Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Manampy Ireo Bangaldeshita Mpianatra Hamaky Teny Amin'ny Tendron-dRantsa-Tanana Ny Crowdsourcing

Nanao ezaka lehibe teo amin'ny sehatry ny fampianarana i Bangladesh, nizara boky fianarana maimaim-poana teo amin'ny 300 tapitrisa teo hoan'ny mpianatra 37 tapitrisa izy manerana ny firenena tamin'ny fiandohan'ny taom-pianarana.

Na dia izany aza, misy vondrona lehibe natao ankilabao: tsy manana boky fianarana ireo ankizy 50.000 sembana ara-pahitana ao amin'ny firenena. Mety ho fanoitra hananganana tetikasa vaovao “Banglabraille” (soratra hoan'ny jamba amin'ny teny bangla) izany, ary vahana amin'ny alalan'ny crowdsourcing ny olana.

Ny trano-printin'ny governemanta Bangladeshita dia manana – printy soratra hoan'ny jamba efa simba iray ihany ka tsy mahavita manao asa mavesatra amin'ny fanontana boky fianarana ara-potoana.

Anton-javatra marobe no mahatonga ny olona na ny fikambanana tsy hanonta boky: ny halafosany ($ 80,000) eny amin'ny printy mpanao soratra hoan'ny jamba. Fanampin'izany, manana boky fianarana azo jerena ao amin'ny aterineto amin'ny endrika pdf ny tetikasa e-book-n'ny governemanta, saingy noho ny tsy fisian'ny lahatsoratra amin'ny endrika “Unicode” hoan'ny boky efa misy no mahatonga ny tetikasa boky hoan'ny jamba ho sarotra. Noho izany, matetika ireo mpianatra marobe manana fahasembanana ara-pahitana tsy mahazo boky mandra-pisasaky ny taona, ka lasa tsy araka ny fandaharam-pampianarana. Teo no teraka ny tetikasa Banglabraille.

Nanangana vondrona Facebook hiresahana sy hamahana ny olana i Ragib Hasan, profesora lefitra momba ny siansa informatika ao amin'ny Oniversiten'i Alabama ao Birmingham. Andrin'ny Wikipedia Bangla i Ragib nanomboka tamin'ny taona 2006, ary mpanorina ny habaka fampianarana voalohany sy lehibe indrindra amin'ny teny Bangla. Ilay habaka, Shikkhok.com – dia efa nahazo loka maro ka anisan'izany ny Loka Google RISE 2013.

Tamin'ny taon-dasa tamin'ny volana Jiona, nanoratra tao amin'ny Bilaogy Sachalayatan momba ny Boky Bangla Soratra hoan'ny Jamba i Hasan:

এই সমস্যাটা সমাধান করতে পারি কিন্তু আপনি-আমি- আমরা সবাই।

শিক্ষাবোর্ডের সাইটে অনেক পাঠ্যবইয়ের পিডিএফ রাখা আছে। আপনি ফেইসবুকে বা অন্যত্র যে সময়টা দেন, তার অল্প একটু সময় নিয়ে দিনে ১টি করে পাতা টাইপ করে দিন। ডঃ মুহম্মদ জাফর ইকবাল স্যার একটা স্বল্পমূল্যের ব্রেইল প্রিন্টার তৈরী করেছেন। উনার সাথে মেইলে যোগাযোগ হয়েছে। উনি জানিয়েছেন, বইয়ের ইউনিকোড কপি পেলেই উনার প্রিন্টারে বইগুলা ছেপে এই অন্ধ শিশুদের কাছে পৌছে দেয়ার কাজ শুরু করা যেতে পারে।

একজন দৃষ্টিপ্রতিবন্ধী শিশুর কাছে জ্ঞানের আলো, বইয়ের ঘ্রাণ পৌছে দেয়ার জন্য এতটুকু সময় কি দিতে পারবেন না?

