Sarin'i Nalan Al-Sarraj tao amin'ny Twitter
Nananararaotra ny fampitsaharana fifandonana teo amin'i Israely sy ny Hamas, andian'olona nisy Palestiniana 70 teo ho eo no nandositra niala ny tranony ary niezaka ny ho any Ejpta niampita ny sisintany tao Rafah ary tsy nahita afa-tsy ny hoe nikatona sy tsy nisy olona tao. Efa fotoana vitsivitsy ilay andian'olona no voafandrika teo anelanelan'i Ejipta sy Gaza mandra-pamohan'i Ejipta ny sisintany.
“Nanomboka nivavaka izahay no sady nitomany niomana ny ho faty amin'ny fotoana rehetra”
Tao anatin'ireo izay niezaka ny handositra i Nalan Al Sarraj, 23 taona, bilaogera namako, izay nibitsika hatrany mikasika ny zavatra niainany tao Gaza hatramin'ny nanombohan'i Israely fanafihana iray hafa, telo herinandro lasa izao. Zanaka vavin'ny teratany Libiana iray, ny reniny ary izy no samy nanantena ny ho any Ejipta niaraka taminà teratany vahiny hafa.
Tamin'ny resany tamin'i Dan Cohen avy amin'ny Mondoweiss sy Lia Tarachansky avy amin'ny The Real News Network, nofariparitany toy izao ny toe-draharaha :
Mampivarahontsana ny toe-draharaha misy eto. Olona maherin'ny 70 izahay, zaza amam-behivavy no betsaka, ary manana pasipaoro vahiny ny ankamaroany, Ejiptiana ny antsasany. Tsinjoko ny setroka sy afo, ary hitanay ireo fipoahana tena akaiky ny toerana misy anay. Nambaran'i Israely ho faritra mihidy i Rafah ka noho izany na ny hivoaka io toerana io aza tsy azonay atao akory.
Nanomboka nanao daroka baomba mavesatra tao Rafah ny tafika Israeliana, nataony lasibatra hatramin'ny hopitaly, 90 minitra taorian'ny nanombohan'ilay fampitsaharana poa-basy 72 ora noho ny maha-olona tao Gaza. Palestiniana fitopolo no maty ary an-jatony hafa no naratra tao Rafah, nampitombo ny isan'ny maty tao Gaza hanakaiky ny 1511, ankizy ny 330 tamin'ireo.
Ireto manaraka ireto ny bitsika nalefany vantany vao tonga tao amin'ny sisintany Ejiptiana izy sy ny reniny ary ny rahavaviny sy namana iray:
I lived the worst terrifying experience in my life today #gaza
— Nalan Al Sarraj (@NalanSarraj) August 1, 2014
Ny zava-doza nampivarahontsana indrindra teo amin'ny fiainako no niainako androany
I was leaving to #Egypt with my mother (foreigner) and @KayanAlSarraj and @deemameshal and we got trapped in between ! #gaza
— Nalan Al Sarraj (@NalanSarraj) August 1, 2014
Niainga aho handositra ho any Ejpta niaraka tamin'ny reniko (teratany vahiny) sy @KayanAlSarraj ary @deemamesha ary voafandrika teo anelanelany ! #gaza
The air striking and the shelling were so close, we started praying and crying expecting to die any moment
— Nalan Al Sarraj (@NalanSarraj) August 1, 2014
Tena faran'izay akaiky ny fielezan'ny rivotra voapoizina sy ny zera baomba, nanomboka nivavaka no sady nitomany izahay niomana ny ho faty amin'ny fotoana rehetra
We were out of connection, open area between the two gates palestinian and Egyptian #gaza
— Nalan Al Sarraj (@NalanSarraj) August 1, 2014
Tsy nahazo tambajotran-tserasera intsony izahay, faritra midadasika anelanelan'ireo vavahady roa Palestiniana sy Ejiptiana #gaza
Egyptian border closed because of the massive israeli attack on the area and rafah was dangerous to cross to go back to #gaza
— Nalan Al Sarraj (@NalanSarraj) August 1, 2014
Sisintany Ejiptiana nakatona noho ny fanafihana totoafo nataon'ny Israeliana tao amin'ny faritra ary mampidi-doza ny hamakivaky an'i rafah handeha hiverina indray any #gaza
