Mandeha ny tatitra an-tserasera momba ny fisokafana amin'ny ampahany ny tambajotran-tserasera sy ny tranonkala manernaa an'i Iràka.
Nitatitra [2] [mg] ny Global Voices Advocacy omaly fa nanome baiko ireo orinasan-tservisin'aterineto omaly (14 jona) ny minisitera irakiana misahna ny serasera hanakatona ny Facebook, Twitter ary ny YouTube, ankoatra ireo habaka hafa, sy ny servisy tahaka ny Skype, sy ny servisim-pifandraisana an-tserasera amin'ny resaka (feo) tahaka ny Viber sy ny WhatsApp.
Minitra maromaro lasa izay no nitatitra ny Irakiana blaogera Hamzoz [ar]:
شركة الجزيرة نت للأنترنيت رفعت الحجب عن المواقع والتطبيقات ولكن شركة #ايرثلينك [3] وهي الاكبر لم ترفعه لغاية الآن ومازالت تحجب #insm_iq [4] #العراق [5]
— Iraqi Blogger (@Hamzoz) June 14, 2014 [6]
Nanaisotra ny fanakatonana ny habaka sy ny fampiharana ny Jazeera Net, saingy tsy mbola nanao izany kosa fa manohy amin'ny fanakatonana ireo habaka ny Earthlink, orinasan-tservisy aterineto lehibe indrindra
Saingy nampitandrina ny Libaney mpikatroka Mohamad Najem :
Apparently blockage of social media sites were removed now in #Iraq [7], the fear is that the Gov is getting ready 2 cut the Internet! #insm_iq [4] — Mohamad محمد (@MoNajem) June 14, 2014 [8]
Jerena ho nesorina amin'izao fotoana izao ao Iràka ny fanakanana ny tambajotran-tserasera, ny atahorana dia ny fahavononan'ny governemanta hanapaka ny aterineto!
Araka ny nambaran'ny mpanoratra gazety Martin Chulov, dia nosakanana ny Facebook hampitsaharana ny mpikamban'ny [9] Fitondrana Islamika ao Iràka sy Siria, izay miady ao Iràka amin'izao fotoana izao, “tsy handamina sy hanetsika” ny olona.
Fanazavana hafa avy amin'ny Minisiteran'ny Serasera, izay namoaka hafatra [10] omaly, tao amin'ny pejy Facebook-ny fa fa ny anton'ny fanakatonana aterineto tsikelikely manerana an'i Iràka amin'ny 15 jona dia ho “fikojakojana ny hosina.” Tsy mazava moa raha mifandray amin'izany drafitra izany na tsia ny fanakatonana.