Afaka mamaha ity olana ity izaho sy ianao, ary ny tsirairay avy

Manana boky fianarana amin'ny endrika pdf ny habaky ny sehatra fampianarana. Afaka maka fotoana amin'ny andavanandronao ianao ao amin'ny Facebook na media sosialy hafa hanaovana fanazarana mahavokatra. Azafady, mitendre pejy boky fianarana amin'ny endrika “Unicode” iray isan'andro. Namorona printy soratra mora vidy hoan'ny jamba ny profesora Dr Zafar Iqbal Md. ao amin'ny Oniversite Shahjalal momba ny siansa sy ny Teknolojia. Nifandray taminy aho ary nampilaza izy fa lahatsoratra amin'ny endrika Unicode ihany no ilaina hanombohana hanontàna boky.

Afaka manokana fotoana vitsy isan'andro hoan'ireo mpianatra sembana ara-pahitana an'arivony ve ianao?

Nanomboka nanao “crowdsourcing” namondronana mpilatsaka an-tsitrapo hitendry boky fianarana amin'ny endrika Unicode ny vondrona Facebook. Ny fanontana amin'ny printy no dingana manaraka, saingy tena lafo izany. Mitotaly eo amin'ny 1 500 BDT (20 dolara) eo ny fanontana boky fianarana soratra hoan'ny jamba. Mba hanonerana izany, nanampy tetikasa boky amim-peo velomin'ireo mpilatsaka an-tsitrapo hoan'ireo mpianatra tsy afaka miditra amin'ny lahatsoratra natonta, saingy afaka mitroka ny boky ao amin'ny aterineto, avy eo ny tetikasa. Noho ny fisian'ireo fampiharana sy fandaharanasa fandraketana sy fanitsiana maimaim-poana, nahavita namaky sy nandrakitra toko amin'ny boky tao anatin'ny minitra vitsy ireo mpilatsaka an-tsitrapo .

Ahitana matihanina – injeniera – dokotera, mpampianatra, mpianatra mpiasan'ny orinasa ireo mpilatsaka an-tsitrapo maherin'ny roa arivo; tanora avy ao amin'ny firenena sy avy any ivelany ny ankamaroany izay mifanome tanana amina tetikasa fitaratra.

Tsotra ny fizotry ny asa. Nanomboka nametaka kofehy amina boky fianarana manokana ao amin'ny pejy Facebook ireo mpilatsaka an-tsitrapo, ary nifampizara ny asa isaky ny toko. Hoan'ny tetikasa momba ny feo (audio), nanomboka nandrakitra feo tao amin'ny pejin'ny boky isaky ny pejy ny mpilatsaka an-tsitrapo tsirairay, ary nampiditra izany ao amin'ny Dropbox. Ny mpandrindra ny tetikasa no manangona ireo raki-peo.

banglabraille

Hatramin'izao, boky an-jatony mahery hoan'ny kilasy I hatramin'ny kilasy faha-IX-X no vita. Efa navoaka sahady ny sasany tamin'izany, ary mbola eo an-dalam-panontana ireo boky maromaro ary hivoaka tsy hoe ela ihany koa. Azo trohina maimaim-poana ireo boky am-peo ary azo trohina sy hatonta amin'ny fampiasana printy soratra hoan'ny jamba ihany koa ireo boky nomerika.

Nahazo ny Loka avy amin'ny Mpitsara sy Loka avy amin'ny Safidim-bahoaka ny Tetikasa Braille Bangla nandritra ny Loka Bilaogy Tsara Indrindra Deutsche Welle (BOBS) 2014 tamin'ny sokajy Zava-baovao Tsara Indrindra. Shahidul Alam, anisan'ny mpitsara tamin'ny BOBs avy ao Bangladesh nilaza hoe:

The project has fundamentally improved the lives of many students in Bangladesh and is fighting against a problem that authorities in the country have criminally neglected.

Tena nanatsara tanteraka ny fiainan'ireo mpianatra marobe ao Bangladesh ny tetikasa ary mitolona amin'ireo olana izay ataon'ireo manampahefana an-kilabao ao amin'ny firenena.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.