Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Nivoady “Hamafa” ny Twitter ao Torkia i Erdogan

Nakaton'i Torkia ny Twitter – tahaka izany ihany koa ny servisy DNS Google hoan'ny daholobe, izay nampiasaina hihodidinana ny fanakatonana. Na dia izany aza, toa hita fa tsy nahitam-bokany ny fikasan'ny governemanta Tiorka hanivana izay fanoherana azy, satria vao maika lasa nitombo be ireo sioka avy ao Tiorkia.

Niteraka famoahana  tarihin-kevitra voalaza fa mampiseho ny kolikoly ataon'ny manodidina ny Praiminisitra Recep Tayyip Erdogan ny fandraràna ny Twitter, izay niantraika tamin'ireo mpisera Tiorka manodidina ny 10 tapitrisa.

Nilaza ny vaovao fa nampanantena “hamafa ny Twitter” i Erdogan ary nampiany fa tsy miraharaha izay lazain'ny fiarahamonina iraisam-pirenena izy.
Nofaritan’ i Juan Cole ho “mikaviavia” ny fikasan'i Erdogan hanakatona ny tolotra bilaogy madinika:

Erdogan’s clumsy attempt at internet censorship crashed and burned immediately. Turkish youth are sophisticated about using Tor and VPN workarounds, and the Turkish twittersphere was reconstituted so fast it probably made Erdogan’s head spin.

Nirodana sy may avy hatrany ny fikasana mikaviavia an'i Erdogan amin'ny fanivanana ny aterineto. Mahay azy ireo tanora Tiorka amin'ny fampiasana ireo vahaolana hafa toy ny Tor sy ny VPN, ka tafaverina tamin'ny laoniny haingana ihany ny tontolon'ny twitter Tiorka ka mety nahafanina an'i Erdogan mihitsy.

Erik Meyersson nanampy hoe:

Nahita ny vahaolana @torproject i #Turkey tamin'ny taon-dasa, tsy mahagaga raha mbola afaka misioka ny olona na dia eo aza ny #TwitterisblockedinTurkey (fanakatonana ny Twitter ao Tiorkia)

Mihomehy ilay mpikaroka Tiorka Zeynep fa afaka maneho ny heviny ireo mpisera Twitter Tiorka na dia eo aza ny fandraràna:

🙂 “Na dia eo aza” = “satria noho ny ” RT @mashable izay: sioka 1,2 tapitrisa nalefa tao Tiorkia, na dia teo aza ny fandraràna

Na dia izany izany, hoy izy nanampy:

Fanakatonana ny DNS, narahan'ny fanakatonana tsy ampy ny IPS, koa iza no mahalala. Eo an-dalam-pampianarana ny teknolojia avo lenta i Torkia. Dingana manaraka, hiditra Tor ireo renibe.

Avy ao Torkia, namariparitra ny fomba nanapariahan'ireo mpisera Twitter ny heviny mikasika ny fomba nihodidinana ny fanakatonana i Engin Onder:

Nakatona ny #twitter ao #turkey androany alina. lokoin-dry zalahy ireo nomeraon'ny #google dns ao amin'ireo afisin'ny antokon'ny mpitondra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.