Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

“Tsy Zava-tsy Manjary Na Aretina Akory Izahay”: Hoy Ireo Bilaogera Mpitia Ny Mitovy Taovam-pananahana Aminy Ao Tajikistan

Nofaritana ho toy ny helo ho an'ireo lehilahy mifanambady” i Tajikistan, firenena iray mpandàla ny nentin-drazana, ao Azia Afovoany, izay 95 isan-jatony ny vahoakany no Miozolmana. Kanefa ny media sosialy dia namela betsaka ny vondrom-piarahamonin'ireo olona nanova na mitovy taovam-pananahana (LGBT) nefa mifanambady ao amin'io firenena io ho afa-miteny manohitra ny fankahalana azy ireo.

Vao haingana no nisy andian-panadihadiana sy tantara tanaty bilaogy mikasika ny olan'ireo LGBT ao Tajikistan. Tamin'ny faran'ny Janoary, namoaka tantara ny Radio Ozodi (Radio Free Europe/zana-pandaharanan'ny Radio Liberty Tajik) mikasika ireo lehilahy mifanambady ao amin'ny firenena, tamin'ny fiteny Rosiana sy Tajik. Avy eo, tany ampiandohan'ny Febroary, ny gazety mpiseho isan-kerinandro amin'ny fiteny Rosiana, Avicenna namoaka [ru] vaovao momba ny fandidiana voalohany natao hanovàna taovam-pananahana tao amin'ny firenena. Niteraka fanehoankevitra an-jatony ireny tantara ireny, fankahalàna ireo olona mitovy nefa mifanambady no ankamaroany, miaraka aminà fanehoankevitra manosoka ny hoe “aretin-“tsaina na “fahotàna mahafaty” ny fifanambadian'olona mitovy taovam-pananahana.

Nivoatra nankany amin'ireo tambajotra sosialy sy ny tontolon'ny bilaogy ny adihevitra nanomboka teo. i Drugoi [Hafa], bilaogera mpiaro ny zon'ireo olona mitovy nefa mifanambady dia nandefa tantara iray tamin'ny Radio Ozodi sy Avicenna tao amin'ny Blogiston.tj, niteraka fanehoankevitra maro mifamahofaho sy lahatsoratra ho valin-kafatra. Eto ambany ny topimaso kely amin'ilay adihevitra izay naka toerana tao amin'ilay bilaogy.

Namaly ny lahatsoratr'i Drugoi [ru] mikasika ny fiainana mihidy iainan'ireo olona mitovy fa mifanambady ao Tajikistan, Ant nanamarika hoe [ru] :

Эти люди прокляты Богом

Olona voaozon'Andriamanitra ireny olona ireny

Rustam Gulov nanoratra hoe [ru]:

давайте вещи называть своими именами – “гомосексуализм” – это слово придумано не для “науки”, а для продвижения этой мерзости! как и “сексуальные меньшинства”, “гей”.

на самом деле есть самые нормальные и прямые понятия – пидараст, гомик, педик, содомит, ку…е, в конце концов!

и нечего их защищать! вслед за ними голову поднимут зоофилы, потом некрофилы всякие, а потом глядишь о своих “правах” вовсю будут горланить педофилы!

Rehefa kary dia aoka ho antsoina hoe kary.  Tsy teny “siantifika” ny hoe “fifanambadian'ny mitovy taovam-pananahana” ; noforonina ho entina mampiroborobo an'io fahavetavetana io fotsiny io! Mbola toy izany ihany koa ho an'ny teny hoe “vitsy an'isa ara-pananahana” sy “gay (lehilahy mifanambady)”.

Amin'ny tena izy dia misy teny tsotra sy mivantana kokoa – pidarast, gomik, pedik, sodomit, [kunte] [teny fanivaivàna amin'ny Rosiana sy Tajik mitovy dika amin'ny an'ny Anglisy hoe “faggot” – fako aman'ahitra]

Tsy tokony harovana ry zareo! Efa nandrary vato ny làlana ho an'ireo  zoophiles (olona mankafy miray amin'ny biby), sy ireo karazan'olona necrophiles (olona mankafy firaisana ara-nofo amin'ny razana) ary hatramin'ny pedophiles (mpanolana ankizy)!

Mir Aziz niombon-kevitra hoe [ru]:

Вот именно Рустам Ака нечего этим психам помогать !!! Их вообще нужно истреблять , чтоби остальние прежде чем вступить в эту хрень подумали своей башкой которая им не для красоты дано !

Tena izany mihitsy, Rustam. Tsy tokony hanampy an'ireny marary saina ireny isika!!! Tokony hofongorina izy ireny dia misaina in-droa ny olona vao hiditra ho anatin'io fahavetavetana io!

Emir namaly hoe [ru]:

Мир Азиз, а башка Вам для чего нужна? Для насилия? или для фашистских призывов??? Думайте головой, вы в открытую призывайте к дискриминации, насилию прежде всего Людей!..

Mir Aziz, fa maninona no ilainao ny loha? Ho amin'ny herisetra ve? Na angamba ho amin'ny teny faneva feno fanavakavahana??? Eritrereto izay, Miantso fanavakavahana mibaribary ianao ary herisetra atao amin'ireo olombelona hafa! ..

