Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nahatsiaro Saina i Schumacher, Mahita Hanihany Atao Ny Twitter Rosiana

What kind of world did racing driver Michael Schumacher find after his coma? Russians speculate. Images mixed by Kevin Rothrock.

Karazana tontolo inona no hitan'ilay mpitondra “rallye” Michael Shumacher taorian'ny coma nahazo azy? Miresaka momba izany ny Rosiana. Sary natambatambatr'i Kevin Rothrock. .

Nanomboka ny 29 Desambra 2013 hatramin'ny 16 Jiona 2014, tao anatin'ny tsy fahatsiarovan-tena (coma) ilay mpamily rallye efa misotro-ronono Michael Schumacher taorian'ny loza mahatsiravina nahazo azy tamin'ny sky (korisa). Rehefa nahatsiaro tena i Schumacher ary nandao ny hopitaly, nanararaotra ity tranga ity hamazivaziana ny fanatanjahan-tena sy ny politika ireo mpisera Twitter Rosiana.

Satria mbola ratsy ny fifandraisana eo amin'i Moskoa sy Kiev, mazava ho azy fa bilaogera maro no naniry mafy hamely an'i Okraina amin'ny “vazivazin'ny coma”. Kaonty fakan-tahaka maneso (parodie) ny Kremlin ofisialy, Vladislav Sourkov nilaza izao:

Tafala tamin'ny “tsy fahatsiarovan-tena (coma)” i Schumacher, fa niditra tamin'izany (coma) i Okraina. #gas

Kaonty Twitter hafa izay maka tahaka ny kaontin'ny Minisiteran'ny Raharaham-bahiny ao Rosia namazivazy ny fikirizan'ny Kremlin amin'ny mahery fihetsika (extremisma) ankavanana izay voalaza fa manjakazaka amin'ny politika Okrainiana.

Tafavoaka tamin'ny tsy fahatsiarovan-tena nahazo azy i Schumacher. Ny zava-dehibe ankehitriny dia ny tsy filazana aminy fa nandritra ny fotoana natoriany dia nofehezin'ny fasista izao tontolo izao, ankoatra an'i Rosia.

Raha nisioka ny Fahitalavitra iray tsy miankina fa natory i Schumacher nandritra ny herisetra sy ny korontana politika tao Okraina, mpisera Twitter iray namazivazy fa mety manafintohina loatra izany vaovao izany.

Aza mandeha hilaza amin'ny olona momba izany ianao. Handefa azy hiverina ao anatin'ny “coma” indray ianao an.

Mpisera Twitter hafa koa nampifandray am-pamazivaziana ny fahasitranan'i Schumacher tamin'ny zava-nitranga tao Atsinanan'i Okraina:

Araka ny vokatry ny fitsapa-kevi-bahoaka, nanambara ny fanapaha-kevitra hiala amin'ny “coma” ny Repoblikam-bahoakan'i Schumacher (RPS).

Ny sasany kosa nananihany fa nifoha i Schumacher mba hijery an'i Alemaina milalao amin'ny Fiadiana ho Tompon-daka Manerantany  2014.

Araka ny vaovao navoakan'ny Fast Slon, tafavoaka tamin'ny “coma” nahazo azy i Schumacher amin'ny fotoana idiran'ny ekipan'i Alemaina amin'ny Fiadiana ny Tompon-daka Manerantany 2014.

Raha mahita izao tontolo izao mampatahotra tokoa araka ny asehoan'ireo Rosiana sasany i Schumacher, mety hisafidy ny voalaza amin'ity sioka farany ity izy :

Tafavoaka tamin'ny “coma” nahazo azy i Schumacher, vakio ny vaovao farany izay milaza hoe “eny, adala avokoa ianareo”, ary nangatahana mba hiverina ao anaty “coma” indray.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.