Natetika niampanga an'i Israely ny praiministr'i Tiorkia. Dikasary avy amin'ny lahatsarin'i Tamerscadence, mpampiasa Youtube
Efa ela teo amin'ny androm-piainany no nisy fiombonana lehibe tamin'ireo Palestiniana tamin'ny vahoaka Tiorka. Kanefa, ny fanafihana misy ankehitriny ataon'i Israely ao Gaza dia trangan-javatra iray vao mainka mandrehitra mibaribary ny fankahalàna ny Jiosy. Ireto fomba fisehonà fihetsehampo mankahala Jiosy ireto, nitranga tao Tiorkia tamin'ity herinandro ity dia misy ifandraisany daholo — na mivantana na ankolaka — amin'ny antoko ny Rariny sy ny Fandrosona (AKP) tarihan'ny praminisitra Tiorka sady mpiteny mpanakiana an'i Israely, Recep Erdoğan.
1. Ny 17 Jolay,Bülent Yıldırım, mpitarika ny IHH (Human Relief Foundation), fikambanana iray mpanao asa soa izay nikarakara ilay fitaterana taminà andian-tsambo Gaza Freedom Flotilla ho ezaka fandravàna ny fahirano nataon'i Israely an'i GAza tamin'ny 2010, dia niteny tao aminà fantsom-pahitalavitra iray mpomba ny governemanta hoe:
İHH Başkanı Bülent Yıldırım @tvnethaber‘de: “İsrail'ın şımarıklığını Türkiye'deki Yahudi cemaatleri bitirir. Yoksa çok kötü şeyler olacak”
— Yeni Şafak (@yenisafak) July 17, 2014:
Ny toetra diso hantan'i Israely no mety ho lakolosy hilaza ny farany ho an'ny vondrom-piarahamonin'ny Jiosy monina aty Tiorkia. Raha tsy izany dia zavatra ratsy maro no hitranga….
Efa alimbe tamin'io andro io, nisy andian'olona mpanao hetsi-panoherana nitora-bato ny tranobe iray fonenan'ny kaonsilin'i Israely ao Istanbul ary nanova endrika ny tsangambato iray natao hahasarika maso, izay tsy misy ifandraisany mihitsy amin'i Israely. Nampiasa entona misy dipoavatra ny polisy, izay tsy fahita firy amin'ny fomba mahazatra amin'ny ankapobeny fanaon'ny governemanta iatrehany an'ireo hetsi-panoherana silamo.
2. Şamil Tayyar, olo-maventin'ny AKP MP, nanampy ity bitsika manaraka ity ho ao anatin'ny taharo fankahalàna Jiosy :
Soyunuz kurusun Hitleriniz eksik olmasın
— Şamil Tayyar (@samiltayyar27) July 17, 2014
Antenaiko ny hahafongana ny taranakareo eo ambany fandidian'ny “Hitler” vaovao maromaro kokoa.
3. Ny 18 Jolay i Uğur Işılak, mpihira iray izay nampiasaina tamin'ny fampielezan-kevitry ny antoko AKP (Justice) eo amin'ny fitondran'i Recep Erdoğan dia nibitsika ity hafatra manaraka ity :
Hitler'in zulmünü bile gölgede bıraktın. Bundan böyle Hitler aleyhine laf söyleyecek son millet bile olamazsın.
— Uğur Işılak (@ugur_isilak) July 18, 2014
Maharesy lavitra ny an'ny Hitler ny halozànao [Israely]. Manomboka androany, ianareo no firenena farany tokony hiresaka manohitra an'i Hitler.
Allah, zalime zulmüyle sonunu hazırlatıyor. #TerroristsIsrael
— Uğur Işılak (@ugur_isilak) July 18, 2014
Amin'ny tànan'ny halozàna no ampahatsiahivàn'i Allah ny fiafaràn'ny olon-doza #TerroristIsrael.
Sana ülke diyenin, seni insan sayanın insanlığından şüphe etmeli.
— Uğur Işılak (@ugur_isilak) July 18, 2014
Tokony hampiasa saina ny mbola maha-olombelona ny olona rehetra izay miantso an'io ho firenena iray.
4. Farany, ny 19 Jolay, lalaon-teny mifanapaka tao amin'ny gazety iray mpanàla azy, mpitahiry ny ara-pinoana, mpomba an'i Erdoğan, Yeni Akit, no toa sahala amin'ny nanao ny antso isan'ny nalàza indrindra tamin'ny fankahalàna Jiosy ho fampitsaharana ny daroka baomba any Gaza.
Shocking.. Turkish newspaper Akit publishes crossword with pic of Hitler, and keywords under it “We are searching for you” pic.twitter.com/rCfwvxtZxV
— Ziya Meral (@Ziya_Meral) July 19, 2014
Manafintohina .. gazety tiorka mamoaka lalaon-teny mifanapaka, ka ny tenifototra dia ny hoe “Karohanay ianareo” pic.twitter.com/rCfwvxtZxV
Tany ampiafaran'izay andro izay, rehefa niseho vahoaka tao amin'ny Ranomasina Mainty tao Ordu i Erdoğan dia nanely ny fomba fijerin'i Şamil Tayyar momba ny fitoviana eo amin'i Hiter sy ny governemanta ao Israely — tamin'ny filazàna fa “voasongon”ity farany ny habibiana vitan'ny “voalohany” — saingy nilaza kosa ny tsy fankasitrahany ireo fanafihana natao ny Jiosy monina ao Tiorkia.
