Marobe manerana izao tontolo izao no hifamory miaraka amin'ny fianakaviany hankalaza ny andro Alahady iray natao ho Fetin'ny Reny, 11 May. Ao Meksika, i Silvana Ávila, artista, dia nihevitra fa mety ho fotoana tsara fanararaotra io hanomezana voninahitra ny reny rehetra amin'ny fitenin'ny tompontany avy ao amin'ny fanjakàn'i Oaxaca. Nosoratany tao amin'ny bilaoginy Tumblr [1], “marolafy sy fifangaroan-kolontsaina maro ny fireneko. Tsy ny fiteny Espaniola irery no fiteny eto.”
Namorona andianà karatra fiarahabàna izy, misy sary manaingo azy arahana fehezanteny nalainy tao amin'ny hira Ayuujk (Mixe) [2] iray mitondra lohateny hoe Tääku'nk, nosoratan'i Palemón Vargas. Afaka jerena ao amin'ny bilaoginy ireo karatra ireo.
dikanteny: Na dia lavitra aza aho, tsy hanadino anao aho, ry Neny.