We were trapped under fire and airstrikes.We were around 120 traveler . Mostly foreigners. Crying for help the whole day
— Nalan Al Sarraj (@NalanSarraj) August 1, 2014
Voafandrika teo ambanin'ny tifitra sy ny fanafihana an'habakabaka izahay. Teo amin'ny 120 teo no mpiara-dia. Vahiny ny ankamaroany. Nikiakiaka nitady vonjy nandritry ny tontolo andro
Today i ask the world, to revolute over the inhuman system. I ask you to find your humanity and stop #Israel . #gaza
— Nalan Al Sarraj (@NalanSarraj) August 1, 2014
Androany aho mangataka izao tontolo izao hanohitra io rafitra tsy manaja ny maha-olona io. Angatahako ianareo mba hijery ny maha-olona anareo ary hanakana an'i #Israel . #gaza
During all of that, we had to run on foot out of the palestinian borders because we got calls that it could be targeted any moment #gaza
— Nalan Al Sarraj (@NalanSarraj) August 1, 2014
Nandritra izany rehetra izany, tsy maintsy nanao tongotra an-katoka izahay nivoaka ny sisintany Palestiiana satria naharay antso izahay fa mety ho lasibatra amin'ny fotoana rehetra io
We were running crying holding any child could be saved. In numbers towards the Egyptian border. The found out they evacuated as well
— Nalan Al Sarraj (@NalanSarraj) August 1, 2014
Nihazakazaka nitomany no sady nitrotro izay ankizy azo avotana izahay. Marobe namonjy ny sisintany Ejiptiana. Hita namonjy namoaka anay ry zareo
The horror we lived ! We reached that point were we hold each other praying expecting the next airstrike on us
— Nalan Al Sarraj (@NalanSarraj) August 1, 2014
Ny zava-mahatsiravina niainanay ! Tonganay hatrany amin'ny teboka hoe niara-nivavaka niomana ho tratry ny fanafihana an-habakabaka manaraka
Rafah is going through what al sheja'a and khoza'a went through ! A genocide . More than 100 martyrs less than a day #gaza
— Nalan Al Sarraj (@NalanSarraj) August 1, 2014
Nandalo tamin'izay nodiavin'i al sheja'a sy khoza'a i Rafah ! Vonomoka. Tsy ampy andro iray akory, naherin'ny 100 ireo maritiora #gaza
Soa ihany, mba afaka mahita fitsaharana kely i Nalan izao, fiadanana izay tsy ny maro amin'ireo Gazaiana no afaka hahazo azy.
The Egyptians opened their border finally . We will be sleeping tonight at their gate hall. Safer than where we were
— Nalan Al Sarraj (@NalanSarraj) August 1, 2014
Novohan'ny Ejiptiana ihany ny sisintanin-dry zareo nony farany. Ao amin'ny efitrano malalaky ny vavahadin-tsisintaniny izahay no hatory anio alina. Ho voaaro kokoa noho ny tany amin'ny nisy anay.
Hatramin'ny 8 Jolay nanombohan'i Israely ilay fanafihana goavana namelezany ilay faritra mirefy 40 kilometatra ao Gaza, maherin'ny 6.780 no naratra. Nodarohan'i Israely baomba ny sekoly, toeram-pilalaovana, hopitaly, toby sy toeram-pialofana, nitondra nankany amin'ny taham-pahafatesan'olon-tsotra hatrany amin'ny 75%. Ny 28 Jolay, nodarohan'i Israely ilay hany toby mpamatsy herinaratra tao Gaza, nahatonga ireo olona 1,8 tapitrisa monina ao hiaina anaty haizina. Satria darohan'ny tafika Israeliana ireo toeram-ponenana manodidina, an'aliny ireo nanjary tsy nanan-trano hipetrahana ary voatery nialokaloka anaty toeram-pialofana tsizarizary.
Io no fanafihana fanintelony nataon'ny tafika Israeliana tao Gaza tao anatin'ny 6 taona. Ny faneriterena tafahoatra ataon'i Israely amin'ny faritra Palestiniana ao Gaza no antony mahatonga izao tontolo izao sy ny Firenena Mikambana hanondro io zara-tany io ho “faritra bodoin’” i Israely