Mpamaky hafa no nanampy hoe [ru]:

я понимаю вашу позицию, ребята, и даже почти во всем с вами согласен. но есть такая проблема. геи у нас есть, они живут в нашем обществе и скрывают свою ориентацию. многих заставляют жениться, и они делают еще и своих жен несчастными. что делать с такими людьми? не совсем ведь человечно заставлять их всю жизнь молчать и скрывать правду от окружающих. 

Azoko tsara hoe aiza no misy anareo, ry zalahy, ary miombon-kevitra amin'ny ankamaroan'izay nolazainareo aho. Saingy eto no olana. Manana lehilahy mifanambady isika, singa ao anaty fiarahamonintsika izy ireny ary manafina ny fironana [ara-pilan'ny nofo] ananany ry zareo. Maro amin'izy ireny no voatery manambady, izay mahatonga ny vehivavy novadiany ho tsy hanam-pahasambarana ihany koa. Dia inona no tokony hataontsika manoloana ny olona tahaka izany? Tsy araka ny maha-olombelona loatra ny hanery azy ireny hijanona anaty fahanginana sy hanafina ny marina amin'ny olona rehetra mandritry ny androm-piainan-dry zareo. 

Novalian’i Drugoi [ru] ireo kiana ireo:

Вы все слишком агрессивно настроены. Гомосексуализм уже тысячи лет запрещали и преследовали. За это долгое время было предусмотрено уголовное наказание. Неужели для вас не урок то, что все это ничего не изменило? Некоторые люди рождаются с другой сексуальной ориентацией и этого не изменишь. А “психологи”, называющие гомосексуализм психическим недугом, кретины-недоучки.

Mitratrevatreva daholo isika rehetra. Efa voaràra sy nenjehana foana nandritry ny an'arivon-taona ny fifanambadian'olona mitovy taovam-pananahana. Nisy mihitsy aza ny fanenjehana ireo olona mitovy nefa mifanambady ho toy ny nanao heloka bevava. Tsy efa lesona iray tsara ho anareo ve ny tsy nisian'ny fiovàn-javatra na inona na inona tamin'ity fanenjehana ity? Hatrany ampahaterahany ny olona sasany  no efa nanana fironana ara-pananahana hafa amin'ny an'ny rehetra, ary tsy azo ovàna izany. Ary ho an'ireo “mpitsabo rarin-tsaina” milaza ny fifanambadian'olona mitovy taovam-pananahana ho aretin-tsaina, olona adala tsy ampy fahalalàna izy ireny.

Nanoso-kevitra ny sasany tamin'ireo mpisera ety anaty aterineto ny amin'ny tsy tokony hiheverana ireo olona mitovy nefa mifanambady ho toy ny ampahany ao anatin'ny fiarahamonina Tajik. Nanoratra i [tj] Firdavs hoe : 

Мардум илтимос калимахои Точик ва Точикистон набьерен вакте ки дар бораи педико сухбат меравад. Онхо точик нестану аз точикистон не. Магар хар як хайвона точик гуем мо?

O rey olona ô, miangavy, aza ampiasaina ny teny hoe “Tajik” sy  “Tajikistan” rehefa miresaka an'ireny fako aman'ahitra ireny ianareo. Sady tsy Tajiks ireny no tsy avy ao Tajikistan. Sa izay biby rehetra izao dia tokony ho antsointsika koa hoe Tajik?

Nanaiky izany i [tj] Benom :

Man Firdavs kati 100% roziam. In kunteho tojik neand. Ino odam ham neand.

Tohanako [tanteraka] i Firdavs. Tsy Tajik ireny fako aman'ahitra ireny. Tsy olombelona akory aza izy ireny.

Nisy vondrona iray ahitàna ireo mpiserasera ety anaty aterineto nanameloka ity adihevitra be mikasika ny olan'ny olona mitovy nefa mifanambady ao Tajikistan ity. Tao anatin'ny tantaran'ny Radio Ozodi, ohatra, marobe ireo mpamaky no nangataka tamin'ireo mpamoaka lahatsoratra mba hanàla ilay izy tsy ho ao amin'ny tranonkala mba “hitahirizana ny endriky” ny firenena. Ao amin'ny Blogiston.tj, Vali ibn Vali niteny hoe [tj] :

Hamin bahsoya bas kuneton, bacho! Gomiko hamash haroman. Va agar kase tarafoshona megiradu ghamashona mehurad unam harom hisob meshad. 

Atsaharo itony adihevitra itony, ry zalahy a ! haram [fahotàna, maloto] daholo ireo fako aman'ahitra ireo. Rehefa misy olona manohana an-dry zareo na mikarakara azy, raisina ho haram koa io olona io.

Ho valin'ireo kiana maromaro sy soso-kevitra hoe tokony “hotazonin'ireo olona mpitia ny mitovy taovam-pananahana aminy ho azy ihany ny azy” ary tokony hanaraka fitsaboana aretin-tsaina ry lerony, nanoratra i [ru] Drugoi hoe :

Вы поймите, что мы существуем, мы не аномалия или болезнь, мы такие же люди, как и вы все. И мы имеем право на достойную жизнь.

Tokony hahatsapa ianareo fa hoe misy izahay ; tsy zava-tsy manjary na aretina akory izahay; olombelona tahaka anareo ihany izahay. Ary manana zo hiaina finaritra.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.