Navotsotra androany (23 Marsa) ilay bilaogera Ejypsiana malaza Alaa Abd El Fattah rehefa nandòa vola ary mbola miandry ny fitsarana azy, rehefa nofonjaina nandritra ny 115 andro noho izy voalaza fa nanitsakitsaka lalàna vaovao momba ny fanoherana-fihetsiketsehana.

Tany am-ponja i Abdel Fattah nandritra izany fotoana izany ary mbola tsy nandalo fitsarana. 

Ity lahatsary nalefan'i Mahmoud Salmani ity dia mampiseho an'i Abdel Fattah noarahabaina sy noraisin'ny fianakaviany sy ny namany rehefa nandao ny tobin'ny polisy izy:

Nizara ity sary ity kosa i Galal Amr izay mampiseho an'i Abdel Fattah manoroka ny vadiny Manal Hassan:

Alaa Abdel Fattah (@alaa) released. #Egypt pic.twitter.com/gVERaGb9x9

— Galal (@GalalAmrG) March 23, 2014

Navotsotra i Alaa Abdel Fattah (@alaa)

Tamin'ny sioka voalohany nalefany taorian'ny famotsorana azy, mampanantena ny mbola “hanohy” i Abdel Fattah:

احنا اللي دهنا الهوا دوكو. اتنفخنا بعدها صحيح بس عادي مكملين 🙂

— Alaa Abd El Fattah (@alaa) March 23, 2014

“Mbola hanohy isika…”

Nadikan'i Nadine Marroushi tamin'ny teny anglisy ny sioka:

@Sarahcarr @Fouda_ @_NSalem_ so better translation “we painted the air with doko. true we got fucked afterwards, but we'll continue” ?

— Nadine Marroushi (@nadinemarroushi) March 23, 2014

fandikan-teny tsara “nolokoinay tamin'ny doko ny rivotra. marina fa resy isika taoriaan'izay, saingy mbola hanohy isika” ?

Doko dia loko atifitra (spray) amin'ny fitenim-paritra Ejypsiana.

Ankoatra an'i Abd El Fattah, navotsotra androany ihany koa i Ahmed Abdel Rahman. Nosamborina niaraka tamin'i Abdel Fattha i Abdel Rahman, izay nandalo teo akaikin'ny fihetsiketsehana, raha niezaka namonjy ireo tovovavy sasany niharan'ny herisetran'ny polisy izy.

Tao amin'ny Twitter, nipoaka ny hafaliana.

Ahdaf Souief, nenintoan'i Abdel Fattah nihiaka hoe:

Twitter is bursting with joy at @alaa‘s release. My laptop needs a break.

— Ahdaf Soueif (@asoueif) March 23, 2014

Hipoky ny hafaliana tao amin'ny Twitter tamin'ny famotsorana an'i @alaa. Mila maka aina ny solosaina findaiko.

Mona Seif, anabavin'i Abdel Fattah, nankalaza ny famotsarana ny anadahiny, hoy izy:

علاء و احمد على الاسفلت … اعظم جملة في الكون 🙂

— Mona Seif (@Monasosh) March 23, 2014

Eny an-dalana i Alaa sy Ahmed .. Ity no didim-pitsarana mahafaly indrindra manerantany

Na dia eo aza ny didy famotsorana azy, nasaina niandry nandritra ny ora maro tao ivelan'ny tobin'ny polisy ny fiankavian'i Abdel. Namariparitra izany tranga izany i Seif:

احنا مستنيين لسة عند المديرية و مش فاهمين سبب التاخير و في صحفيين بيتصلوا بيقولوا مصادرهم بتقول هيخرجوا بكرة! احنا خلصنا كل الاجراءات!!!

— Mona Seif (@Monasosh) March 23, 2014

Niandry tao ivelan'ny foiben'ny polisy izahay ary tsy mazava aminay ny antony nampiandrasana anay ela be. Niantso anay ireo mpanao gazety sasany mba hilaza aminay fa rahampitso izy ireo no havoaka araka ny loharanom-baovao azon'izy ireo

Ary ho izy nanampy:

الكفالات ادفعت، خلصنا الاجراءات في النيابة و القسم و احمد عبد الرحمن خرج في بوكس من القسم من كتير!! ليه التأخير و ليه التعنت في كل خطوة

— Mona Seif (@Monasosh) March 23, 2014

Efa nalòa ny vola ary efa fenonay avokoa ireo fomba amam-pitsipika arahina rehetra miaraka amin'ny minisiteram-panjakana sy ny tobin'ny polisy. Nandao ny fiaran'ny polisy i Ahmed Abdelrahman ary noentina tao amin'ny tobin'ny polisy nandritra ny fotoana maharitraritra. Inona no anton'ity fahatarana ity ary nahoana no misy sakantsakasana foana isaky ny misy dingana atao?

Nahemotra amin'ny 6 Aprily ny raharaha.