Ny nosin'i Antigoa. Sary an'i Daniel Wendell, nampiasaina teo ambany alàlana avy amin'ny CC.
Nahazo seza 14 noho telo ny Antokon'ny Mpiasa any Antigoa and Barboda [1](ABLP) tamin'ny fifidianana faobe nataon'ny firenena tamin'ny Alakamisy, ka nandreseny ny antoko eo amin'ny fitondràna, ny Antoko Miara-Mivoatra [2]izay nitetika ny haka fe-potoana fitantanana in-telo mifanesy. Nanao fianianana ho Piraiminisitr'i Antigoa sy Barboda i Gaston Browne [3], mpitarika ny ABLP, omaly. Ity no fotoana voalohany hananganan'ny antoko ny governemanta ka tsy tarihinà mpikambana avy ao amin'ilay fianakaviana [4] miteraka adihevitra, Bird [4].
Naneho ny fankasitrahany ny fandresena i Lycie Jollygirlsailor Riley tao amin'ny Facebook [5] :
Tsy Zoma Mainty ny aty Antigoa sy Barboda fa Zoma Mena!!!! Okay vizak'ireo sakana rehetra ankehitriny ary hisy fiantraikany amin'ny saina milamina izay vonona ny hamerina ny fanganana ny fankalazana #ABLP [6]
Vantany vao nivoaka ireo vokatra, dia nitohy ny adihevitra momba ny fifidianana tao anaty aterineto, indrindra tao amin'ny Twitter:
Antigua Labour Party has won, defeating the United Progressive Party 15-2. Only Baldwin Spencer and Wilmouth Daniel won their seats.
— hamletmark (@hamletmark) June 13, 2014 [7]
Nandresy ny Antoko Miara-Mivoatra tamin'ny 15-2 ny Antokon'ny Mpiasa any Antigoa. I Baldwin Spencer sy i Wilmouth Daniel ihany no nahazo ny sezany.
Faly noho ny valim-pifidianana ireo mpampiasa sasany…
Congratulations to the Antigua Labour Party for taking back POWER of my island! #Change [8] #Future [9]
— Jaime Newell (@JaimeNewellPT) June 13, 2014 [10]
Arahabaina ny Antokon'ny Mpiasa any Antigoa amin'ny fakany indray ny FAHEFANA eo amin'ny nosiko! #Change [8] #Future [9]
Congratz to our new Prime Minister Hon Gaston Browne
— ♥Tanya Dorsette♡ (@Cancer91Diva) June 13, 2014 [11]
Arahabaina ny Praiminisitsika vaovao, Hon Gaston Browne
…raha toa ka mbola nilaina noresena lahatra ny hafa fa lafy tsaran'ny fampandrosoana ny firenena ny fandresen'ny ABLP:
I weep for Antigua… I hope Gaston and Labour prove me wrong…
— Triz (@Optimus_Primus_) June 13, 2014 [12]
Mitomany anao aho ry Antigoa… Manantena aho fa hanaporofo amiko ny mifanohitra amin'izany i Gaston sy ny Antokon'ny Mpiasa…
Nanao fampielezan-kevitra mikasika ireo olana fototra [13]mahazo ny firenena ny ABLP: ny toekarena, ny fiakaran'ny heloka bevava, ireo fotodrafitrasa ho an'ny fahasalamam-bahoaka, ary ny fampianarana- ary tsy andrin'ireo mpampiasa aterineto ny ahitana ny antoko hanatanteraka ireo fampananatenany :
Dear Antigua Labour party, does this mean we will actually get the taxes lowered and more jobs?
— Dr. Evil (@Sithvere) June 13, 2014 [14]
Ry Antokon'ny Mpiasa any Antigoa, midika ve izany fa hihena ny hetra ary hahazo asa marobe isika?
Eto no ahitana ireo fahana Twitter ho an'ny fifidianana any Antigoa sy Barboda [15].