin'ny Vkontakte ny mpiara-miasa sy ny naman'i Khomenko, Angelina Tishina [10], mba hanao fanangonam-bola [11] hoan'i Valery Khomenko, angamba tokoa mba hanampiana ny lany amin'ny fandevenanan an'i Katya, izay notontosaina omaly teo amin'ny manodidina an'i Moskoa.
Miatrika fanamby araka ny lalàna sy ara-piarahamonina ny fikambanana LGBT ao Rosia. Na dia nofafana tamin'ny fomba ofisialy tao anatin'ny lisitry ny areti-tsaina Rosiana tamin'ny taona 1999 aza ny fahapelahana, sanganehana ireo mpikatroka ny zon'Olombelona nahita fa nandany fandraràna maromaro amin'ilay lazaina fa “propagandin'ny pelaka” ireo mpanao lalàna federaly taona vitsy lasa izay. Talohan'ny firotsahan'ny miaramilan'i Moskoa an-tsehatra tao Okraina Atsinanana, dia angamba olana ara-dokambarotr'i Kremlin eo amin'ny sehatra iraisam-pirenena ny famoretana ny zon'ny pelaka ao Rosia.