Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

Sata Nosoratan'ny Praiminisitra Rosiana Medvedev Momba an'i Okraina Tao Amin'ny Facebook

"Dmitry Anatolyevich, are you sleeping again? Dmitry Anatolyevich?" Anonymous image found online.

“Dmitry Anatolyevich, mbola matory indray ve ianao? Dmitry Anatolyevich?” Sary navoakan'olo-tsy fantatra tao amin'ny aterineto.

Nifidy sehatra tsy nampoizina ny Praiministra Dmitri Medvedev, izay nangina manoloana ny toe-draharaha ao Okraina sy ny fiandrianam-pireneny raha tapa-kevitra ny hanao fanambarana amin'izay. Izy, na mety ho iray amin'ireo sekreterany, no nanoratra ilay lahatsoratra [ru] tao amin'ny kaonty Facebook-ny, izay efa nahangona fanehoan-kevitra maherin'ny 5.000, “tiako” 6.000 ary nozaraina in-3.000. Maromaro ny fanambarana nataony tamin'izany, ny hita fa hafahafa indrindra dia:

Да, авторитет президента Януковича практически ничтожен, но это не отменяет того факта, что по Конституции Украины он – легитимный глава государства.

Eny, tsy manana ny heriny ny fahefan'ny filoha Ianoukovitch, saingy tsy manova na inona na inona izany, satria araka ny lalàmpanorenana Okrainiana, izy no filoham-pirenena ara-dalàna.

Notohizany tamin'ny fanomezana soso-kevitra fa tokony hanala an'i Ianoukovitch eo amin'ny toerany ny Antenimiera Okrainiana, raha izany no tian'izy ireo atao. Nahatonga ireo mpisera Twitter haneho hevitra mikasika ny halezolezon'i Medvedev izany famariparitana (marina) momba ny fahefan'i Ianoukovitch izany.

Arnold Schwarzenegger and Dmitry Medvedev with swapped heads. Anonymous image found online.

Arnold Schwarzenegger sy Dmitriy Medvedev mifanakalo loha. “Kambana” mifamadika. Sary nataon'olo-tsy fantatra tao amin'ny aterineto.

Sioka iray niampita in-150 namazivazy hoe:

Nandritra ny ady, nijanona tany amin'ny renibeny i Dmitri Medvedev

Bilaogera hafa nisioka hoe:

Nahita olona mbola mampahonena kokoa noho izy i Medvedev, ary miezaka manohy mitsambikina ao amin'ny [fahafatesana] politika.   

Nanamarika ny sasany fa ny filoha ara-dalàna manana fahefana tsy mahavita azy dia “oxymore (zavatra roa mifanohitra) [ru].”

"Don't worry Vic[tor], we've got this." Anonymous image found online.

“Aza miahiahy Vic[tor], hitanay izany.” Sary navoakan'olon-tsy fantatra hita tao anaty aterineto.

Nandritra izany, nofaranan'i  Medvedev tamin'ny fiantsoana an'i Okraina ho “havana mahantra” ny sata nosoratany tao amin'ny Facebook : 

России нужна сильная и стабильная Украина. Предсказуемый и экономически состоятельный партнер. А не бедный родственник, вечно стоящий с протянутой рукой.

Mila Okraina mafy orina sy matanjaka i Rosia. Mpiara-miasa azo fantarina mialoha sy matanjaka ara-toekarena. Fa tsy havana mahantra, miandry fanampiana hatrany.

Fanehoan-kevitra tsara (Eny, Manaiky aho “Marina ny Voalaza”) no niantombohan'ny valinteny tamin'ilay lahatsoratra, saingy vetivety dia nivadika tsikera hoan'ny fihetsiky ny Rosiana amin'i Okraina sy ny fitsabahana miharihary ao Crimea. Mbola tsy namaly na dia iray tamin'izany fanehoan-kevitra izany i Medvedev sy ny ekipany mifandray amin'ny gazety.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.