Génesis Carmona, reina venezolana, otra víctima mortal de la crisis política. http://t.co/TEgdttGQCG pic.twitter.com/ry3d5m8mWp
— El Universo (@eluniversocom) February 19, 2014
Génesis Carmona, mpanjakan'ny hatsarana ao Venezoela, olona iray hafa niharan'ny herisetran'ny savorovoro politika.
Maty tamin'ny 19 Febroary noho ny bala nahazo azy teo amin'ny lohany ny omalin'io, nandritra ilay hetsi-panoherana ny fitondrana, i Génesis Carmona, tanora Venezoeliana mpianatra sady mpanjakan'ny hatsarana.
Asi trasladaron a la estudiante Génesis Carmona que recibió un tiro en la cabeza mientras manifestabaen Vlalencia pic.twitter.com/GoNOTSh28Q
— Luis Viana Rosales (@LuisVianaR) February 18, 2014
Toy izao no nitondrana an'i Génesis Carmona, mpianatra iray, izay voatifitra teo amin'ny lohany raha nanao hetsi-panoherana tany Valencia.
@pabloaure en la Guerra Mendez conversando cn la mama y familiar de Genesis Carmona con impacto de bala en la cabeza pic.twitter.com/LHIYz8voKr
— luismagallanes (@luismagallanes8) February 18, 2014
Miresaka amin'ny fianakaviana sy ny renin'i Genesis Carmona izay misy bala ny lohany i @pabloaure ao amin'ny tobim-pitsaboana Guerra Mendez.
Araka ny nolazain'ny manam-pahaizana manokana izay nitsabo azy ao amin'ny tobim-pitsaboan'ny Dr. Rafael Guerra Méndez ao amin'ny tanànan'i Valencia, dia voatifitra teo amin'ny faritra havanana aorian'ny mokon-dohany ilay Tompon'ny Hatsaran-tarehin'ny Fizahan-tanin'i Carabobo 2013, izay faritry ny atidoha miandraikitra ny fahitana. Azo heverina fa tsy hahita intsony izy naha ho sitrana aza.
Genesis Carmona (23)herida de bala en manifestación en Valencia sale de quirofano,se encuentra en terapia intensiva pic.twitter.com/NzwPiGA3uc
— Marcos Morin Aguirre (@Mmorin_informa) February 18, 2014
Nivoaka ny trano fandidiana i Genesis Carmona (23 taona), voatifitry ny bala nandritra ilay hetsi-panoherana tany Valencia ary araha-maso akaiky amin'izao.
Namoaka ireo angona bitsika avy amin'ny mpampiasa Twitter, Héctor Rotunda (@Hecalo), izay mitantara ny zava-niseho nanomboka tamin'ny fotoana nahavoatifitra an'i Génesis Carmona mandra-pahafatiny ny gazety iray any Caracas. Teo amin'ilay toerana nisy ilay hetsi-panoherana i Rotunda sy ilay mpanjakavavin'ny hatsarana nodimandry.
Nosotros estabamos en la marcha frente a la estación del metro Cedeño. Se escuchó una ráfaga de disparos y nos lanzamos al suelo…
— Héctor Rotunda (@HecAlo) February 19, 2014
Tao anatin'ireo nanao fidinana an-dalambe teo anoloan'ny fiantsonan'ny “metro” Cedeño izahay. Nahare basy nipoaka lavareny izahay ka nandry tamin'ny tany…
Mitohy ny fanehoam-pahatezerana sy ny fanamelohana ao amin'ny Twitter. Ny Governoran'ny Fanjakan'i Carabobo, Francisco Ameliach, no voalaza fa fototr'iny fanafihana ny hetsi-panoherana tany Valencia iny. Andro vitsivitsy lasa izay, nandefa hafatra tamin'ny Twitter ny Governora nilaza fa zatra miampanga azy ho mamporisika ny fampiasan-kery ny mpanohitra amin'izao. Amin'ity bitsika manaraka ity, ohatra, dia tononony ny UBCH [es], ny Bolívar – Vondron-tafik'i Chávez (Unidades de Batalla Bolívar – Chávez) an'ny Antoko Sosialista Mivondrona ao Venezoela (PSUV – Partido Socialista Unido de Venezuela), Antoko eo amin'ny fitondrana.
UBCH a prepararse para el contra ataque fulminante. Diosdado dará la orden #GringosYFascistasRespeten pic.twitter.com/tRafsF9D1E
— Francisco Ameliach (@AmeliachPSUV) February 17, 2014
Vonona amin'ny valim-panafihana mivaivay ny UBCH. Diosdado no hanome ny baiko.
Filohan'ny Solombavambahoaka (Parlemanta Venezoeliana) amin'izao fotoana izao i Diosdado Cabello.
Mandritra izay fotoana izay, nanao fanambaràna nitaky ny fampiharana ny marina amin'ny fahafatesan'i Carmona tamin'ny haino aman-jery i Francisco Soteldo, mpikambana iray ao amin'ny Parlemanta, :
Soteldo: “Exigimos justicia por la muerte de Génesis Carmona” http://t.co/K0wAIKGAuD
— CARABOBO INFORMA (@CBBOINFORMA) February 19, 2014
Soteldo: “Mangataka ny fahamarinana manoloana ny fahafatesan'i Génesis Carmona izahay”
Carmona izany no faninefany tamin'ireo niharan-doza tamin'ny hetsi-panoherana tany Venezoela.
