Nilaza ny vodka Poloney Sobieski [1] tao amin'ny habakany fa tao Polonina no toerana nipoiran’ [2]ny vodka fa tsy tao Rosia, araka ny heverin'ny maro. Na dia izany aza, ny tena mahasarika ny saina mikasika ity vokatra ity dia ny fampiasana an'ilay mpanao ampamoaka Edward Snowden [3] tamin'ny dokambarotrany vaovao. Tamin'ny taon-dasa, i Snowden no namoaka (voalohany) ny rafitra elektronika goavana fanarahamaso an'ny (NSA) Sampam-pitsikilovana Amerikana.
Naka ireto sary manaraka ireto tao amin'ny faritra mifanolo-bodirindrina ao SoHo, New York ny mpanoratra ity lahatsoratra (amin'ny teny anglisy) ity. Hoy ny fivakin'ny dokambarotra: «Nahoana i Edward Snowden no maniry hitady fialokalofana any Polonina “:
Naka sary ilay dokambarotra diso toerana ihany koa ny mpiara-miasa aminay ato amin'ny Global Voices, Jillian C. York:
hahah RT @jilliancyork [4]: Why Edward Snowden wishes he’d sought asylum in Poland. pic.twitter.com/tDUPlUdwhC [5]
— Raza Rumi (@Razarumi) May 22, 2014 [6]
hahaha: Nahoana i Edward Snowden no maniry hitady fialokalofana any Polonina
Ny zavatra tena mahatsikaiky, araka ny voalaza ao amin'ny dokambarotra, dia nangataka fialokalofana poitika any Polonina i Edward Snowden, saingy nanoratra tao amin'ny kaonty Twitter-ny ny minisitry ny Raharaham-bahiny Radoslaw Sikorski [7] fa “tsy hanome valiny mahafa-po izy”.
Nanjary malaza herintaona i Snowden noho ny ampamoaka nataony momba ny fanatanterahan'ny NSA ny fomba fanarahamaso manerantany ataony tamin'ny alalan'ny fandaharan'asa PRISM hanangonana tahirinkevitr'olona manokana amina miliara. Nanomboka teo, niteraka korontana diplaomatika manerantany i Snowden ary nopetahan'ireo mpanohana azy ho maherifo sy ny mpanohitra azy ho mpamadika..
Lasa vaovao indray i Snowden taorian'ny nanekeny hiantsafa manokana amin'i Brian William [8], mpanolotra ny vaovaon'ny NBC, ao Moskoa. Havoaka amin'ny Alarobia 28 Mey izany resadresaka izany.