Akatòny

Fitia Tsy Mba Hetra Hampijoro Tsara Hatrany Ny Global Voices

Miasa mafy isan'andro ireo mpirotsaka an-tsitrapo manerantany ato amin'ny fikambananay hitondra ho anao ireo tantara tsy voatatitra manerana izao tontolo izao -- Saingy tsy afa-manao izany samirery tsy misy ny fanampianao izahay. Tohano amin'ny alalan'ny fanomezana (fitia tsy mba hetra) hoan'ny Global Voices ireo tonia, mpahay teknolojia, mpanentana ara-piarovana ato aminay!

Manomeza anio

Hijery ny Tenim-Pirenena rehetra? Mandika ny tantaran'ny Global Voices izahay mba ho hitan'ny rehetra ny fitantaran'olo-tsotra manerantany.

“Connect Uganda”, Tetikasa Famakiamboky Ho An'ny Tantsaha

Miaina sy miasa any ambanivohitra ny ankamaroan'ny olona any Oganda – angamba tsy mahay mamaky teny sy manoratra. Ahoana – ary inona – no azon'ireo tantsaha avy amin'ny fijerena aterineto ?

A training session in Kenya. Published with permission from the Maendeleo Foundation.

Fiofanana tany Kenya. Naparitaka rehefa nahazoana alàlana tamin'ny Maendeleo Foundation.

Mikarakara izay fomba ahazoan'ny tantsaha mitrandraka vaovao momba ny fambolena ao amin'ny aterineto ny Tetikasa Connect Uganda sy ny fikambanan'ny trano famakiamboky. Nametraka takelaka ahazoana herinaratra amin'ny masoandro ry zareo mba handefasana ireo solosaina kely Android mba hidirana amin'ny aterineto sy hanofanana ireo mpiasan'ny tranomboky sy ireo mpikambana ao amin'ilay fikambanana amin'ny fahaiza-mifehy solosaina sy ny fangalàna ny vaovao. Koa satria tsy mahay mamaky teny sy manoratra ny 95%-n'ny  tantsaha ( araka ny tatitra avy amin'ny Maendeleo Foundation ), dia hanana anjara goavana amin'ny famakiana sy ny fandikana izany ho amin'ny fiteny mahazatra ny mponina ao an-toerana koa ireo mpiasan'ny tranomboky. 

Published with permission from the Maendeleo Foundation.

Naparitaka rehefa nahazoana alàlana tamin'ny Maendeleo Foundation.

Mety ho sarotra sy lafo ny hanatratra ireo vondrom-piarahamonina lavitra ho an'ireo mpanentana avy amin'ny fitondrana. Fenoin'ny tetikasa Connect Uganda io fahabangan'ny fanabeazana ny tantsaha io amin'ny fanampiana ireo tantsaha hianatra momba ny zava-baovao azo ampiharina ho an'ny voliny; nanomboka namokatra masomboly vaovao toy ny hazo Sesbania, Calliandra, ary Leuceana ny sasany.  Ny tantsaha no tsara toeranaa kokoa handray fanapahan-kevitra mifanaraka amin'izay masomboly hatao, ny fampiharana ary ny tsena handefasana izany mba hahazoana tombony, araka ny fahalalana ny vidin'entana eny an-tsena sy ny fomba fambolena.

Anvonà distrika dimy any Oganda no miasa ny tetikasa izay ny Maendeleo Foundation no mandrindra azy ao : Buikwe, Arua, Namutumba, Kasese ary Alebtong. Mirotsaka an-tsehatra manampy amin'ny fananganana tambajotra amin'ny alàlan'ny aterineto ho an'ny Ogande io fikambanana io izay midika hoe “fandrosoana” ny anarany amin'ny fiteny Swahili. Ny tetikasa Connect Uganda dia vatsian'ny EiFL, ONG mikatsaka ny hanome fahalalàna any amin'ny tany an-dàlam-pandrosoana, amin'ny fiaraha-miasa amin'ny tranomboky ao an-toerana .

Azonao arahana ao amin'ny pejy facebook-n'ny Maendeleo Foundation ny asan'ny tetikasa Connect Uganda.

Atombohy ny resaka

Mpanoratra, azafady hiditra »

Torolalana

  • Miandry fanekena ny hevitra rehetra. Aza alefa in-droa ny hevitra.
  • iangaviana ianao haneho fifanajàna amin'ny hevitra rehetra. Tsy ekena ny hevitra feno fankahalàna, vetaveta, mamely olona manokana.