Tsy mandainga ny Silamo.. Tsia ho an'ny andron'ny lainga. Sary tahiry : @al_tarb_al_a7mr

Na dia teo aza ny fampitandremana fa ny fiantsapazana amin'ny lamasinin'ny Andron'ny lainga dia mety mitondra any amin'ny helo mandrakizay, satria tsy mandainga ny Silamo, nanapa-kevitra ny hanao io andro io ho fitsikerana ny mpitondra azy ireo ny ankamaroan'ny mpiserasera amin'ny aterineto any amin'ny tany Arabo.

Nanao vazivazy i Abdelrahman Al Kanhal avy any Arabia Saodita :

#كذبة_إبريل مشروعي الملك عبدالله لتطوير القضاء وتطوير التعليم

— عبدالرحمن الكنهل (@A_Alkanhal) April 1, 2014

Namolavola tetikasa anankiroa ho fampandrosoana ny rafi-pitsarana sy ny fampianarana ny Mpanjaka Abdulla.

Ary nampiany hoe :

الدولة تتخذ قرار تاريخي باتخاذ مواقف جادة لوقف الفوضى المرورية #كذبة_إبريل

— عبدالرحمن الكنهل (@A_Alkanhal) April 1, 2014

Mandray fepetra matotra hanafoanana ny fikorontananan'ny fifamoivoizana ny Fanjakana

Ary momba ny tsy fahazoan'ny vehivavy mamily fiara ao amin'ny fanjakana dia izao no nosoratany :

#كذبة_إبريل المجتمع وحده يقرر حق المرأة في قيادة السيارة .. ولا نمنع قيادتها ولكننا نسجنها بسبب ارادة المجتمع الرافض

— عبدالرحمن الكنهل (@A_Alkanhal) April 1, 2014

Ny fiarahamonina ihany no manapa-kevitra ny amin'ny zon'ny vehivavy hamily fiara. Ary tsy manohitra ny familian'ny vehivavy fiara izahay fa mampiditra am-ponja azy ireny kosa raha manao izany izy ireny satria lavin'ny fiarahamonina ny familian'izy ireny fiara.

Mandritra izany fotoana izany dia namoron-dainga ny amin'ny fiverenan'i Mohamed Morsi, ilay filohan'ny Firahalahiana Silamo voaongana, avy any an-tsesitany ilay Ejyptiana Adham Morad :

#كذبة_إبريل موورسي راجع ههههه

— adham morad (@adham_morad) April 1, 2014

Tafaverina i Morsi !!

Mbola any Ejipta ihany, nibitsika i Adilovic izay mino fa ho mifanaraka amin'ny zava-misy ny faniriany :

الحكومة المصرية تقرر رفع الأجور.. و زيادة الدعم.. و زيادة ميزانية التعليم والصحة.. وتوفير العيش والحرية والعداله الإجتماعيه #كذبة_إبريل

— Adilovic (@adilovic4a) April 1, 2014

Nanapa-kevitra ny governemanta ny hampiakatra ny karama, hanohana ny fanampian'ny fanjakana, ny hampiakatra ny tetibola ho an'ny fampianarana sy ny fahasalamana ary hanome fiainana mendrika ny Ejiptiana, fahalalahana sy rariny ara-piarahamonina

Bitsihin'i Ammar Al Aradi avy any Bahrain ny andianà vazivazy momba ny andron'ny lainga, izay raisin'ny olona sasany ho tena marina. Izao no nosoratany :

Ok apparently some ppl are taking my last few tweets too seriously. It's first of April. Let's stop before someone gets in trouble lol.

— ammaro (@ammar456) April 1, 2014

Raisin'ireo olona sasany ho tena izy ireo bitsika farany nataoko. Voalohan'ny volana Aprily izao. ‘Ndao hajanona mialohan'ny hikorontanan'ny olona lol.

Ireto ny sasany amin'ireo vazivazy ireo :

#Kuwait considering legalizing hashish for medical uses after studies show more than 60% of the youth in the country already use it.

— ammaro (@ammar456) April 1, 2014

#Kuwait heverina ny haha-ara-dalàna ny fampiasana ny ‘hashish’ (zava-mahadomelina) ho fanafody rehefa navoakan'ny fandinihina fa maherin'ny 60%-ny tanora no efa mampiasa azy sahady

Miverina any arabia Saodita, dia nofaranan'i Ahmed Al Maani :

سيكون هذا الأمر مرهقاً للعرب لأنه لا يوجد شيء غير اعتيادي يمارسونه في هذا الشهر.. #كذبة_إبريل

— احمد المعني (@rhal84) April 1, 2014

Mandreraka ny Fetin'ny lainga ho an'ny Arabo satria tsy fanaony izany