Tranga Mampihoron-Koditra Noho ny Adi-tany Ao Andranondambo, Madagasikara

Nitatitra ny L'Express Mada fa potika ny tanànan'Andranondambo ao atsimon'i Madagasikara [fr] nandritra ny adim-pokonolona niainga tamin'ny adi-tany. Nanomboka ny 20 ka hatramin'ny 22 mey, tsy nisy tafavoaka velona tamin'ny ady an-trano ny mponina ao an-tanàna ambanivohitra. Nampatsiahy [fr] ny iray amin'ireo zandary :

A notre arrivée, un chien errant était en train de dévorer un bras arraché d’ un corps. Dans une maison anéantie par les flammes, nous avons mis la main sur une dépouille. L’air était irrespirable [..] Même l’école publique et l’église d’Andranondambo ont été ravagées. Les toitures en tôle ont été arrachées avec tous les mobiliers.

Tamin'ny fahatongavanay dia nisy alika mirenireny teo am-pihinanana sandry iray tafala tamin'ny vatabeny. Tao amin'ny trano iray ravan'ny afo, dia mbola nahitanay vatana mangatsiaka. Tsy azo niainana ny fofona. Potika avokoa na ny sekolim-panjakana na ny fiangonana ao Andranondambo. Nisy nanongotra niaraka tamin'ny fanaka ny tafo fanitso.

Tamin'ny taona 1991 no nanomboka ny adi-tany rehefa nahitana safira sy mica betsaka tao Andranondambo. Nanosika ny mponina tao an-toerana hifindra tany amin'ny tanàna hafa antsoina hoe Ambatotsivala ny fanosehan'ny mpitrandraka harena an-kibon'ny tany. Nanomboka teo dia tsy nifankahazo noho io resaka fananan-tany io ny tanàna roa voatonona etoana saingy tsy mbola nahatratra ny vaikan'ny herisetra tahaka ny amin'izao fotoana izao.

Atombohy ny resaka

Mpanoratra, azafady Hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.