Rehefa nandany ny roa taona teo ho eo tany am-ponja, dia notaterin'ny fampitam-baovao tao an-toerana ho nahazo famindra-po avy amin'ny filoha i Jabeur Mejri izay nigadra noho ny famoahana votoaty maniratsira ny Islam.
Tamin'ny Marsa 2012 i Mejri no namoahana didy higadra fito taona sy tapany noho ny famoahana tantara an-tsary ny Mpaminany Muhammad tao amin'ny pejiny Facebook. Nahazo didy tsy natrehina mitovy amin'izany ihany koa ny namany Ghazi Beji izay namoaka eboky mitondra ny lohateny hoe “ny fanova-mason'ny Islam” rehefa nandositra ny fireneny. Monina any Frantsa moa izy io amin'izao fotoana izao rehefa navela hialokaloka tany.
Hita ho meloka tamin'ny ‘famoahana fitaovana azo raisina ho manozongozona ny filaminam-bahoaka sy ny fitondra-tena tsara’ ry zareo, ‘manompa ny hafa amin'ny alalan'ny tambajotram-pifandraisan'ny daholobe ’ ary ‘fanohintohinana ny fitondra-tenan'ny daholobe’.
Efa nolavina im-betsaka ny fangatahana famindra-po nataon'ny ekipam-pisoloambavan'i Mejri, na dia teo aza ny fampanantenana maro avy amin'ny filoha vonjimaika Moncef Marzouki ho famotsorana azy.
Efa niteny teo anoloan'ny Vaomieran'ny Fifandraisana amin'ny any Ivelany (CFR) ohatra i Marzouki tamin'ny septambra lasa teo fa “miandry ny fotoana mety ara-politika” hamotsorana an'i Mejri.
“Amin'izao fotoana anjakan'ny herisetra henjana dia henjana miaraka amin'ny Salafista izao dia mitatao ho an'ilay zalahy io ny famoahana azy ankehitriny”, hoy ny teniny izay nahazo tsikera avy amin'ny mpikatroky ny zon'olombelona izay mametraka ny fanambarany ho fialana bala mbola hitazonana an'i Mejri any am-ponja.
Ao amin'ny Facebook, nanamafy ny fisian'ny famindram-po ny Biraon'ny Filoha[ar]:
الناطق الرسمي باسم رئاسة الجمهورية السيد عدنان منصر على موجات شمس إف إم :رئيس الجمهورية أمضى منذ أيام عفوا خاصا عن جابر الماجري في القضية الأصلية
Niteny tao amin'ny Radio Shems FM ny mpitondra teny ofisialin'ny Fiadidiana ny Filohan'ny Repoblika Atoa Adnan Mansar: Andro vitsivitsy lasa izay no nosoniavin'ny Filohan'ny Repoblika ny famindram-po manokana ho an'i Jabeur Mejri amin'ny raharaha voalohany
Nanaraka ny fihetseham-po avy amin'ny Twitter:
Ghassen Yahia niankina [fr] amin'ny voalazan'ny lalampanorenana vaovao-n'ny firenena izay miantoka ny fahalalaham-pitenenana, eritreritra ary saina. Fa io sata, izay nolaniana tamin'ny Janoary io ihany koa dia mandrara ny “fanohintohinana ny zava-masina”, na izany aza.
Jabeur libéré? première application de la nouvelle constitution ? #FreeJabeur
— Ghassen Yahia (@GhassenYahia) February 19, 2014
Noafahana i Jabeur? Izany ve no fampiharana voalohany ny lalampanorenana vaovao?
Nisioka i Yamina Thabet, filohan'ny fikambanan'ny vitsy an'isa Toniziana [fr]:
#freejabeur …Il est trop tard ,il ne s'agit plus de grâce mais d'une tentative de réparation d'une atteinte grave à la dignité humaine
— yamina thabet (@yaminathabet) February 19, 2014
#freejabeur…tara loatra, tsy resaka famindram-po intsony fa fikendrena hanonerana fanohintohinana lalina ny famendrehan'olombelona
Miantso hisian'ny fahamailoana i Martin Pradel [fr]:
La grâce est annoncée depuis longtemps. Elle serait signée ; mais prudence, tant que Jabeur n'est pas effectivement libéré. #FreeJabeur
— Martin PRADEL (@MartinPradel) February 19, 2014
Efa nambara hatrny ny ela ny famindram-po, mety ho efa voasonia. Saingy, aleo mailo rehefa mbola tsy tafavoaka i Jabeur
Na dia nahazo famindram-po aza i Mejri, dia tsy mbola voamarina ny famotsorana azy. Milaza ny onjam-peo tsy miankina Shems FM fa mbola any am-ponja noho ny raharaha hafa anenjehana azy izy.
Nilaza [fr] toy izao ny komity mpanohana azy tamin'ny fanambarana navoaka tamin'ny 19 febroary 2014:
Nous ne pouvons confirmer ou infirmer, pour le moment, ce nouveau rebondissement dans le dossier de Jabeur Mejri
Tsy mbola afa-manamafy na mitsipaka amin'ny fivoaran-draharaha momba an'i Jabeur Mejri izahay amin'izao fotoana izao
Tamin'ny volana Janoary lasa telo ny Ligin'ny Zon'Olombelona Toniziana (LTDH) no nanambara fa havotsotra handeha ho any Soeda izay nahazoany fialokalofana ara-politika i Mejri.
Nisioka i Molka Chaari [fr]:
Gracié, Ok. Mais, il est “obligé” de quitter le pays??? #FreeJabeur #Tunisie
— Molka Chaâri (@Molka_Chaari) February 19, 2014
Nomena famindram-po, ok. Fa “voatery” handao ny tanindrazana???