[Mankany amin'ny tranonkala miteny Espaniola ny rohy rehetra raha tsy misy toromarika.]

Nisy horohorontany nahery nahatratra 8,3 tamin'ny maridrefy tany avaratr'i Shily sy atsimon'i Pero ary ny faritra manodidina toa an'i Bolivia ny harivan'ny Talata 1 Aprily 2014 ka nahatonga ny fanairana ny morontsiraka fa hisy tsunami. 

Olona enina no maty tany Shily, isan'izany lehilahy Peroviana iray. Tsy mbola nisy kosa tatitra mikasika ireo fahasimbana goavana avy any amin'ireo faritra telo izay tena niharan'ny hovitrovitra mafy tany Pero -Tacna, Moquegua ary Arequipa. 

Nanomboka nisera tamin'ny Twitter ireo Peroviana nandritra sy taorian'ilay hovitrovitra. Any, lazain'ny sasany fa tsy misy jiro ny tanàna noho ny fianjeran'ny andrin-jiro :

En la ciudad de #Tacna se sintió fuerte el movimiento, la ciudad esta sin energía eléctrica #AlertaNoticias

— Danitza Lawless (@danitza_pf) April 2, 2014

Natanjaka be ny fihovitrovitry ny tany tao amin'ny tanànan'i Tacna, tsy misy jiro ny tanàna.

Milaza misimisy kokoa ny antsipirihany ny onjampeo La Linterna :

Reporte desde #Tacna a raíz del fuerte sismo que se ha sentido hace instantes https://t.co/WsgiyWVooG

— La Linterna Radio (@LalinternaP) April 2, 2014

Tatitra avy any Tacna avy amin'ny vokatr'ilay horohorontany nahery segondra vitsivitsy lasa izay.

Voalaza fa tsy misy jiro sy tsy misy finday miasa any Moquegua:

Regiones Tacna y Moquegua sin luz. Servicios de telefonía celular de Movistar y Claro se han caido tras terremoto… http://t.co/l2J5EiECHW

— Pulso Noticias GG (@pulsonoticias_G) April 2, 2014

Tsy misy jiro ny faritr'i Tacna sy Moquegua. Rava ny fotodrafitrasa misahana ny tolotra finday Movistar sy  Claro taorian'ilay horohorontany…

Tatitra avy any Shily momba ny famindràna ireo olona monina any amin'ny morontsiraka avaratra ho fitsinjovana ny fahatongavan'ny tsunami:

LO ÚLTIMO – Evacuación en el norte de Chile se realiza con tranquilidad, según reporta corresponsal en Arica. pic.twitter.com/2Rm7qgKPqb

— 24 Horas (@24HorasTVN) April 2, 2014

VAOVAO FARANY – Tamim-pahatoniana no nanaovana ny famindràna ireo olona any avaratr'i Shily araka ny nolazain'ny solon-tenanay any Arica.

EN FOTOS: Así se evacuan las costas de Chile ante Alarma de Tsunami: http://t.co/pr3wv1hlQB pic.twitter.com/uSYH8KTwYB

— 24 Horas (@24HorasTVN) April 2, 2014

SARY: Tahaka izao no namindràna ireo avy any amin'ny morontsirak'i Shily noho ny fanairana fa hisy tsunami.

Tahaka izany ihany koa, nisy koa ny baiko famindràna ireo olona amin'ny tanàna maro any atsimon'i Pero :

URGENTE: Ordenan evacuación de costa sur peruana: Arequipa, Ica, Tacna #Tsunami #Terremoto

— Ferjok Josp (@Ferjosp) April 2, 2014

MAIKA: Baiko famindràna ireo Peroviana monina any amin'ny morontsirak'i Arequipa, Ica, Tacna.

URGENTE – SISMO EN CHILE: Autoridades de Perú le dicen a la agencia AFP que se está evacuando a población en el sur del país.

— World News Update (@AlertaNews24) April 2, 2014

MAIKA – HOROHORONTANY TANY SHILY: Nolazain'ny manam-pahefana Peroviana tamin'ny AFP fa namindra toerana ireo olona tany atsimon'ny firenena ry zareo.

URGENTE – SISMO EN CHILE: Cerrados accesos a Costa Verde desde San Miguel, Magdalena, San Isidro, Miraflores y Barranco en Lima.

— World News Update (@AlertaNews24) April 2, 2014

MAIKA – HOROHORONTANY TANY SHILY : Nakatona ny làlana mankany Costa Verde [faritra amorontsirak'i Lima] avy any [ amin'ny distrikan'i] San Miguel, Magdalena, San Isidro, Miraflores ary Barranco ao Lima.

Nolazaina fa tonga any amin'ny morontsirak'i Ilo sy Tacna any atsimon'i Pero ny onja tsunami voalohany :

Olas de Tsunami llegan a La Punta Callao a las 8:31 pm, Ica 7:39, a Tacna y Moquegua ya están llegando

— Patricio Valderrama (@patriciov) April 2, 2014

Tonga tany La Punta Callao tamin'ny 8:31 alina,  tamin'ny 7:39 tany Ica ny onja Tsunami, efa tonga mialoha kosa ny tany Tacna sy Moquegua.

Nandritra izany fotoana izany dia nisy tatitry ny fiverenana hovitra tany Shily :

#CHILE: Al menos 5 réplicas de 5 grados tras el fuerte terremoto. Estos son los países con alerta de #tsunami: pic.twitter.com/9oKaJKsGVY

— C5N (@C5N) April 2, 2014

SHILY: Fara-fahakeliny nisy fiverenana in-dimy tamin'ny maridrefy 5 taorian'ilay iray nahery be. Ireto avy ireo firenena misy fanairana momba ny tsunami.