Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Niampanga an'i Vladimir Putin Ve Ny Mpiantsehatra Malaza Indrindra Ao Rosia?

Russian actor Konstantin Khabensky. YouTube screenshot.

Mpiantsehatra Rosiana Konstantin Khabensky. pikantsary YouTube.

 

Iray amin'ireo mpiantsehatra malaza ao Rosia i Konstantin Khabensky. Ny tena hahafantaran'ny mpijery iraisampirenena azy dia ny filalaovany ao amin'ny sarimihetsika Jery alina jery andro notontosain'i Timur Bekmambetov. Nanana anjara bitika ihany koa izy tany amin'ny sarimihetsika tandrefana tahaka ny “Tinker Tailor Solider Spy” sy “Wanted”. Tamin'ny 15 Marsa 2014, andro iray mialoha ny fitsapakevibahoakam-pisintahana tao Krimea, nisy hafatra nivoaka tao amin'ny tambajotra sosialy heverina fa an'i Khabensky, izay iampangany an'i Vladimir Putin sy nanehoany fanohanana an'i Ukraine. Nanaraka kely izany dia namoaka i Khabensky fa feno mailaka fankahalana ny boatin-kafatra antserasera, taorian'ny lahatsoratra nataony manokana an'i Ukraine.

Any amin'ny firenena maro, zavatra iainana andavanandro mahazatra ny mahare fanambarana politika ataon'ny mpiantsehatra mitsikera ny filoha eo amin'ny fahefana. Any Rosia, tena ankavitsiana dia ankavitsiana izany olona mipoitra matetika amin'ny fahitalavitra na amin'ny sarimihetsika izany ka hitsikera, na mahasahy irery hiampanga an'i Vladimir Putin. Ny marina, mora mirona kokoa amin'ny fideraderana ny ny filoha ny olona malaza tahaka an'i Khabensky rehefa amin'ny fotoanan'ny krizy iraisampirenena.

Raha handray ohatra, mihoatra ny 500 ny olona fanta-daza ara-kolontsaina vao nanasonia taratasim-bahoaka milaza ny fanohanany ny ataon'i Putin momba an'i “Ukraine sy Krimea.” Nivoaka tao amin'ny haba-tranonkala ofisialin'ny Minisiteran'ny Kolontsaina ny taratasy ary miaraka amin'ny lisitr'ireo nanasonia. Namaly tamin'ny famoahana taratasim-bahoakany, nanango-tsonia avy amin'ny olona fanta-daza ho manohitra ny ady, ahitana mpiantsehatra sy mpitendry mozika sasantsasany ihany koa ny gazetin'ny mpanohitra Novaya Gazeta, nefa nahazo ihany koa ireo mpanao gazety liberaly namany.

Ny lazan'i Khabensky sy ny teny mahitsy nampiasaina hanamelohany an'i Kremlin, anefa, no mametraka ny fanambarana nataony ho zavatra manokana. Izany no fanambarana nataon'olomangan'ny kolontsaina — fa tsy ngonongonon'ireo avy amin'ny zanakolontsaina Rosiana sasany. Nanampy tamin'ny fanomezana endrika ny lalao olaimpikan'i Sochi i Khabensky, izay nanaovany dokambarotra ho an'i MegaFon ary ny nisehoany tao amin'ny lahatsarin'ny Olaimpika nanasongadinana mpiantsehatra Rosiana mpitari-dalana nilalao ireo fotoana manandanja teo amin'ny tantara rosiana. Indrindra moa fa nametraka ny fanambaran'i Khabensky eo amin'ny tantara be mpamaky indrindra ny vavahadim-baovao NewsRu.com . (Amin'izao fotoana anoratana izao dia mbola mitana ny sangany hatrany ilay lahatsoratra.)

Fa misy ihany ny antony matanjaka ahafahana miahiahy fa tsy i Khabensky no nanoratra ilay lahatsoratra pro-Ukraine, anti-Putin ao amin'ny Vkontakte. Milaza ho “pejy ofisialy” ilay kaonty tononina eto,  mampiseho marika fanamarihana maitso araka izay tratrany, saingy tsy tahaka izany no fomba famantaran'ny Vkontakte ny pejy ofisialy. Diniho ny fitsipiky ny [politikan'ny] habaka dia ho hitanao fa manamarika ny pejy ofisialy amin'ny fametrahana marika fanamarinana manga eo ankavanana manaraka ny anaran'ny mpiserasera indrindra ny Vkontakte. (Jereo ny pehin’ny praiminisitra Dmitri Medvedev ho ohatra mazava amin'izany.)

Raha lazaina amin'ny teny hafa dia tsy voamarina ny pejy Vkontakte an'i Khabensky, saingy tian'ilay tompon'ny kaonty hieritreritra ho izany ny mpamaky. Tokony hamelomana kiririokam-panairana izany: hosoka angamba io pejy io.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.