Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Ataovy Google Fotsiny? Tsy Ao Shina Anefa Satria Mbola Mikatona Ny Google Ao

XXPLEASE INSERT TRANSLATION HEREXX. Image via Kgen Bao on Twitter.

Vorona eo ankavia: Te-hiala ato aho. Vorona eo ankavanana: Mampalahelo ianareo ny namana. Nahazo sakafo sy rano isika eto. Setrin'ny fihetsiky ny mpiserasera Shinoa tamin'ny fanakatonana ny Google ny sary. Sary avy amin'i Kgen Bao tao amin'ny Twitter.

Efa hiditra amin'ny herinandro fahatelo ny ny fanakatonana ny Google ao Shina, ary misy ireo mahita mialoha fa mety haharitra fotoana lavalava kokoa izany.

Karoka Google, Gmail sy raharaha hafa ao amin'ny aterineto goavana no nanjary tsy azo nidirana nanomboka tamin'ny 30 mey alohan'ny tsingerintaonan'ny vono olona tao amin'ny kianjan'i Tienanmen tamin'ny 4 Jiona 1989, raha nanafika ireo mpanao fihetsiketsehana tsy mitam-piadiana mpanohana ny demaokrasia tao Beijing ireo tafika Shinoa, izay namono olona teo amin'ny an-jatony vitsivitsy teo. Nanara-maso akaiky ireo mpanivana ao amin'ny firenena – ary nampiasa fepetra henjana – mikasika izay adihevitra momba izany.

Nanamafy ny Google fa tsy fahadisoana avy aminy ny fanakatonana, na koa hoe nisy olana ara-teknika avy aminy. Namindra ny seraserany tao Hong Kong nankao amin'i Shina Tanibe ny orinasa tamin'ny taona 2010 rehefa nandà tsy hanohy ny fanivanana atao amin'ny voka-pikarohana.

Nanao izay ho afany ireo mpiserasera Shinoa mba hidifiana amin'ny fanakatonana. Miha-maro ireo olona mampiasa ny tambajotra virtoaly mahaleotena (VPN) mba hidirana ao amin'ny Google avy ao amin'ny Tanibe. Safidy iray hafa malaza ihany koa ny fitaratry ny habaka Google, izay nanampy soratra hoe, “Raha tsy misy ny tolona, tsy misy ny fahalalahana,” ao amin'ny fangon'ny Google. Manao antso amin'ireo mpiserasera ny habaka mba hanao hetsika ao amin'ny Sina Weibo (misy itovizana amin'ny Twitter) sy ny fampiharana fandefasan-kavatra amin'ny finday, WeChat:

GFW(中国国家防火长城)屏蔽了所有谷歌(Google)的服务,包括对科研至关重要的Google学术。如果你认为这是不可接受的,请将本页面转发到微博,微信。 在2013年初,GFW封锁了Github(代码分享网站)后,大量程序员在微博和工信部投诉,最后GFW被迫解封。没有抗争就没有自由!请大家转发此页面给GFW施压!

Nanakatona ny tolotra rehetra avy amin'ny Google ny GFW (Aroafo goavana), anisan'izany ny loharanom-baovao lehibe momba ny siansa sy ny fikarohana akademika. Raha mihevitra ianao fa tsy azo ekena izany, avereno alefa ao amin'ny Weibo sy WeChat izany hafatra izany. Tamin'ny fiandohan'ny taona 2013, taorian'ny fanakatonan'ny GFW ny Github [tolotra mpampiantrano], marobe ireo mpandrafitra fandaharan'asa (programmeur) nitaraina tao amin'ny Weibo, ka niala an-daharana ihany ny GFW nony farany ary nanokatra izany indray. Raha tsy misy ny tolona, tsy misy ny fahalalahana. Avereno alefaso izany hafatra izany azafady ary tereo ny GFW.

Araka ny volazan'ny habaka, manana mpitsidika maherin'ny 100 000 isan'andro izy. Ao amin'ny FreeWeibo.com, habaka mamela ny fampiasana kaonty Weibo,niharan'ny sivana tao amin'ny Sina Weibo, voambolana niara-nahazo ny laharana voalohany tamin'ny fanakanana ny «Google» sy ny «Raha tsy misy ny tolona, tsy misy ny fahafahana».

Nilaza tamin'ny gazety Global Times tamin'ny alalan'ny mailaka ny iray tamin'ireo mpanorina ny GreatFire.org (mpanaramaso ny sivana) fa ny fanakatonana ny tolotra Google rehetra no naharitra indrindra teo amin'ny tantaran'ny aterineto ao amin'ny Shina Tanibe:

Google products are critical for users in high-tech industry, especially programmers. Such effects might not be immediate, but over the long-term, the Chinese technology sector will lag behind if the block is permanent.

Tena ilain'ireo olona mampiasa ny indostrian'ny teknolojia avo lenta ireo vokatra Google, indrindra indrindra fa hoan'ireo mpandrafitra fandaharan'asa (programmeur). Mety hoe tsy eo noho eo ny voka-dratsin'izany, fa maharitra fotoana ela, ho taraiky ny sehatry ny teknolojia Shinoa raha mbola maharitra ela ny fanakatonana.

Sahiran-tsaina indrindra noho ny tsy fahafahana mampiasa ny “Google Scholar”, milina fikarohana momba ny lahatsoratra akademika ireo mpampianatra eny amin'ny oniversite. Mpisera Weibo, “Chen Shixu,” nanoratra hoe:

个人对政府停止Google的全面服务表示遗憾,我是一个经常用Google做专业文献查询和检索的人,没有Google等于全中国专业人员通往世界的门户被关闭。

Diso fanantenana tanteraka tamin'ny fanapaha-kevitry ny governemanta nanakatona ny tolotra Google rehetra aho, matetika aho mampiasa Google mba hikaroka tahirin-kevitra, ka ny fanakatonana ny Google dia midika fanapahana ny fifandraisan'ireo matihanina ao Shina amin'izao tontolo izao.

Voafafa avy eo ny lahatsorany saingy azo jerena ao amin'ny FreeWeibo.com ihany.

Nilaza kosa i Zhan Jiang, mpampianatra fa nisy fiantraikany tamin'ny fahafahany mitroka ireo loharanom-baovao momba ny fampianarana ny fanakatonana. Nilaza ny ahiahiny ny mety hitohizan'ny fanakatonana mandra-pivaha ny disadisa eo amin'i Etazonia sy Shina mikasika ny heloka antserasera izany.

Saingy tsy olana hoan'ireo mpampianatra ambony ihany izany, araka ny fanazavana nataon'ilay mpisera Weibo “Wang Ran” hoe:

屏蔽google, 被伤害的首先是中国人的利益。

Miantraika any amin'ny tombotsoan'ny vahoaka Shinoa aloha voalohany indrindra ny fanakatonana ny Google

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.