Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Mariazy Anelakelatrano, “Fandresena Kely” Hoan'ny Pelaka Ao Tajikistan

LGBT flag (Wiki image)

Saina LGBT (Wiki image)

Notontosaina [ru] vao haingana tao Dushanbe ny mariazy an'elakelatrano sy kelikely iray. Na dia lanonana fahita mahazatra aza ny mariazy ao Tadjikistan, tsy tahaka izany kosa ity lanonana ity noho ny antony iray lehibe: samy lehilahy ireo mpanambady vao. Tanora roa, samy eo antenatenan'ny faharoapolo sy fahatelopolo taonany no nanatontosa lanonana nanambarany fa mikasa hiaina toy ny olon-droa mifankatia izy ireo, na dia eo aza ny tsy fandeferana amin'ireo pelaka vitsy an'isa ao Tadjikistan sy ny tsy fisian'ny lalàna mandrakitra ny mariazy eo amin'ny olon-droa mitovy taovam-pananahana.

Tao amin'ny Twitter, nankalaza [ru] ny lanonana ny @gaytajikistan

Fandresena kely ho antsika: Mariazina pelaka eto Tadjikistan.

Somary tsy faly kosa ny sasany tamin'ireo mpiseran'ny media sosialy. Tao amin'ny Blogiston, naneho hevitra [ru] tamim-pahatezerana manoloana izany vaovao izany i Sarbaland, manonona ireo pelaka ho «sodomita» ary miampanga ny Tandrefana ho “mandrisika” ny fahapelahana ao amin'ny firenena:

Я никогда не думал что доживу до такого дня когда в нашей родине содомиты будут проводить свадьбы и будут еще другим об этом говорить. Я ошибался. Оказывается и мы таджики попали под влияние запада и его политики поощрения всякой дряни.

Tsy mba nieritreritra aho fa indray andro any hahita sodomita mikakaraka mariazy eto amin'ny firenentsika ary milaza momba izany amin'ny olon-kafa. Diso aho. Angamba  voasariky ny Tandrefana sy ny politikany amin'ny fandrisihana izao karazana hadalana rehetra izao ihany koa isika Tadjikana.

Nanohy [ru] nilaza izy fa tsy anisan'ny fiarahamonina Tajik ireo mpikambana ao amin'ny LGBT ary tokony hahilika:

Это даже читать противно. Не могу понять как эти содомиты позволили себе в нашей мусульманском обществе так себя вести и даже проводить свадьбу. Не могу понять как их родители и родственники не остановили их. Если об этом написали журналисты значит многие об этом знают. 

Западные организации и посольства а также журналисты защищают содомитов. Многие наши граждане тоже подверглись их влиянию и теперь выступают за защиту этих нелюдей. Я думаю что нужно поднять вопрос с западными странами: если вам нужны такие люди и вы их защищаете, то забирайте себе. Пусть правительство даже деньгами поможет таким людям уезжать из Таджикистана навсегда. Им нет места в нашем обществе. Они не часть Таджикистана!

Rikoriko aho mamaky ity. Tsy mazava amiko mihitsy ny antony mahatonga ireo sodomita ireto mitondra tena tahaka izao ary manatontosa mariazy ato amin'ny fiarahamonintsika Miozolomana. Tsy azoko ny antony mahatonga ireo ray aman-dreniny sy ny fianakaviany tsy manakana azy ireo. Raha manoratra vaovao momba izany ireo mpanoratra gazety, maro ny olona mahafantatra izany.

Miaro ny sodomita ny fikambanana, ny masoivoho sy ny mpanoratra gazety Tandrefana. Maro amin'ireo mpiray tanindrazana amintsika ihany koa ankehitriny no voasarika ary miaro ireo tsy olombelona ireo. Mihevitra aho fa tokony hilaza amin'ireo firenena Tandrefana ireo isika hoe: raha mila ireo karazan'olona (pelaka) ireo ry zareo ary te-hiaro azy ireo, dia tokony hoentiny manaraka azy any. Aoka ny governemanta mba hanampy ireo olona ireo hiala eto Tadjikistan mandrakizay, tsy misy toerana ho azy ireo ato amin'ny fiaharamonitsika. Tsy anisan'i Tadjikistana izy ireo!

Hoy ilay mpanoratra ato amin'ny Global Voices, Iskandar nanoratra tamin'ny volana Febroary:

Nosoritana ho “afoben'ny pelaka” i Tadjikistan, firenena Azia Afovoany mpandala ny nentin-drazana izay miozolomana avokoa ny mponina maherin'ny 95 isanjato. Miha-mitombo ny media sosialy mankasitraka ny fikambanana LGTB eto amin'ny firenena ary manohitra ny fihetsika fankahalana pelaka.

Tsy mankasitraka avokoa ny ankamaroan'ireo fanehoan-kevitra tamin'ny fitantarana nataon'ny Radio Ozodi mikasika ny firariantsoa, izay milaza betsaka momba ny LGBT sy ny “propagandy tandrefana”, na dia izany aza, nisy ny olona iray nandefa firarian-tsoa [ru]:

Pozdravlyau so svadboy!!!!!!! jelau vsego samogo nailuchshego!!!!
eto ix sudba, ix jizn, kajdiy immet pravo jit kak on xochet! selyavi!

Arahabaina ianareo noho ny fahavitan'ny mariazinareo!!! Mirary anareo ny  tsara indrindra!! Izay no anjaran'izy ireo, ny fiainan'izy ireo, manan-jò hiaina araka izay tiany ny olona rehetra! C'est la vie (Izay ny fiainana)!

Nanampy tamin'ny fanatontosana ity lahatsoratra ity i Alexander Sodiqov

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.