Nisedra tadion-tsikera tao ho ao ny New York Times noho ny nitantarany ny fandarohana baomba ataon'i Israely sy nahafatesan'ankizy Gazaita nilalao baolina teo amin'ny tora-pasika.
Ilay gazety amerikana manko dia nanova ny lohateniny “Tanora lahy 4 nilalao teo amin'ny tora-pasik'i Gaza voatifitra” ho “Zatovolahy voasariky ny tora-pasik'i Gaza ka tafiditra tao anivon'ny gidragidran'Afovoany Atsinanana” izay heverin'ny sasany ho mandiso vaovao. Ny lohateny, araka ny tazana tao amin'ny NewsDiffs, dia niova tanelanelan'ny tamin'ny 8:35 alina sy tamin'ny 9:13 alina tamin'ny andron'ny 16 Jolay.
Ho setrin'izany, niangavy ny mpanjohy azy haka tahaka am-panesoana ilay fanovana lohateny ny habaka pan-African ‘Africa Is A Country‘ amin'ny fampiasana ny diezy #NYThistory [Ny tantara araka ny NYT] :
Pikantsarin'ny sata nozarain'i ‘Africa Is A Country’ : “Ny mainty voasariky ny lalambe ka tafiditra anivon'ny fisavana sy fibojabojana ny vatana”, “Ny mponina voasariky ny tanànan-dry zareo Hiroshima sy Nagasaki ka tafiditra anivon'ny fipoahana nokleary”, “Ny Afrikana voasariky ny moron-dranomasina ka tafiditra anivon'ny dia miampita an'i atlantika”
Indreto ny ohatra sasantsasany hita tamin'ny diezy fanentanana:
“Joan of Arc drawn to stake, and into center of large fire” #NYTHistory
— Africa is a Country (@AfricasaCountry) July 17, 2014
Jeanne d'Arc voasinton'ny tsatokazo ka tafiditra anivon'ny afo lehibe
“Rosa Parks drawn to public transport and into center of American racial tensions.” #NYTHistory @AfricasaCountry
— Niamh Ni Mhaoileoin (@nnimhaoileoin) July 17, 2014
Rosa Parks voasinton'ny fiara fitateram-bahoaka sy tafiditra anivon'ny fifanenjanana ara-poko Amerikana
East German govt builds a Wall in Berlin, raising questions about the applicable building code. #NYTHistory
— Christiane Wilke (@jaanewilke) July 17, 2014
Fitondrana Alemana Tatsinanana nanangana ny Rindrin'i Berlin ka nanontany amin'ny lalànam-panangana-trano ampiharina.
“Native people drawn to pale bearded guys off boats, into center of unprecedented attempts at annihilation” #NYTHistory CC @AfricasaCountry
— Anaïs Bédé (@anaisbd) July 17, 2014
Teratany voasinton'ny olona hatsatra be volombava ka tafiditra anivon'ny fikasana hamotika hatramin'ny fakany tsy mbola nisy toy izany
“Chickens Drawn to Farms, and Into Center of Nutritional Practice” #NYTHistory
— Trond Gausdal (@trondgausdal) July 17, 2014
Akoho voasariky ny Tranobe fiompiana, ka tafiditra ao amin'ny Foibe Fampiharana Ny Fanomezan-Tsakafo
“Cambodians drawn onto the fields of Kampuchea and into center of Pol's Pot.” #NYTHistory
— Imran Garda (@ImranGarda) July 17, 2014
Kambojiana voasariky ny sahan'i Kambodza ka tafiditra afovoan'i Pol Pot
Tamin'ny fotoana nanoratana ny lahatsoratra, niditra tamin'ny andro faha-13 ny “Bemidina Sisim-Piarovana” nataon'i Israely ary namoizan'aina Palestiniana mihoatra ny 280 ka tafiditra amin'izany ny zaza amam-behivavy, ary iray ny Israeliana.
